İkram Kərimov — tektonik silahın yaradıcısı

İkram Kərimov
14:29
27.12.2016
10571
Maraqlı
A

Azərbaycanda bu ad bir çoxlarına tanış deyil. Amma Rusiya elmi dairələrində və müdafiə nazirliyində Kərimovu tanımayan demək olar ki, yoxdur.

İkram Kərimovun adı tektonik silahın yaradıcısı kimi tarixə düşüb. SSRİ dağıldıqdan sonra İkramın qurduğu sistem və qrup da dağılır. Eyni zamanda, Amerika xüsusi xidmət orqanlarının da onun izinə düşdüyünü nəzərə alsaq, onun həyatının necə keşməkeşli olduğunu anlamaq olar.

Ölkə.Az bu gün oxucularına İkram Kərimovun ixtirası və keşməkeşli həyat yolu barədə məlumat verəcək. Qeyd edim ki, bu materialların toplanmasında araşdırmaçı alim, siyasi elmlər üzrə fəlsəfə doktoru, dosent Zaur Əliyevin xüsusi köməyi olub.

Tektonik silah

Süni zəlzələləri törədə biləcək vasitələrdən biri kimi tektonik silahlar göstərilir. Lakin bu silahların mövcudluğu barədə yalnız ehtimallar var. Qeyd edək ki, tektonik silah yerin altında toplanan enerjidən istifadə edərək zəlzələ, vulkan püskürməsi və buna oxşar təbii fəlakətlər törədə biləcək hipotetik qurğu, yaxud sistemdir. “Tektonik silah” termini ilk dəfə 1992-ci ildə istifadə olunub. Amerikalı alimlər isə belə bir qurğunun yaradılmasını mümkün hesab etsə də, müasir dövrdə belə ehtimalın az olduğunu iddia edirlər. Lakin bununla belə tektonik silahın yaradılması cəhdləri olub.

İkram Kərimov və SSRİ-nin tektonik silahı

Amerika başda olmaqla, dünyanın bir çox ölkəsi tektonik silah üzərində baş sındıran zaman artıq SSRİ-də bu mövcud idi. Bu gün bir çox insanın xəbəri yoxdur ki, dünyada ilk tektonik silahın yaradıcısı həmyerlimiz, qarabağlı, zəlzələşünas alim İkram Kərimov olub. Ağdam rayonunda anadan olan İkram Kərimovun adı bu günə qədər Rusiya arxivləri tərəfindən gizli saxlanılır və onun barəsində məlumatları əldə etmək olduqca çətindir. Azərbaycan Milli Elmlər Akademiyası Rəyasət Heyəti nəzdində Seysmologiya Elmi Mərkəzinin direktoru olmuş fizika-riyaziyyat elmləri doktoru, professor İkram Kərimov məşhur seysmoloq alim Şamo Rəhimovun məsləhəti ilə seysmologiya ixtisasını seçib.

Professor dərəcəsi alan İkram müəllimin 1968-ci ildə “Merkuri-18” məxfi proqramı (kod: NİR № 2M 08614 PM) Qırğızıstanın Batken şəhərindən 50 kilometr məsafədə yerləşən poliqonda işə başlayıb və o, dünyanın ilk tektonik silahını ixtira edib. Böyük Britaniyada sovetlərin xüsusi sifarişi ilə hazırlanan qəbul mərkəzi və rəqəmsal sistem üç daşınma stansiyasının işində "9690" xüsusi şifrəsi istifadə olunub. Rusiya kəşfiyyatının fikrincə, eksperimentlər uğurla keçib və sonrakı illərdə daha böyük intensivliklə digər Özbəkistanda yerləşən poliqonda davam etdirilmişdir.

SSRİ Müdafiə Nazirliyi İkram Kərimov başda olmaqla, bir qrup alimi gizli seysmik laboratoriyalarda aparılan və tektonik silahın kəşf edilməsinə yönələn tədqiqat işlərinə cəlb etdi.

Sonralar “Soverşenno sekretno” qəzeti yazırdı:

“70-ci illərin sonlarında azərbaycanlı alim İkram Kərimov və onun rəhbərlik etdiyi elmi tədqiqat qrupu zəlzələlərdən öncə yüksək tezliklərdə baş verən anormal dəyişikliklərə diqqət yetirdilər. Əvvəllər belə zəlzələ xəbərçilərini yalnız xüsusi rəqəmsal aparatların köməyi ilə müəyyən etmək olurdu. Amma Kərimov və onun qrupu yeni elmi metodla adıçəkilən cihazlara ehtiyac olmadan öncədən zəlzələ əlamətlərini müəyyən etmişdilər”.

