“İkinci nəvəm dünyaya gəldi, çox sevinirəm” — Nazir

“İkinci nəvəm dünyaya gəldi, çox sevinirəm”
22:28
14.03.2019
1635
Ölkə
A
““Whatsapp”dan istifadə edirəm, lakin daha çox informasiya mübadiləsi üçün. Sözsüz ki, hərdən dostlar, ailə üzvləri bir-birilərinə şəkillər də ötürürlər. “Facebook”da isə şəxsi profilim yoxdur. Buna kifayət qədər vaxt ayırmaq lazımdır. Cədvəlim buna imkan vermir”.

“Ölkə.Az”ın “Qafqazinfo”ya istinadən məlumatına görə, bu sözləri  mədəniyyət naziri Əbülfəs Qarayev “ASAN Radio”nun “QəbuldASAN” proqramında deyib.

Aparıcı Emin Musəvi naziri ikinci dəfə qız babası olması münasibəti ilə təbrik edib:

“On gündür ki, ikinci nəvəm dünyaya gəlib. Çox sevinirəm. Təbriklərinizi məmnuniyyətlə qəbul edirəm. Allah bütün nəvələri və uşaqları saxlasın”.

Ölkə.Az

ŞƏRH YAZ
0

Növbəti hərrac keçiriləcək

Növbəti hərrac keçiriləcək
19:45
Bu gün
279
Ölkə
A
Əmlak Məsələləri Dövlət Komitəsinin (ƏMDK) təşkil etdiyi növbəti hərraclardan biri iyulun 23-də keçiriləcək.

ƏMDK-dan "Ölkə.Az"a verilən məlumata görə, komitə tərəfindən dövlət əmlaklarının özəlləşdirilməsində müasir üsulların tətbiqi hər kəsin prosesdə iştirakına şərait yaradır. Onlayn formada seçim, sifariş prosedurları və elektron hərrac sisteminin tətbiqi ilə investorlar olduğu məkandan hərraca qoşula bilir. Bu imkanlar özəlləşdirməyə marağı artırmaqla yanaşı, vaxta qənaəti, hərraclarda şəffaf mühiti və rahat iştirakı təmin edir. 

İyuldakı hərraca ümumilikdə 80 dövlət əmlakı çıxarılıb. Hərracda investorlar 31 kiçik dövlət müəssisəsi və obyekti, 16 səhmdar cəmiyyəti, 29 nəqliyyat vasitəsi və 4 qeyri-yaşayış sahəsi üzrə seçim edə bilər. Respublikanın müxtəlif regionlarında yerləşən kiçik dövlət müəssisə və obyektlərinin ümumi faydalı sahəsi 7,5 kvadratmetr və 9,2 min kvadratmetr arasındadır. Obyektlərin qiymət intervalı üzrə də fərqlənməsi hər bir potensial investor üçün uyğun seçim imkanları yaradır. Qəbələ rayonu, Çuxur Qəbələ kəndindəki Anbar binasının ümumi faydalı sahəsi 78 kvadratmetrdir. Bu dövlət əmlakını hazırkı fəaliyyət sahəsi ilə yanaşı, digər istiqamətdə xidmət obyekti kimi istifadə etmək mümkündür. 

Hərraca çıxarılan qeyri-yaşayış sahələri Bakı, Gəncə, Beyləqan və Abşeronda yerləşir. Xidmət və ofis obyekti kimi istifadəyə imkan verən dövlət obyektlərindən biri Gəncə şəhərindədir. Ümumi faydalı sahəsi 47 kvadratmetr olan qeyri-yaşayış sahəsinin ilkin hərrac qiyməti 7 min manatdır. 

Budəfəki hərracda investorlar səhmdar cəmiyyətlərinin 30-45 faizlik səhm paketləri üzrə seçim edə bilər. “Yevlax yun”, “Daşkəsən Aqrotexservis”, “Salyan Kəndkimya” kimi səhmdar cəmiyyətləri müxtəlif şəhər və rayonlarda yerləşir. 

Avtomobil almaq arzusunda olan şəxslərə isə istehsal ili 1995-2008-ci illər olan nəqliyyat vasitələri təklif olunur. Bu növ dövlət əmlakları “Hyundai”, “Chevrolet”, “Daewoo” və digər markalara aiddir, ilkin hərrac qiymətləri isə 1000 manat ilə 6 min manat arasındadır. 

Hərraclara çıxarılan dövlət əmlakları barədə ətraflı məlumat əldə etmək və sifariş vermək üçün Özəlləşdirmə portalı (privatization.az) və ya komitənin rəsmi saytına (emdk.gov.az) daxil olmaq kifayətdir. 

Ölkə.Az

ŞƏRH YAZ
0

Bu meyiti tanıyanlar polisə xəbər etsin — FOTO

Bu meyiti tanıyanlar polisə xəbər etsin
19:32
Bu gün
349
Ölkə
A
Dünən Sabunçu rayonu, Sabunçu qəsəbəsi, Ə.Bağırov küçəsi, 78 ünvanında avtomobil tərəfindən vurularaq öldürülən təxminən 50-55 yaşlarında naməlum kişi meyiti aşkar edilib.

"Ölkə.Az" xəbər verir ki, bununla bağlı Daxili İşlər Nazirliyi məlumat yayıb.

Həmin şəxsin xarakterik əlamətləri belədir: boyu 170-175 santimetr, orta bədən quruluşlu, gözlərinin rəngi qaradır. Tapılan zaman əynində boz rəngli şalvar və çəhrayı rəngli köynək olub.

Şəxsiyyəti istintaqa məlum olmayan, şəkildə gördüyünüz kişini tanıyanlardan və barəsində məlumatı olanlardan DİN-in “102” Xidməti Zəng Mərkəzinə, Sabunçu  Rayon Polis İdarəsinin 12-ci Polis Şöbəsinə  (012) 450-02-02, həmçinin (070) 272-00-73 nömrələrinə zəng vuraraq məlumat vermələri xahiş olunur.

Ölkə.Az

ŞƏRH YAZ
0
BAĞLA