KORONAVİRUSA YOLUXANLARIN SAYI - CANLI STATİSTİKA

İki rayonda Gənclərin İnkişaf və Karyera Mərkəzinin nümayəndəlikləri fəaliyyətə başladı

İki rayonda Gənclərin İnkişaf və Karyera Mərkəzinin nümayəndəlikləri fəaliyyətə başladı
12:11
08.11.2019
3781
Ölkə
A
Azərbaycan Respublikasının Prezidenti İlham Əliyevin 1 oktyabr 2019-cu il tarixli, 1454 saylı Sərəncamına uyğun olaraq, noyabrın 8-də Cəlilabad və Masallı rayonlarında yerləşən Heydər Əliyev Mərkəzlərində Gənclərin İnkişaf və Karyera Mərkəzinin (GKİM) nümayəndəlikləri fəaliyyətə başlayıb.

Nümayəndəliklərin əsas fəaliyyəti dövlət gənclər siyasətinin tələblərinə uyğun olaraq, gənclərin hərtərəfli inkişafının təmin olunması, habelə Ümummilli Lider Heydər Əliyevin dövlətçilik fəlsəfəsini, azərbaycançılıq məfkurəsini gənc nəslin daha dərindən mənimsəməsi işinə töhfə verməkdən ibarətdir.

Bu xüsusda, gənclərin əlavə bilik və bacarıqlara yiyələnməsi üçün müxtəlif peşə təlimləri və ustad dərsləri, təhsil və təcrübə proqramları, görüşlər və seminarlar, intellektual oyunlar və digər tədbirlər təşkil olunacaq.

Nümayəndəliklər vasitəsilə regionda yaşayan gənclər dövlət tərəfindən onlar üçün yaradılan imkanlar barədə məlumat və məsləhət almaq, həmçinin müxtəlif proqramlara müraciət və onlarda iştirak etmək imkanı əldə edəcəklər.

Açılış mərasimlərində çıxış edən Gənclər Fondunun icraçı direktoru, rayon icra hakimiyyətlərinin rəhbərliyi, Gənclərin İnkişaf və Karyera Mərkəzinin Cəlilabad və Masallı rayon nümayəndəliklərinin direktorları dövlət başçısı İlham Əliyevin həyata keçirdiyi gənclər siyasətindən və gənclər üçün mövcud olan imkanlardan danışıblar.

Qeyd olunub ki, bu gün gənclərin hərtərəfli inkişafının təmin olunması, onların məşğulluq və sahibkarlıq imkanlarının genişləndirilməsi, asudə vaxtının təşkili, habelə gənclər üçün təhsilin əlçatanlığının daha da artırılması istiqamətində mütəmadi işlər davam etdirilir.

Cənab Prezidentin göstərişi ilə regionlarda açılan GİKM nümayəndəliklərinin gənclərin şəxsi inkişafının, təhsilinin, karyera və peşə seçimlərinin dəstəklənməsi, onların ictimai-sosial həyatda daha aktiv fəaliyyətlərinin təşviq edilməsi işinə töhfə verəcəyi vurğulanıb, gənclər bu imkanlardan yararlanmağa və sıx əməkdaşlığa dəvət olunublar.

Daha sonra tədbir iştirakçıları üçün Cəlilabad və Masallı rayonlarındakı Heydər Əliyev Mərkəzlərində fəaliyyət göstərən muzeylərə ekskursiya təşkil olunub, eyni zamanda, Mərkəzlərin imkanları barədə onlara ətraflı məlumat verilib. Həmçinin, region gəncləri “Gənc Könüllü” proqramına qoşulmaq üçün qeydiyyatdan keçiblər. Tədbirlər musiqili-əyləncəli proqram və intellektual oyunlarla davam etdirilib.

