İki oyuna səkkiz qol yeyən “ulduzlarımız”

Bakıda əvvəlcə macarların, ardınca slovakların bizə +18 futbol təklifindən nə qədər vaz keçməyə çalışsaq da, hər iki köhnə qitə təmsilçisi milli komandamıza Cinayət Məcəlləmizin 149-cu maddəsində təsbit olunan hərəkətləri etməkdən belə çəkinmədilər. Maddənin açılışını burada yazmıram, amma kim istəsə tapıb oxuya bilər.

Əslində, bu məğlubiyyətdə adı hətta 23-lüyə daxil edilən futboluçların da günahı, təqsiri, səhvi qaçılmazdır. Amma Bədavi Hüseynov, Rahil Məmmədov və Qara Qarayevin iki oyunda səkkiz top buraxdığımız qarşılaşmalardakı payını, zəhmətini dansaq haqsızlıq etmiş olarıq. Söhbətin hansı səhvlərdən getdiyini bir-bir sadalamağa gərək yoxdur. Elə səkkiz qola baxmaq kifayətdir.

Həmkarımız Rüstəm Əfsərlinin sözü olmasın, amma indi sən gəl gör bu üç "superulduz" eləcə də digər futbolçularımız yay transfer pəncərəsində klublarımıza nə qiymət oxuyurlar.

Məsələn, Qara Qarayev bu ölkənin demək olar ki, ən ödənişli üç orta xətt oyunçusundan biridir. Deyilənlərə inansaq, illik məvacibi 400 min civarındadır. Bədavi də təxminən eyni əməkhaqqını alır. Rahil Məmmədov isə bir ilə 200 min civarında pula sahib olur. Amma bu iki oyunlara gələn azarkeşlər arasında bəlkə də oyunun biletini borc pula alıb gələnlər də var idi. Görəsən milli üzvləri həmin azarkeşlər qarşısında utanırlarmı? Maraqlıdır, Bədavi Hüseynov həmin pulu Dağıstanda yuxusunda belə görə bilərdimi? Yaxud bir zamanlar hətta fəhlə işlədiyini deyən Qara Qarayev o qara günləri nə tez unutdu? Rahil Məmmədov bəlkə Yurçeviçin humanizminə arxayındır? Bütün bunlar açıq suallardır. Ortada isə bundan da açıq olan bir fakt var.

İyunun 8-də macarların 3 öpüb, 1 dişlədiyi millini, bu gün slovaklar rəsmən... adını siz qoyun.

Rahil, Qara, Bədavi, siz qoyun!!!

Ölkə.Az