KORONAVİRUSA YOLUXANLARIN SAYI - CANLI STATİSTİKA

“İkinci nəvəm dünyaya gəldi, çox sevinirəm” — Nazir

“İkinci nəvəm dünyaya gəldi, çox sevinirəm”
22:28
14.03.2019
2309
Ölkə
A
““Whatsapp”dan istifadə edirəm, lakin daha çox informasiya mübadiləsi üçün. Sözsüz ki, hərdən dostlar, ailə üzvləri bir-birilərinə şəkillər də ötürürlər. “Facebook”da isə şəxsi profilim yoxdur. Buna kifayət qədər vaxt ayırmaq lazımdır. Cədvəlim buna imkan vermir”.

“Ölkə.Az”ın “Qafqazinfo”ya istinadən məlumatına görə, bu sözləri  mədəniyyət naziri Əbülfəs Qarayev “ASAN Radio”nun “QəbuldASAN” proqramında deyib.

Aparıcı Emin Musəvi naziri ikinci dəfə qız babası olması münasibəti ilə təbrik edib:

“On gündür ki, ikinci nəvəm dünyaya gəlib. Çox sevinirəm. Təbriklərinizi məmnuniyyətlə qəbul edirəm. Allah bütün nəvələri və uşaqları saxlasın”.

Ölkə.Az

ŞƏRH YAZ
0

İlham Əliyev və Mehriban Əliyeva Pir Ömər Sultan ziyarətgahı ilə tanış olub — FOTO + YENİLƏNİB

İlham Əliyev və Mehriban Əliyeva Pir Ömər Sultan ziyarətgahı ilə tanış olub
20:54
Bu gün
401
Ölkə
A
Azərbaycan Respublikasının Prezidenti İlham Əliyev və Birinci vitse-prezident Mehriban Əliyeva mayın 25-də Şamaxı şəhərində Pirsaat Baba ziyarətgahının yenidən qurulması çərçivəsində görülən işlərlə tanış olublar.

Prezidentin köməkçisi Anar Ələkbərov dövlətimizin başçısına və Birinci vitse-prezidentə tikinti-bərpa və yenidənqurma tədbirləri barədə məlumat verib. Bildirib ki, zəlzələ zamanı ziyarətgahın divarlarında çatlar əmələ gəlmişdi.

Prezident İlham Əliyev və Birinci vitse-prezident Mehriban Əliyeva Pirsaat Babanın məzarını ziyarət ediblər.

Pirsaat Baba ziyarətgahı bütün ölkə əhalisinin ziyarət etdiyi müqəddəs ocaqlardan biridir və hər gün buraya yüzlərlə zəvvar gəlir. Ziyarətçilərin rahatlığını təmin etmək məqsədilə Heydər Əliyev Fondunun prezidenti Mehriban Əliyevanın təşəbbüsü ilə burada geniş yenidənqurma işlərinə başlanıb.

Qeyd edək ki, təxminən IX-XV əsrlər arasında tikilmiş türbə 1918-ci ildə Hacı Cəfərqulu tərəfindən yenidən ucaldılıb. Heydər Əliyev Fondu tərəfindən 2020-ci ildən başlanmış yenidənqurma işləri həm tarixi abidə, həm də müqəddəs ziyarətgah olan Pirsaat pirinin tamamilə yeni görkəmdə əhalinin ixtiyarına verilməsinə imkan yaradacaq.

