İki qardaş iki həftədir dərsə gedə bilmir — DİREKTOR MƏKTƏBƏ GÖTÜRMÜR

İki qardaş iki həftədir dərsə gedə bilmir
12:37
25.09.2017
1135
Ölkə
A
Bərda rayon sakini Fərqanə Məmmədovanın övladları Əli Məmmədov və Zamiq Məmmədov iki həftədir məktəbə gedə bilmirlər.

"Ölkə.Az"-ın məlumatına görə, Xətai rayonundakı 221 saylı orta məktəbin direktoru Fikrət Səlimov müxtəlif bəhanələrlə uşaqları məktəbə qəbul etmək istəmir. F.Məmmədova bildirib ki, iki həftə ərzində etdiyi bir neçə müraciətə baxmayaraq, direktor fikrindən daşınmayıb:

"Ötən həftənin birinci günü məktəbə getdim. Direktora dedim ki, Bərdə rayonundan gəlmişəm, övladımın bu məktəbdə təhsil almağını istəyirəm. Əvvəlcə dedi ki, yerimiz yoxdur. Sonra xahiş elədim, dedim ki, burada başqa məktəb yoxdur axı. Dedi, get sənəd gətir. Bərdə rayon Uğurbəyli kənd orta məktəbinin direktoru Zakir müəllim arayış vermədi. Dedilər ki, arayışsız heç bir sənəd verə bilmərik. Yenidən Bakıya qayıtdım, direktordan arayış istədim. 

Üç gün ard-arda getdim, uşaqları məktəbə götürmədi. Hər dəfə bir cür bəhanə gətirdi. Bu gün yenidən məktəbə getdim ki, xahiş edim, bəlkə götürər. Deyir ki, üçüncü sinifdə oxuyanı götürürəm, amma ikinci sinifdə oxuyanı yox. Səbəb soruşanda yenə bəhanələr gətirdi ki guya yer yoxdur. Üçüncü sinifdə oxuyanın da qiymət cədvəli gələndən sonra qəbul edəcək. Həyat yoldaşım bir-iki nəfərdən maraqlanıb. Deyirlər ki, direktor şirinlik (pul nəzərdə tutur-red.) istəyir, ona görə hər ikisini götürməyib". 

Əməkdaşımız məsələylə bağlı 221 saylı orta məktəbin direktoru Fikrət Məmmədovla əlaqə saxlamağa çalışıb. Qəbul otağından bildirilib ki, direktor jurnalistlərə cavab vermir.

İntiqam VALEHOĞLU
Ölkə.Az

ŞƏRH YAZ
0

Polis “ağdamlı Faiq”i tapdı

Polis “ağdamlı Faiq”i tapdı
23:14
22.07.2018
930
Ölkə
A
Sosial şəbəkələrdə avtoxuliqanlıq edərək canlı yayıma çıxan “ağdamlı Faiq” tapılıb.

“Ölkə.Az”ın xəbərinə görə, hadisə ilə bağlı Ağdam rayon Yol Polisi Şöbəsindən Avtosfer.az-a bildiriblər ki, sözügedən şəxslə bağlı məlumat efirə gedəndən 10 dəqiqə sonra həmin şəxs aşkarlanıb. Onun barəsində toplanmış materiallar Ağdam rayon məhkəməsinə göndərilib. 

Sabah (həftənin bazar ertəsi) sürücü barədə məhkəmə qərar qəbul edəcək.

Qeyd edək ki, sürücü və atası Ağdamda kondisioner ustasıdır. O, bu hərəkətlərini çılğınlıq adlandırıb və “cavanlıq” etdiyini deyib.

Ölkə.Az

ŞƏRH YAZ
0

Bu gün 8 nəfər ölümün əlindən alındı

Bu gün 8 nəfər ölümün əlindən alındı
22:55
22.07.2018
749
Ölkə
A
Dənizdə batma təhlükəsi ilə üzləşən 8 nəfər xilas edilib.

"Ölkə.Az" FHN-in saytına istinadən xəbər verir ki, bu gün Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti tərəfindən Hövsan, Bilgəh, Mingəçevir, Mərdəkan sularda xilasetmə məntəqələrinin ərazisində və qeyri-çimərlik (nəzarətsiz) ərazidə çimərkən batma təhlükəsi ilə üzləşmiş 8 nəfər xilas olunub​.

Ölkə.Az

ŞƏRH YAZ
0
BAĞLA