İkram Kərimov — tektonik silahın yaradıcısı

İkram Kərimov
14:29
27.12.2016
9232
Maraqlı
A

Azərbaycanda bu ad bir çoxlarına tanış deyil. Amma Rusiya elmi dairələrində və müdafiə nazirliyində Kərimovu tanımayan demək olar ki, yoxdur.

İkram Kərimovun adı tektonik silahın yaradıcısı kimi tarixə düşüb. SSRİ dağıldıqdan sonra İkramın qurduğu sistem və qrup da dağılır. Eyni zamanda, Amerika xüsusi xidmət orqanlarının da onun izinə düşdüyünü nəzərə alsaq, onun həyatının necə keşməkeşli olduğunu anlamaq olar.

Ölkə.Az bu gün oxucularına İkram Kərimovun ixtirası və keşməkeşli həyat yolu barədə məlumat verəcək. Qeyd edim ki, bu materialların toplanmasında araşdırmaçı alim, siyasi elmlər üzrə fəlsəfə doktoru, dosent Zaur Əliyevin xüsusi köməyi olub.

Tektonik silah

Süni zəlzələləri törədə biləcək vasitələrdən biri kimi tektonik silahlar göstərilir. Lakin bu silahların mövcudluğu barədə yalnız ehtimallar var. Qeyd edək ki, tektonik silah yerin altında toplanan enerjidən istifadə edərək zəlzələ, vulkan püskürməsi və buna oxşar təbii fəlakətlər törədə biləcək hipotetik qurğu, yaxud sistemdir. “Tektonik silah” termini ilk dəfə 1992-ci ildə istifadə olunub. Amerikalı alimlər isə belə bir qurğunun yaradılmasını mümkün hesab etsə də, müasir dövrdə belə ehtimalın az olduğunu iddia edirlər. Lakin bununla belə tektonik silahın yaradılması cəhdləri olub.

İkram Kərimov və SSRİ-nin tektonik silahı

Amerika başda olmaqla, dünyanın bir çox ölkəsi tektonik silah üzərində baş sındıran zaman artıq SSRİ-də bu mövcud idi. Bu gün bir çox insanın xəbəri yoxdur ki, dünyada ilk tektonik silahın yaradıcısı həmyerlimiz, qarabağlı, zəlzələşünas alim İkram Kərimov olub. Ağdam rayonunda anadan olan İkram Kərimovun adı bu günə qədər Rusiya arxivləri tərəfindən gizli saxlanılır və onun barəsində məlumatları əldə etmək olduqca çətindir. Azərbaycan Milli Elmlər Akademiyası Rəyasət Heyəti nəzdində Seysmologiya Elmi Mərkəzinin direktoru olmuş fizika-riyaziyyat elmləri doktoru, professor İkram Kərimov məşhur seysmoloq alim Şamo Rəhimovun məsləhəti ilə seysmologiya ixtisasını seçib.

Professor dərəcəsi alan İkram müəllimin 1968-ci ildə “Merkuri-18” məxfi proqramı (kod: NİR № 2M 08614 PM) Qırğızıstanın Batken şəhərindən 50 kilometr məsafədə yerləşən poliqonda işə başlayıb və o, dünyanın ilk tektonik silahını ixtira edib. Böyük Britaniyada sovetlərin xüsusi sifarişi ilə hazırlanan qəbul mərkəzi və rəqəmsal sistem üç daşınma stansiyasının işində "9690" xüsusi şifrəsi istifadə olunub. Rusiya kəşfiyyatının fikrincə, eksperimentlər uğurla keçib və sonrakı illərdə daha böyük intensivliklə digər Özbəkistanda yerləşən poliqonda davam etdirilmişdir.

SSRİ Müdafiə Nazirliyi İkram Kərimov başda olmaqla, bir qrup alimi gizli seysmik laboratoriyalarda aparılan və tektonik silahın kəşf edilməsinə yönələn tədqiqat işlərinə cəlb etdi.

Sonralar “Soverşenno sekretno” qəzeti yazırdı:

“70-ci illərin sonlarında azərbaycanlı alim İkram Kərimov və onun rəhbərlik etdiyi elmi tədqiqat qrupu zəlzələlərdən öncə yüksək tezliklərdə baş verən anormal dəyişikliklərə diqqət yetirdilər. Əvvəllər belə zəlzələ xəbərçilərini yalnız xüsusi rəqəmsal aparatların köməyi ilə müəyyən etmək olurdu. Amma Kərimov və onun qrupu yeni elmi metodla adıçəkilən cihazlara ehtiyac olmadan öncədən zəlzələ əlamətlərini müəyyən etmişdilər”.