İkram Kərimovun İxtirası indiyədək bütün dünya hərbçilərini narahat edir. Deyilənə görə, bu silahdan Rusiya Müdafiə Nazirliyi vaxtaşırı istifadə edərək okeanlarda sunami dalğası yaradır.

Bir neçə il ardıcıl olaraq keçirilən sınaqlardan sonra SSRİ Kəşflər və İxtiralar Komitəsi Kərimovun yeni metoduna patent verərək, onu qeydə aldı. Bu kəşf məhz SSRİ Müdafiə Nazirliyi tərəfindən “Merkuri” kodu adı altında həyata keçirilən geofiziki (tektonik) silahın hazırlanmasında istifadə edilməyə başladı.

SSRİ-nin dağılması və sənədlərin oğurlanması

Ötən əsrin 90-cı illərinin əvvəllərində SSRİ-nin dağılması nəticəsində Kərimov və onun qrupu dağıdıldı və dünyanın bir neçə ölkəsinə köçürüldülər. 1995-ci ilə qədər ölkədə qalan Kərimovun qrupunun dünyanın müxtəlif bölgələrinə səpələyən rus kəşfiyyatına sızmadan sonra Kərimovun evinə basqın edən Amerika kəşfiyyatı onun bütün tədqiqatlarının surətini oğurlamağa nail olur. Bu hadisədən sonra Kərimov öz qrup üzvlərinin ancaq Cənubi Afrika Respublikasında təhlükəsiz yaşayacağına dair təminat aldı.

NASA İkram müəllimin 1995-ci ildə dediyi sözü bu yaxınlarda təsdiqlədi ki, qütblərdəki buzların əriməsi atmosferin deyil, Yer qabığının qızması ilə bağlıdır və ondan sonra NASA siyasətini dəyişməyə başladı.

Hazırda alimin adı dünyanın 10 qızıl aliminin adı arasındadır və onun kəşfləri bütün dünya alimlərini heyrətləndirməkdə davam edir.

Hikmət
Ölkə.Az

ŞƏRH YAZ
0

Hiyləgərlik etsəniz, uğura nail ola bilərsiniz — Günün qoroskopu

Hiyləgərlik etsəniz, uğura nail ola bilərsiniz
01:05
Bu gün
3879
Maraqlı
A
"Ölkə.Az" milli.az-a istinadən günün ulduz falını təqdim edir:

Qoç - işgüzar məsələlərin həlli üçün uğurlu gündür. Yaşam potensialının səviyyəsi yüksəkdir, enerjiniz və ruhi qüvvəniz çoxdur. Uğura nail olmaq üçün bütün komponentlər var.

Yeni, çətin və mürəkkəb işlər peyda olur. Fəqət, çəkinməyin və narahat olmayın: həmin işlərin öhdəsindən gələcəksiniz. Məqsədə doğru qətiyyətlə irəliləyin. Hansısa şəxs, hadisə və ya nəsnə sizə mane olmamalıdır.

Köçmək, təmirə başlamaq, şəraiti dəyişmək olar.

Ailəniz və yaxınlarınız üçün faydalı nə isə etmək şansını əldən verməyin. əməyinizin bəhrələrindən razı qalacaqsınız.

Dəvət aldığınız tədbirə yollanın, orada aktiv iştirakçı olun.

Yeni tanışlıq istisna deyil.

Buğa - bu gün böyük uğurlara nail olmaq xeyli çətinləşib. Bədxahlarınız və maskalanmış düşmənləriniz irəliləyişinizin qarşısını almaq üçün əllərindən gələni edirlər. Başa vurduğunuz işin və bitirdiyiniz səylərin nəticələrini mənimsəmək istəyənlərə mane olun.

Gün çox yorucu, emosional baxımdan mürəkkəbdir.

Axşam saatlarına yaxın sizi ən kiçik məsələ, ən xırda olay təbdən çıxara bilər. Münaqişələrə rəvac olmamaq üçün təmas dairənizi məhdudlaşdırın.

Günün ikinci yarısından təhsil, bilik və bacarıqların artırılması, təcrübə bazasının genişləndirilməsi üçün istifadə etmək olar. Əqli əmək sizi sevindirməklə yanaşı, konkret nəticələr də verəcək.

