İkinci sınaq imtahanının nəticələri açıqlanıb

İkinci sınaq imtahanının nəticələri açıqlanıb
15:53
17.04.2018
799
Ölkə
A
Dövlət İmtahan Mərkəzi (DİM) aprelin 15-də I-IV ixtisas qrupları üzrə (Azərbaycan və rus bölmələri ) keçirilmiş ikinci sınaq imtahanının nəticələrini açıqlayıb.

DİM-dən "Ölkə.Az"a verilən məlumata görə, imtahan nəticələrini Mərkəzin internet səhifəsindən və mobil operatorlardan (Azercell, Bakcell, Nar) iş nömrəsini 7727-yə SMS göndərməklə öyrənmək olar.

 

ŞƏRH YAZ
0

Rövşən Rzayev məcburi köçkünlərlə görüşdü

Rövşən Rzayev məcburi köçkünlərlə görüşdü
18:20
Bu gün
81
Ölkə
A
Qaçqınların və Məcburi Köçkünlərin İşləri üzrə Dövlət Komitəsində məcburi köçkünlərin növbəti qəbulu keçirilib.

"Ölkə.Az" xəbər verir ki, qəbulda Dövlət Komitəsinin sədri Rövşən Rzayev, sədr müavinləri, şöbə və departament rəhbərləri iştirak edib.

Məcburi köçkünlər fərdi qaydada qəbul edilib və onların müraciətləri dinlənilib. Onlar, əsasən, mənzil, status, vahid aylıq müavinətin təyin edilməsi, məşğulluq, kommunal xidmətlər və digər məsələlərlə bağlı müraciət edib.

Məlumat verilib ki, məcburi köçkünlərlə bağlı məsələ Prezident İlham Əliyevin rəhbərliyi ilə uğurla həyata keçirilən sosial siyasətin prioritet istiqamətlərindən biridir. Məcburi köçkünlərin məşğulluğunun təmin edilməsi və mənzil şəraitinin yaxşılaşdırılması üçün layihələr uğurla icra edilir. Birinci vitse-prezident xanım Mehriban Əliyeva ən ağır və ən qəzalı şəraitdə yaşayan məcburi köçkünlərlə bağlı aparılan işin sürətləndirilməsi üçün tapşırıq verib. Həyata keçirilən tədbirlər məcburi köçkünlərin dövlət tərəfindən diqqət və qayğı ilə əhatə olunduğunu göstərir.

Qəbulda iştirak edən məcburi köçkünlərin müraciətləri müvafiq qaydada qeydə alınıb. Müraciətlərin hər biri ayrı-ayrılıqda araşdırılacaq və qanuna uyğun tədbirlər görüləcəkdir.

ŞƏRH YAZ
0

Səyavuş Heydərov: "Azərbaycanda dini durum sabitdir"

Səyavuş Heydərov:
17:53
Bu gün
312
Ölkə
A
"Dini təhlükəsizlik milli təhlükəsizliyin təminatında başlıca yer tutur, eyni zamanda ictimai-siyasi asayişin daha mükəmməl təminatı üçün olduqca mühümdür".

"Ölkə.Az" xəbər verir ki, bunu Dini Qurumlarla İş üzrə Dövlət Komitəsinin sədr müavini Səyavuş Heydərov “Dini ekstremizmin mahiyyəti, yaranma səbəbləri və ona qarşı mübarizənin hüquqi əsasları” mövzusunda keçirilən tədbirdə çıxışı zamanı deyib. 

Sədr müavini bildirib ki, Prezident İlham Əliyevin rəhbərliyi ilə respublikada ictimai-siyasi, o cümlədən dini durum sabitdir: "Dövlətin din sahəsindəki başlıca vəzifəsi dövlət-din münasibətlərinin tənzimlənməsi və təkmilləşdirilməsi, eləcə də vətəndaşlarımızın dini etiqad azadlığının yüksək səviyyədə təmin olunmasıdır". 

S.Heydərov qeyd edib ki, zərərli dini ideologiyaların təsirinə məruz qalan şəxslərin ətrafında müvafiq tədbirlər həyata keçirilməklə onların reabilitasiyası və cəmiyyətə reinteqrasiyasına diqqətin artırılması vacib məsələdir.

Ölkəyə idxal olunan dini ədəbiyyatlardan da bəhs edən sədr müavininin sözlərinə görə, Dövlət Komitəsində müxtəlif dini məzmunlu ədəbiyyata baxılaraq dini dözümsüzlüyü, ayrı-seçkiliyi və radikallığı təbliğ edən kitabların ölkəyə idxalına razılıq verilməyib.

O həmçinin dini radikalizm və dini ekstremizmlə mübarizədə hər kəsin ayıq-sayıq olmasının vacibliyini diqqətə çatdırıb.

ŞƏRH YAZ
0
BAĞLA