İkram Kərimovun İxtirası indiyədək bütün dünya hərbçilərini narahat edir. Deyilənə görə, bu silahdan Rusiya Müdafiə Nazirliyi vaxtaşırı istifadə edərək okeanlarda sunami dalğası yaradır.

Bir neçə il ardıcıl olaraq keçirilən sınaqlardan sonra SSRİ Kəşflər və İxtiralar Komitəsi Kərimovun yeni metoduna patent verərək, onu qeydə aldı. Bu kəşf məhz SSRİ Müdafiə Nazirliyi tərəfindən “Merkuri” kodu adı altında həyata keçirilən geofiziki (tektonik) silahın hazırlanmasında istifadə edilməyə başladı.

SSRİ-nin dağılması və sənədlərin oğurlanması

Ötən əsrin 90-cı illərinin əvvəllərində SSRİ-nin dağılması nəticəsində Kərimov və onun qrupu dağıdıldı və dünyanın bir neçə ölkəsinə köçürüldülər. 1995-ci ilə qədər ölkədə qalan Kərimovun qrupunun dünyanın müxtəlif bölgələrinə səpələyən rus kəşfiyyatına sızmadan sonra Kərimovun evinə basqın edən Amerika kəşfiyyatı onun bütün tədqiqatlarının surətini oğurlamağa nail olur. Bu hadisədən sonra Kərimov öz qrup üzvlərinin ancaq Cənubi Afrika Respublikasında təhlükəsiz yaşayacağına dair təminat aldı.

NASA İkram müəllimin 1995-ci ildə dediyi sözü bu yaxınlarda təsdiqlədi ki, qütblərdəki buzların əriməsi atmosferin deyil, Yer qabığının qızması ilə bağlıdır və ondan sonra NASA siyasətini dəyişməyə başladı.

Hazırda alimin adı dünyanın 10 qızıl aliminin adı arasındadır və onun kəşfləri bütün dünya alimlərini heyrətləndirməkdə davam edir.

Hikmət
Ölkə.Az

ŞƏRH YAZ
0

Tarixin gizli qatları — İsa Peyğəmbərin lənətlədiyi və xəritədən silinən 3 şəhər

Tarixin gizli qatları
15:58
Bu gün
3471
Maraqlı
A
Xristian dininin banisi hesab edilan İsa Peyğəmbər haqqında araşdırmalar, tədqiqatlar bu gün də davam edir.

“Ölkə.Az” xəbər verir ki, tarixi faktlara əsasən, İsa Peyğəmbər üç şəhəri lənətləyib və bu şəhərlər xəritədən silinib. Tarixdə bu şəhərləri “Lənətlənmiş üç kənd” də adlandırırlar. Söhbət Korazim, Kapernaum və Vifsaida şəhərlərindən gedir.

Hər üç şəhər İsraildə, Qaliley dənizinin şimal sahilində yerləşib. İsa bu ərazilərə səfər edib, möcüzələr göstərib.

Korazim


Korazim şəhərində İsa Peyğəmbər bir müddət yaşayıb və Nazareti tərk etdikdən sonra tez-tez baş çəkib. Bu kifayət qədər vacib ticarət şəhəri idi və buğdası ilə məşhurlaşmışdı. Əvvəlcə İsa Peyğəmbər insanlara möcüzələrini göstərdi. Amma ona inanmayanlar çox olduğu üçün və günahlarını yumadığı üçün şəhəri tərk etdi. Bu, Müqəddəs Kitabda belə qeyd edilib:

“Bu zaman O, gücünü daha çox hiss etdirdiyi şəhərlərə tənə vurdu. Onlar İsaya boyun əymədilər: Xorazin, səni lənətləyirəm! Vifsaida, səni lənətləyirəm! Əgər Tir və Sidona sizə göndərilən güc göndərilsəydi, onlar çoxdan günahlarını yumuşdular. Amma sizə deyirəm: Qiyamət günü Tir və Sidonun işi daha yüngül olacaq!”.