Əkizlər - emosional yön baxımından olduqca əlverişsiz gündür. Sakit və səbrlə davranmaq asan deyil. Əhvalınız kəskin şəkildə dəyişə bilər.

İşdə həmkarlar və rəhbərliklə problemlərin yaranması istisna deyil. Hadisələrin belə arzuolunmaz məcrada baş verməməsi üçün emosiyaları işgüzar maraqlardan ayırın.

İş yoldaşlarınızla qaba və aqressiv davranmayın.

Günün ikinci yarısında məqsədə çatmaq üçün hiyləyə əl atmayın. Hiyləgərlik etsəniz, uğura nail ola bilərsiniz. Amma unutmayın ki, belə davranışın çox ağır nəticələri və fəsadları ola bilər.

Xərçəng - həmkarlar və işgüzar tərəfdaşlarla bir sıra məsələləri həll etmək, münasibətləri rəvanlaşdırmaq üçün əlverişli gündür. Gün asan deyil. Lakin vaxtınızı hədər itirməsəniz, məhsuldar ola bilər. Diqqət və sayıq davranış tələb edən işlər müxtəlifdir.

Onları həll edə bilərsiniz. Müstəqil şəkildə düşünməli, hərəkət etməli və suallara cavab tapmalı olacaqsınız.

Yaxın ətrafınızdakı insanlarla münasibətlər normal olacaq. Haqlı olduğunuzu sübut etməyə lüzum yoxdur. İdeyalarınız rəğbətlə qarşılanacaq.

Qətiyyətli və təşəbbüskar olun.

Şir - pozitiv təmayüllərin təsiri güclüdür. İşgüzar aktivliyiniz yüksək olsun ki, uğurlara bel bağlaya biləsiniz. İşdə mövqeləriniz möhkəmlənə bilər. Təşəbbüskar olun, nəyə qadir olduğunuzu göstərin. Maraqlı ideya və təkliflərlə çıxış edin, lider məziyyətlərinizi göstərin, təşkilatçılıq məharətinizi nümayiş etdirin.

Unutmayın ki, işdəki irəliləyişinizin bundan sonrakı durumunun asılı olduğu insan sizi diqqətlə müşahidə edir.

Xırda problemlərə həddən ziyadə diqqət verməyin. Gündəlik məişət qayğıları sizi pərişan etməməlidir. Hər şeyə sadə yanaşın, gözütox olun və ən başlıcası - çətinliklərdən qorxmayın.

Qız - peşəkar müstəvidə uğurlarınız və nailiyyətləriniz böyük olmayacaq. Çox fikirləşməyin, yoxsa fəaliyyət üçün vaxt az qalacaq. Başqasının əməllərini təkrarlamayın. Müstəqil addım atın, öz yolunuzu gedin. Maliyyə durumunuzda yaxşılaşma ola bilər.

Alış-verişdə bədxərclik etməyin.

Sevdiyiniz insanla münsibətlərdə sərt davranmayın. Ən kiçik, ilk baxışdan önəmsiz səbəbdən münaqişə yarana bilər.

Sakit olun, toxtaq davranın.

Məntiq və şüurunuz emosiyaları nəzarətdə saxlasın.

Münasibətləri və təmasları təhlükəyə atmayın.

Tərəzi - iş üçün çox yaxşı gündür. İşgüzar fəallıq yüksəkdir, çox işləri başa vura bilərsiniz. Səhvlərə yol verməyin, məğlubiyyətsiz taktika gəlişdirərək ondan yararlanmağa can atın. Parlaq ideyalarınızı yaxın ətrafınızdakı insanlarla bölüşməyə can atırsınız. Əməyiniz və səyləriniz diqqətsiz qalmayacaq. Ödül səxavətli olacaq.

Münaqişələrin çözülməsi, problemlərin həlli, mürəkkəb suallara cavabların tapılması üçün yaxşı vaxtdır.

Uzaq səfərlərə, tənha səyahətə çıxmaq olmaz.

Romantik görüş pis keçməyəcək, amma gözləntilərinizi doğrultmayacaq.

Əqrəb - uğurlu gündür. Çətinliklərin öhdəsindən gələcəksiniz. Özünüzə inamı itirməyin. Bu gün uğur üçün yetərincə imkanlarınız var.