Dini ziyarətgahlarımız da xalqımızın qürur doğuran keçmişinə, milli – mənəvi dəyərlərinə maksimum həssas münasibətinin əyani nümunələrindəndir. Azərbaycanın müasir tarixində müstəsna xidmətləri olan ulu öndər Heydər Əliyevin prinsipial və həsəd doğuran vətəndaşlıq mövqeyi, iradəsi, qətiyyəti, milli-mənəvi dəyərlərə dərindən bağlılığı nəticəsində ölkəmizdəki ziyarətgahlara yeni həyat verildi. Təsadüfi deyil ki, Ulu Öndərin müəyyənləşdirdiyi mükəmməl siyasi kursun layiqincə davam etdirilməsinə və daha da zənginləşdirilməsinə Prezident İlham Əliyevin xüsusi diqqəti sayəsində indi ziyarətgahların və dini məbədlərin yenidən qurulmasının miqyasına görə heç bir ölkə Azərbaycanla müqayisə edilə bilməz. Bu baxımdan Azərbaycanın birinci xanımı Mehriban Əliyevanın rəhbərlik etdiyi Heydər Əliyev Fondu da səylərini əsirgəmir, istər ölkəmizdə, istərsə də xaricdə silsilə layihələr reallaşdırır. Bunlardan biri də Bunlardan biri də Şamaxı şəhərinin girəcəyində, Bakı-Şamaxı-Yevlax avtomobil yolunun kənarında, Pirsaat çayının sahilində yerləşən Pirsaat Baba ziyarətgahıdır.

17:24

Prezident İlham Əliyev və Birinci vitse-prezident Mehriban Əliyeva mayın 25-də Şamaxıda Pir Ömər Sultan ziyarətgahında olublar.

''Ölkə.Az'' AZƏRTAC-a istinadən xəbər verir ki, hazırda Heydər Əliyev Fondunun layihəsi əsasında burada bərpa-konservasiya işləri aparılır.

Ziyarətgahda aparılan arxeoloji tədqiqatlar zamanı XIV əsrin ortalarına aid türbə qalıqları və onun məhz xəlvətilik təliminin banisi Pir Ömər Avaxıliyə aid olduğunu təsdiqləyən artefaktlar aşkar edilib.

Ölkə.Az

ŞƏRH YAZ
0

Məhkəmə dələduzluq edən şəxslərlə bağlı qərar elan edib

Məhkəmə dələduzluq edən şəxslərlə bağlı qərar elan edib
20:49
Bu gün
667
Ölkə
A
Ali Məhkəmədə dələduzluqda təqsirləndirilən Ellada Babayeva və onun keçmiş həyat yoldaşı Emil Babayevin barəsində olan hökmdən verilən kassasiya şikayətinə baxılıb.

“Ölkə.Az” report-a istinadən xəbər verir ki, hakim Tahir Kazımovun sədrliyi ilə keçirilən prosesdə qərar elan olunub.

Qərara əsasən, hər iki şəxsin kassasiya şikayəti təmin edilməyib.

İttiham aktına əsasən, bir neçə il əvvəl rəsmi nikahda olan E.Babayevlə E.Babayeva 21 nəfərə qarşı külli miqdarda dələduzluq ediblər. Zərərçəkmişlər turizm şirkətlərinin nümayəndələri olublar. E.Babayeva və E.Babayev onlardan iş görmək, turpaketlər təşkil etmək adı ilə müxtəlif məbləğlərdə pul və təyyarə biletləri alıblar. Lakin sonradan ödənişlər geri qaytarılmayıb.

Bakı Ağır Cinayətlər Məhkəməsinin hökmü ilə E.Babayev 8 il müddətinə azadlıqdan məhrum edilib. Hökmə əsasən, E.Babayevanın cəzası 2015-ci il təvəllüdlü qızı 14 yaşına çatana qədər təxirə salınıb və o, məhkəmə zalından azadlığa buraxılıb. Hökmdən narazı qalan E.Babayev və zərərçəkmişlər apellyasiya şikayəti veriblər. 

Bakı Apellasiya Məhkəməsinin qərarına əsasən, E.Babayevin apellyasiya şikayəti qismən təmin edilib, birinci instansiya məhkəməsinin çıxardığı hökm dəyişdirilib. Belə ki, E.Babayevin 8 il müddətinə azadlıqdan məhrumetmə cəzası 7 ilə endirilib.

Ölkə.Az

ŞƏRH YAZ
0
BAĞLA