Korazim İsanın ölümündən 300 il sonra dəhşətli zəlzələ nəticəsində yer üzündən silindi. V əsrdə şəhəri bərpa etmək istəsələr də, bunu bacarmadılar. Orta Əsrlərdə Korazim lənətlənmiş şəhər kimi tarixə düşdü. Günümüzdə isə arxeoloqlar Korazimin qalıqlarını və qədim sinaqoqu qazıntılar zamanı aşkar ediblər.

Arxeoloqlar qədim sinaqoqdan başqa qara bazaltdan hazırlanmış dağıntılar da aşkar etdilər. Onun üzərində isə insan və heyvan fiqurları, Meduza Qorqonun təsviri var idi. O dövrdə isə bu işarələr İsa və onun davamçıları üçün bütpərəstlik əlaməti sayılırdı.
Maraqlıdır ki,  Əhdi-Əqiqdə (Bibliyanın daha böyük birinci bölməsi. 39 kitabdan ibarət olub) bu barədə məlumat çox azdır. Bəzi tarixçilərin fikrinə görə, bunu məqsədli şəkildə edərək İsa Peyğəmbərin lənətini gizlətməyə çalışıblar.

Kapernaum


Kapernaum Korazimin bir neçə kilometrliyində yerləşən şəhər olub. Bu, o dövrdə məşhur balıq limanı olan və Bia Marisə ilk başlanğıc nöqtəsi sayılan şəhər idi. Bu şəhər Dəməşq və şimalı, Misir və cənubu birləşdirən ticarət marşrutunun ilk nöqtəsi idi. İsa burada da dini yayıb və yerli sinaqoqda ibadət edib. Eyni zamanda bir sıra möcüzələr göstərib. Bu şəhər İsanın bir sıra məşhur tələbələrinin-balıqçı Pyotr, Andrey, İakov, İoann və Matfeyin vətənidir. İsa nə vaxtsa bu şəhərdə yaşayıb və onu “şəxsi şəhəri” adlandırıb. Peyğəmbər bu şəhərdə iflic insanı sağaldıb, Pyotrun qaynanasını müalicə edib və İairin qızını diridildib. İair sinaqoqun rəhbəri olub.

Amma yerli sakinlər İsanı bəyənmir və ona etinasız yanaşırdılar. Onlar İsanı bəşəriyyətin xilaskarı saymır və günahlarını yumurdular. Bu isə Peyğəmbəri məyus etdi və şəhəri lənətlədi. Tezliklə Kapernaum müflis olmağa başladı. Əvvəlcə balıqçı bazarında kasadlaşma başladı. Sonra isə digər sahələr də tənəzzülə uğradı. Eramızın III əsrində şəhər yeddi kasıb balıqçı evindən ibarət miskin bir kəndə çevrildi. Bu ərazini canlandırmaq üçün atılan bütün cəhdlər boşa getdi.

Vifsaida


Vifsaida da çox imkanlı və varlı balıqçı şəhəri idi. Nə vaxtsa Qessur krallığının paytaxtı da olub (Çar Davudun dövründə). Məhz bu şəhərdə İsa Peyğəmbər ilk tələbələrini tapıb-balıqçı Simon-Pyotr və onun qardaşı Andrey.

İsa burada da müxtəlif möcüzələr göstərir, korun gözünü açır, xəstələrə şəfa verib. Amma təəssüf ki, Vifsaida sakinləri də Peyğəmbərə etinasız yanaşdılar və ona saymazlıq etdilər. İsanın lənətindən sonra eramızın 363-cü ilində dəhşətli zəlzələ şəhəri xəritədən sildi...

Hikmət Həsənov
Ölkə.Az

 

ŞƏRH YAZ
0

Təcili tədbirlərə əl atın...

Təcili tədbirlərə əl atın...
01:05
Bu gün
14989
Maraqlı
A

Qoç - təlaşlı, effektivliyi az olan gündür. Yerinizdə olun, suallara cavab verin. Yaşanan olayları reaksiyasız qoymayın. Ehtiyac yaranarsa, təcili tədbirlərə əl atın. Heç nəyi mürəkkəbləşdirməyin.

Aktiv olun, çoxlu hərəkət edin. Səfər və ya səyahət çətinliklə əldə edilən nəticə verən bilər. Məmurlarla ünsiyyətdə mövqe və fikrinizi çatdırın. Onlar sizi anlamaq istəməyəcəklər.

