İlham Əliyev Aİ nümayəndəliyinin rəhbərinin etimadnaməsini qəbul edib — YENİLƏNİB

İlham Əliyev Aİ nümayəndəliyinin rəhbərinin etimadnaməsini qəbul edib
15:02
12.09.2017
51
Siyasət
A
Prezident İlham Əliyev sentyabrın 12-də Avropa İttifaqının Azərbaycandakı nümayəndəliyinin yeni təyin olunmuş rəhbəri Kestutis Yankauskasın etimadnaməsini qəbul edib.

"Ölkə.Az"ın məlumatına görə, səfir bildirib ki, qarşılıqlı faydaya, ümumi dəyərlərə və bütün sahələrdə qarşılıqlı maraqlara əsaslanan Avropa İttifaqı-Azərbaycan əlaqələrinin bundan sonra da inkişaf etdirilməsi istiqamətində səylərini əsirgəməyəcək: "Bu, təkcə enerji sahəsi deyil, eyni zamanda, nəqliyyat, iqtisadiyyatın şaxələndirilməsi, müasir dövlət və cəmiyyət qurulması kimi sahələri əhatə edir. Biz Azərbaycanın regionda sabit və etibarlı tərəfdaş kimi rolunu, tolerant, multikultural və dünyəvi cəmiyyət quran ölkə kimi əhəmiyyətini yüksək qiymətləndiririk. Cənab prezident, mən əlaqələrimizin bundan sonra da möhkəmləndirilməsi işində Sizinlə qarşılıqlı etimada əsaslanan əməkdaşlığı səbirsizliklə gözləyirəm”.
 
Ölkəmiz və əməkdaşlığımızın perspektivləri ilə bağlı xoş sözlərə görə minnətdarlığını bildirən dövlət başçısı qeyd edib ki, biz Avropa İttifaqı ilə tərəfdaşlığımızın səviyyəsindən çox məmnunuq və Avropa İttifaqı bizim əsas ticarət tərəfdaşımızdır: "Əlbəttə ki, əməkdaşlığımız yalnız ticarət və energetika sahələri ilə məhdudlaşmır, geniş sahələri əhatə edir".
 
Brüsselə son səfərini uğurlu səfər kimi dəyərləndirən dövlət başçısı qeyd edib ki, səfərindən dərhal sonra Azərbaycan ilə Avropa İttifaqı arasında tərəfdaşlığa dair yeni sənədin üzərində fəal danışıqlar prosesi başlanılıb və bu danışıqlar hazırda uğurla davam etdirilir. Prezident İlham Əliyev Azərbaycanla Avropa İttifaqı arasında əməkdaşlığın çox geniş gündəliyə malik olduğunu qeyd edərək siyasi əlaqələr, ölkəmizin demokratik inkişafı, energetika, nəqliyyat, təhlükəsizlik, humanitar, təhsil, mədəniyyət, multikulturalizm ilə bağlı məsələlər ətrafında səmərəli müzakirələrin aparıldığını vurğulayıb. Dövlət başçısı qeyd edib ki, əməkdaşlığımızın daha da genişləndirilməsi üçün yüksək səviyyədə qarşılıqlı anlaşma mövcuddur. Prezident İlham Əliyev bildirib ki, biz bu əməkdaşlığa önəm veririk və Avropa İttifaqına üzv dövlətlərin üçdəbirindən çoxu ilə artıq strateji tərəfdaşlıq haqqında sənədlər, bəyannamələr imzalanıb və ya qəbul olunub.
 
Bunun əməkdaşlıq üçün çox gözəl əsas olduğunu deyən prezident İlham Əliyev Azərbaycanla Avropa İttifaqı arasında yeni müqavilənin yaxın zamanlarda imzalanacağına əminliyini bildirib.
 
Dövlət başçısı Avropa İttifaqının Azərbaycanın ərazi bütövlüyü ilə bağlı mövqeyinin dəyişməz qalacağına ümidvar olduğunu ifadə edib.
 
Prezident İlham Əliyevin ifadə etdiyi fikirlərə görə minnətdarlığını bildirən Kestutis Yankauskas uzun illər təhlükəsizlik siyasəti ilə məşğul olduğunu vurğulayaraq, bu sahədə əldə etdiyi bilik və təcrübəsindən Azərbaycanın ərazi bütövlüyü kimi çox mühüm məsələnin həllində də istifadə edəcəyini deyib. Prezident İlham Əliyevin Brüsselə səfərinə və tərəfdaşlıq əlaqələrini özündə əks etdirən sənədə toxunan səfir bunun əhəmiyyətini vurğulayıb və müqavilə ilə bağlı Brüsseldə fəal iş aparıldığını deyib.

***

Azərbaycan Respublikasının Prezidenti İlham Əliyev sentyabrın 12-də Avropa İttifaqının ölkəmizdəki nümayəndəliyinin rəhbəri Kestutis Yankauskasın etimadnaməsini qəbul edib.

"Ölkə.Az" xəbər verir ki, məlumatı Azərbaycan Prezidentinin mətbuat xidməti yayıb. 

ŞƏRH YAZ
0

Sergey Lavrov: "Rusiya Dağlıq Qarabağ münaqişəsinin nizamlanmasında maraqlıdır"

Sergey Lavrov:
20:50
19.11.2017
982
Siyasət
A
Rusiyanın xarici işlər naziri Sergey Lavrov Azərbaycan Prezidenti İlham Əliyevlə görüşündə prezident Vladimir Putinin salamlarını Azərbaycanın dövlət başçısına çatdırıb.

Bu barədə Azərbaycanda səfərdə olan XİN başçısı deyib.

“Siz bu yaxınlarda Tehranda Rusiya Federasiyasının prezidenti ilə görüşdünüz. Bu, noyabrın 1-də olub. O, sizə ən xoş salamlarını çatdırır. Böyük məmnuniyyətlə sizinlə əlaqələri xatırlayır", - deyə Lavrov bildirib.

Nazirin sözlərinə görə, Rusiya Azərbaycanla əldə olunmuş bütün razılaşmaları yerinə yetirmək məsələsinə sadiqdir.

"Biz böyük məmnuniyyətlə ticarət dövriyyəsinin artmasını qeyd edirik. Bzim statistikaya görə, ilk doqquz ay ərzində bu göstərici 60 faizdən çox olub. Bu, bir neçə il əvvəl ticarət dövriyyəsinin enməsi tendensiyasını geri çevirmək və templəri artırmaq üçün ciddi addımdır", - deyə S.Lavrov əlavə edib.

O, həmçinin bu il Stavropolda uğurla keçirilən regionalararası forumu da xatırladıb. Lavrov bildirib ki, Rusiya ATƏT-in Minsk qrupunun həmsədr ölkəsi kimi Dağlıq Qarabağ münaqişəsindən çıxış yolu tapmaqda və nizamlanmanın təmin edilməsində maraqlıdır. (oxu.az)

Ölkə.Az

ŞƏRH YAZ
0

İlham Əliyev Lavrovu və heyətini qəbul etdi

İlham Əliyev Lavrovu və heyətini qəbul etdi
20:15
19.11.2017
444
Siyasət
A

Bu gün Azərbaycan prezidenti İlham Əliyev Rusiya Federasiyasının xarici işlər naziri Sergey Lavrovun başçılıq etdiyi nümayəndə heyətini qəbul edib.
 
Ölkə.Az-ın məlumatına görə, bu barədə Azərbaycan prezidentinin mətbuat xidməti məlumat yayıb.

ŞƏRH YAZ
0
BAĞLA