Sövdələşmə, maliyyə əməliyyatlarının aparılması üçün əlverişli gündür. Xərclərin əksər hissəsi ailənin tələbatının ödənməsi ilə bağlıdır. Xəsislik etməyin.

Ailə üzvlərinin, sevdiyiniz insanların xoş emosiyaları, sevinci hər şeyə dəyər.

Günün ikinci yarısı konfrans, seminar və ya analoji tədbirə dəvət ala bilərsiniz. Həmfikir olduğunuz insanı asanlıqla ümumi işə cəlb edə bilərsiniz.

Amma unutmayın ki, pozitiv təmayüllərin güclü olmasına rəğmən, düşünülməmiş addımlar atmaq gərək deyil.

Təmkinli olun, "ağır oturub batman gəlin".

Oxatan - münbit emosional fona malik gündür. Yaxşı əhval-ruhiyyədəsiniz. Kiçik problemlərdən təşvişə d6üşərək kefinizi pozmayın.

İşdə əhəmiyyətli uğur qazana bilərsiniz. Rəhbərliyin rəğbətini qazana bilərsiniz.

Əvvəllər səlahiyyət dairəsinə daxil olmayan işlərlə məşğuliyyət ehtiyacı yarana bilər.

Yeni və faydalı biliklər, bacarıqlar əldə etmək üçün əlverişli vaxtdır.

Xoş təəssürat bağışlamaq istədiyiniz insanla axşam saatlarında görüşə bilərsiniz. Səlis olun, nə demək istədiyinizi bilin, söylədiyiniz ifadələrin fərqinə varın.

Oğlaq - dostlarla ünsiyyət və birgə fəaliyyətin intensivləşdirilməsi üçün yaxşı gündür. İşləmək əvəzinə düşünməyə və xəyallara üstünlük verməyin. Fəaliyyətinizə bir qədər ara verin, amma istirahət uzun çəkməsin. İşgüzar səfərlər üçün əlverişli vaxtdır.

Evdən uzaqda əlverişli alış-veriş edə bilərsiniz.

Qohumlarınız arasında bir şəxsin təcili yardıma ehtiyacı var. Köməyinizi əsirgəməyin. Məsləhətlərin sayını artırmayın. Əks təqdirdə ətrafınızdakı şəxslərdə qıcıq yarada bilərsiniz.

Dolça - tənbəl və ətalətli olmayın. Başladığınız işi tamamlayın. Təxirəsalma istəyi nə qədər güclü olsa da, emosiyalara uymayın.

Zəifliklərinizin əsiri olmayın, məntiq və "hədd hissi"ni unutmayın.

İzafi işlərə başlayaraq özünüzü yormayın.

Günün ikinci yarısında planlaşdırılmış şəkildə hərəkət edin.

Yaxınlarınıza yardım edin. Həssas olun. Hətta kimsənin dil tapmadığı insanlarla belə, ortaq məxrəcə gələ bilərsiniz. Asanlıqla güzəştə getməyin. Çünki çox yumşaq olsanız, sonradan yerinə yetirilməsi çətin öhdəliklər məngənəsində qala bilərsiniz.

Axşam saatlarında istirahət edin.

Balıqlar - bir neçə gün əvvəl əvvəl başladığınız işi başa vurun. Təxribatlara uymayın. Yeni işlərə başlamayın. İndiyədək qüvvənizi sınamadığınız sahələrdə yeniliklər etməyə cəhd göstərməyin. Başqalarının səhvlərindən nəticə çıxarın. Yanlışlıqlığa yol versəniz, səhvlərinizi nəzərdən keçirin.

Dost ünsiyyəti və təmaslar üçün əlverişli gündür. Səfərlər planlaşdıra bilərsiniz. Səyahət və yol macərası uğurlu ola bilər.

Təmirə başlamaq, daşınmaz əmlak almaq üçün əlverişli gün deyil.

Yaşam potensialı yüksəkdür.

Axşam saatlarında istirahət edir.

Ölkə.Az

ŞƏRH YAZ
0

Antibiotiklər haqqında 7 MİF — Həqiqətənmi əks-təsiri çoxdur?

Antibiotiklər haqqında 7 MİF
00:27
Bu gün
1029
Maraqlı
A
Hazırda Rusiya da daxil olmaqla MDB dövlətlərində 80% apteklər antibiotik kimi mürəkkəb dərmanı reseptsiz satır. Yəni istənilən insan istər böyük, istər uşaq üçün sadəcə bir aptek işçisi ilə məsləhətləşib və ya kimdənsə eşitdiyi antibiotiki alıb özünü müalicə ilə məşğul olur.