Axşam saatlarında intellektual istirahəti seçin. Xəbərlərdən başınız ağrıya bilər. Yeni təəssüratlara olan ehtiyac böyükdür.

Buğa - gündəmdə duran planların reallaşması üçün yaxşı gündür. İşlərdə ləngimələrin baş verməməsi üçün bütün detalları fikirləşin. Əvvəl mümkün nəticələri düşünün, sonra yekun qərar verin. Eyni vaxtda bir neçə işlə məşğul olmayın. Uzunmüddətli, yetərincə dayanıqlı faydaya hesablanmış işə başlayın.

Sənədləşdirmədə diqqətli olun, mühüm detalları nəzərdən qaçırmayın.

Şəxsi münasibətlər üçün neytral gündür. Əlahiddə gözləntilər və planlar mənasızdır.

Ev işləri və məişət qayğılarını ailə üzvlərinizlə bölüşün.

Əkizlər - ideyalar və faydalı fikirlər çoxdur. İşin təşkilatı, diqqətin konsentrasiyası ilə bağlı problemlər ola bilər. Həddən artıq işlə məşğul olmayın. Yaşamın adət etdiyiniz ritmini qoruyun. Yeni işə başlamaq sizdən böyük səylər tələb edəcək.

Problemlərin həlli, səhvlər və yanlışlıqların olduğu situasiyanın çözülməsinə ehtiyac var. Detalları dəqiqləşdirərək müzakirə edin. Kollektivdəki qarşılıqlı münasibətlərə cəlb olunubsunuz. Həyəcanlarınız ətrafınızdakı adamlar arasında yeni fiqurla bağlı ola bilər.

Nigaranlıq səbəbsiz deyil.

Xərçəng - hər şey istədiyiniz kimi alınmır. Mühitin müqaviməti sizdə tənbəllik və ətalət yaratmasın. Bir işi seçərək onu başa çatdırın. Nəticədən həzz aldığınızı hiss edənədək işləyin. Mühafizəkar mövqe, inad və qətiyyət, xırdalıqlarla təfərrüatlara ciddi fikir verilməsi irəliləyişinizi şərtləndirməklə yanaşı, nüfuzlu adamın dəstəyini qazanmağınıza yardım edəcək.

Şübhə doğuran məsələlərə aldanmayın. Vədlərə inanmayın. Məşğul olduğunuz işi genişləndirin.

Stressi alış-verişlə sakitləşdirməyə çalışmayın.

Axşam saatlarında xoş söhbət fikrinizi dağıdacaq.

Şir - məsuliyyətli, cari hadisələrdə seçim etməyinizi istəyən gündür. Nüanslara, xəbərlərə, qəfil görüşlərə və mühüm məsələlərə olan reaksiyanıza fikir verin. Prioritetlər dəyişir. Bu gün yeni seçim edə bilərsiniz. Bütün istiqamətlərdə eyni vaxtda fəaliyyət göstərməyə tələsməyin. Bir qədər fasilə edin. Çətin olmayan, ikinci dərəcəli işləri görərək rahatlaşın.

Neytral maraqlar və emosiyalar məsləhətdir.

Axşam saatlarında bir qədər istirahət edin. Sevdiyiniz işlə məşğul olun. Yaxşı anladığınız insanla ünsiyyət əhvalınızı yaxşılaşdıracaq.

Qız - effektiv gün deyil. Konkret nəticələr gözlədiyiniz işlər planlaşdırmayın.

Ünsiyyətdə, məlumatlar əldə etməkdə özünüzü saxlamayın.

Təmaslar perspektivlidir, bir şərtlə ki, boş söhbətlərə vaxt sərf etməyin.

Ətrafınızda olan insanlarla məsləhətləşin, müxtəlif mövzuları müzakirə edin.

Əsas maraqlarınızın olduğu yerdə nizam yaratmağa çalışın.

Şəxsi münsibətlər üçün neytral gündür. Sözlər çoxdur. Axşam saatları daha rahat ortam tələb edir.

Tərəzi - ikinci dərəcəli işlərlə baş qatmayın. Ən mühüm olan işi seçin, bütün resursları həmin problemin həllinə yönəldin. Retroqadlıq etsəniz, gəlirləriniz azala bilər. Sürətlənmək asan deyil. Etibar etdiyiniz tərəfdaşlarla birlikdə ahəstə şəkildə irəliləyin, risk etməyin. İşləri vaxtından əvvəl başa vurmağa tələsməyin. Bütün bunlar əsla gözləmədiyiniz nəticələrə səbəb ola bilər.