Ölkəmizin şəhər və rayonlarında gənclər üçün inşa edilmiş infrastruktur obyektlərinin təyinatı üzrə və səmərəli fəaliyyətinin, regionlarda yaşayan gənclərin dövlət tərəfindən onlar üçün yaradılmış şəraitdən tam şəkildə yararlanmasının təmin edilməsi ilə bağlı Dövlət başçısının verdiyi göstərişə uyğun olaraq, bu ilin sonu və növbəti ilin ilk rübü ərzində ölkənin bütün şəhər və rayonlarında Gənclərin İnkişaf və Karyera Mərkəzinin nümayəndəlikləri yaradılacaqdır. 

Gənclərin Karyera və İnkişaf Mərkəzində mövcud vakansiyalar və yeni açılan iş yerləri barədə məlumatı Azərbaycan Respublikası Gənclər Fondunun mütəmadi olaraq yenilənən internet səhifəsindən əldə etmək mümkündür (https://youthfoundation.az/69937/).

Gənclər Fondu ictimai fəal və təşəbbüskar gəncləri bu vakansiyalar üzrə müraciət etməyə dəvət edir.

ŞƏRH YAZ
0

Çingiz Qənizadənin oğluna yeni vəzifə verildi

Çingiz Qənizadənin oğluna yeni vəzifə verildi
14:03
Bu gün
4633
Ölkə
A
Prokurorluq orqanlarında yeni təyinatlar olub.

"Ölkə.Az" oxu.az-a istinadən xəbər verir ki, bununla bağlı Baş prokuror Kamran Əliyev müvafiq əmrlər imzalayıb.

Əmrlərə əsasən, Elgiz Qənizadə Nərimanov rayon prokurunun müavini, Vüqar Hüseynov Suraxanı rayon prokurorunun müavini və Kənan Əliyev Nəsimi rayonun prokurorunun müavini vəzifələrinə təyin ediliblər.

Qeyd edək ki, Nərimanov rayon prokurorunun müavini təyin edilmiş E.Qənizadə sabiq millət vəkili Çingiz Qənizadənin oğludur.

ŞƏRH YAZ
0

Bakıda mağazalarda sosial izolyasiya qaydalarına necə riayət olunur? — FOTO/VİDEO

Bakıda mağazalarda sosial izolyasiya qaydalarına necə riayət olunur?
14:01
Bu gün
2513
Ölkə
A
Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə mütəmadi olaraq dövlət qurumları tərəfindən qida məhsullarının ticarəti ilə məşğul olan sahibkarlıq subyektlərində reydlər aparılır.

Report-un çəkiliş qrupu bu məqsədlə paytaxtdakı bəzi mağazalara baş çəkib.

Yasamal, Nəsimi, Nizami, Xətai, Sabunçu və Xəzər rayonu ərazisindəki bəzi mağazalarda aparılan çəkiliş zamanı Nazirlər Kabineti yanında operativ qərargahın tapşırıqlarına, eləcə də, koronavirus infeksiyasının profilaktikasına dair metodiki göstərişlərə riayət olunduğu müşahidə olunub.

Mağazaların daxili girişində müştərilərin hərarətinin yoxlanılması, əllərinin spirt vasitəsilə dezinfeksiya edilməsi üçün bir neçə əməkdaş cəlb olunub.

Bununla da, müştərilərin yalnız hərarəti yoxlanıldıqdan və əlləri spirtlə dezinfeksiya edildikdən sonra mağazaya daxil olması mümkündür. Hərarəti olan və tibbi maskadan istifadə etməyən müştərilər mağazalara buraxılmır.

Bundan əlavə, mağazaların içərisində müştərilərin sosial izolyasiya qaydalarına əməl etmələri üçün xüsusi maarifləndirici məlumatların əks olunduğu nişanların yerləşdirildiyi də müşahidə edilib. Nişanlarda sosial məsafə saxlanılması tələb olunub.

Çəkiliş zamanı market müdirləri bildirib ki, gün ərzində işçi heyətinin də 2-3 dəfə hərarəti yoxlanılır və onlara şəxsi gigiyenik qaydalara əməl etmələri üçün müvafiq tövsiyələr verilir.

Ölkə.Az

ŞƏRH YAZ
0
BAĞLA