"Ölkə.Az" medicina.az-a istinadən əhali arasında antibiotiklərlə bağlı yayılmış məşhur miflərə aydınlıq gətirir.

1. Hansı hallarda antibiotik lazımdır: virus, yoxsa bakterial yoluxmada?

Antibiotik yalnız və yalnız bakterial infeksiyalarda təyin olunur. Virus infeksiyalarında, yəni qrip, zökəm və s. antivirus preparatlar lazımdır.
Antibiotik pmevmoniya, tonzillit, irinli haymorit, laringit, pielonefrit, streptokokkla yoluxmalarda effektivdir. Antibiotiklər bakteriyaların hüceyrələrinə dağıdıcı zərbə endirir.

Ona görə qızdırma olan kimi, burun axanda, öskürəndə, ya halsız olanda dərhal antibiotik qəbul etmək olmaz.

2. Antibiotiklərin ən çox yayılmış əks-təsirləri hansılardır?

Antibiotik qəbul etdikdə bağırsaq florasının bir qismi məhv olur. Çünki bu mikrofloranı bakteriyalar təşkil edir. Dərman hansı bakteriyanı ayırd edə bilmədiyindən, hamısına hücum edir. Ona görə həzm sistemində pozulma, ishal, qusma, ürəkbulanma, tez-tez tualetə getmək, baş ağrısı qaçılmazdır.
 
Əgər diareya çox güclü olarsa, tualetə 10 dəfədən artıq gedilərsə, dərman qəbulu dayanmalı, maye balansı bərpa olunmalı, həkimə bu barədə xəbər verilməlidir.

3.Antibiotiklərdən sonra bağırsaq florasını bərpa etmək mütləqdirmi?

Xeyr. Buna gərək yoxdur. Çünki dərman saxlandıqdan sonra, mikroflora özü bərpa olur. Yalnız psevdomembran kolit olarsa, mikrob əleyhinə dərmanlar təyin olunur.

Hazırda çox həkimlər xüsusən uşaqlara pro və previotiklər təyin etməyə meyillidir. Bu preparatlar, məsələn Linex kimilər populyardır. Lakin dünya səhiyyə təcrübəsində belə preparatlar təyin olunmur. Bağırsaq florası qida ilə bərpa olur. Eləcə də antibiotikdən disbakterioz oldu deyə anlayış da yoxdur. Əgər hansısa həkim sizi disbakteriozdan müalicə edirsə, buna inanmayın.

 

4. Antibiotiklər immuniteti məhv edir?

Bu ən çox yayılmış mifdir və əsası yoxdur.  İmmunitet elə bir sistemdir ki, antibiotik heç gedib ona çatmır. Antibiotiklər konkret mədə-bağırsaq xəstəliyi də yaratmır, sadəcə mikrofloranı pozur.

5. Hamilə və südverən qadınlara antibiotik olmaz?

Əgər hamilə qadın və körpə bakterial infeksiyadan tələf olacaqsa, o zaman həyatı qorumaq üçün antibiotik təyin olunur.
Müasir tibbdə hamilələr üçün daha zərərsiz antibotiklər var. Lakin hamilə və südverən qadının özbaşına hər hansı antibiotiki qəbul etməsi qəti qadağandır.

6.3 gün qəbul etdikdən sonra yaxşılaşdım, dərmanı saxlayım?

Xeyr. Əgər antibiotik yazılıbsa, onun kursunu dəqiq qəbul etmək lazımdır. Çünki antibotik bombardmanından hələ sağ çıxan, sadəcə gücsüzləşən bakteriyalar olur. Dərmanı saxlasaz, onlar antibiotik rezistentliyi qazanıb, gələn dəfə ikiqat güclə hücuma keçəcək.

7.Bakterial infeksiyanı antibiotiksiz sağalda bilərəm?

Ola bilər. Yüngül formada və immunitet çox güclüdürsə. Amma hər hansı orqanda ağırlaşma verən bakterial infeksiya kök salıbsa, risk etməyə dəyməz. 3-5 günlük antiobiotiklə daha effektiv mübarizə aparın.

Ölkə.Az

ŞƏRH YAZ
0
BAĞLA