Rəğbət bəslədiyiniz insanlarla təmaslar pis alınmır. Gələcək planlarla bahəm, indiki sevinclərlə yaşayın. Yaşamın daha maraqlı olmasına can atın.

Əqrəb - gərginlik bir qədər azalır. Bir qədər nəfəs alın, əldə etdiyiniz mövqelərdə möhkəmlənin. Cari işləri tələsmədən araşdırın. Qarşınızda duran məsələləri, tərəfdaşların təkliflərini və planlarınızı dəyərləndirin.

Önəmli işlə ikinci dərəcəli məsələləri seçin.

Emosional söhbətlərə qatılmasanız da, toplantılarla danışıqlarda iştirak edin. Peşəkarlığınızın nümayişindən çəkinməyin. Münasibətlərdəki maliyyə ünsürlərinə xüsusi fikir verin.

Axşam saatlarında istirahət edin.

Təmirə başlamaq olar.

Oxatan - bəzi hadisələr dayanır, bəziləri sürətlənir. Yaxın gələcəklə bağlı planlarda dəyişikliklər etməyə zərurət yaranır. Görüşlər və münasibətlərlə əməkdaşlığın perspektivlərin aydınlaşdırılması, işin bölüşdürülməsi, birgə planlaşdırma üçün əlverişli zamandır.

İnformasiyalar rəqabət mübarizəsinin kəskinləşməsindən xəbər verir.

İstənilən işdə yaxşı düşünün, hadisələrin müxtəlif inkişaf variantlarını nəzərdən keçirin. Aldığınız məlumatları sistemləşdirin. Yeni planların reallaşdırılmasına başlamaq üçün əlverişli zamandır.

Axşam saatlarında aktiv istirahət edin.

Oğlaq - kreativ bacarıqlarınız yüksək səviyyədə olmalıdır. Yeni layihə və ya işə başlamaq üçün əlverişli gün deyil. Təxirəsalınmaz problemlər sizi yardım aramağa vadar edəcək.

Gərəkli və dəqiq həllərdən, detalların cilalanmasından və indi sizin üçün mühüm olan məqamların işlənməsindən diqqətinizin yayınmaması üçün təkbaşına çalışın. Aldığınız informasiyaları təhlil edin, rəqiblərin təcrübəsini araşdırın. Əvvəllər reallaşdıra bilmədiyiniz planları həyata keçirməyə çalışın.

Axşam saatlarında gəzintiyə çıxın. Normal istirahət edin.

Dolça - şərtlər təbəddülatlıdır. Bir tərəfdən sizi maraqlandıran məsələlərdə yeni ünsürlər peyda olur. Digər tərəfdən məhdudiyyətlərin sərt çərçivələrini hiss edirsiniz. Çərçivələr işdə rəhbərliyin tapşırıqları və ya yaxınlarınız qarşısında öhdəlikləriniz ola bilər.

Prioritet saydığınız işi seçin və onun perspektivlərinə mümkün qədər çox dəqiqlik gətirin.

Dəyişikliklər, təkliflər və dəvətlər çox olacaq. Seçimdə yanılmayın.

Sizi maraqlandıran məlumatları əldə edin, görüş və danışıqlarla bağlı əvvəlcədən razılaşma əldə edin.

Balıqlar - təcili, təxirəsalınmaz işlər və kiçik qayğıların sayı artır. Günün fonu rahat, görüşlər və ünsiyyət isə məzmunludur. Yaşam və fəaliyyət areallarında qayda yaradın. Prosesləri sistemləşdirin, təşkilati tədbirlərə əl atın. Bəzi cari problemləri həll etmək, mübahisəli məsələləri çözmək, anlaşmaya nail olmaq mümkündür.

Yaxın ətrafınızdakı insanların ambisiyalarını və maddi maraqlarını qulaqardına vurmayın.

Axşam saatlarında yaşam arealını qaydaya salınması, təmir və ya maraqlandığınız işlərlə məşğul ola bilərsiniz. Yaxınlarınıza yardım effektiv olacaq. Ailə üzvlərinizdən birinin qarşısında yeni perspektivlər yaranır.

Ölkə.Az

ŞƏRH YAZ
0
BAĞLA