İlham Əliyev ailəsi ilə birlikdə Dünya Çempionatını izləyir

İlham Əliyev ailəsi ilə birlikdə Dünya Çempionatını izləyir
20:49
14.06.2018
5148
İdman
A
İyunun 14-də Moskvadakı “Lujniki” stadionunda futbol üzrə növbəti dünya çempionatının təntənəli açılış mərasimi keçirilib.

"Ölkə.Az" xəbər verir ki, Azərbaycan Respublikasının Prezidenti İlham Əliyev, birinci xanım Mehriban Əliyeva və Heydər Əliyev Fondunun vitse-prezidenti Leyla Əliyeva mərasimdə iştirak ediblər.

Qeyd edək ki, iyirmiyə yaxın ölkənin dövlət və hökumət başçılarının da qatıldığı açılış mərasiminin proqramı zənginliyi və əvvəlki dünya çempionatlarının açılış mərasimlərinin proqramlarından fərqli formatı ilə əsaslı şəkildə seçildi. Budəfəki tədbir daha qısa vaxt ərzində və yığcam oldu, məşq ərəfəsində deyil, birbaşa Rusiya-Səudiyyə Ərəbistanı matçından əvvəl keçirildi.

Britaniyalı müğənni Robbi Uilyamsın və Vyana Operasının solisti, tanınmış opera müğənnisi Aida Qarifullinanın ifası mundialın açılış mərasiminə əlavə əzəmət qatdı.

Açılış mərasiminin prodüseri Rusiyanın Birinci kanalıdır. Bu əzəmətli şounun konsepsiyasının müəllifi isə rejissor Feliks Mixaylovdur. Bu işdə ona İlya Averbux da kömək göstərib. İkiqat dünya çempionu, braziliyalı futbolçu Ronaldo da açılış mərasiminə qatılıb.

Dünya çempionatına ev sahibliyi edən Rusiya Federasiyasının Prezidenti Vladimir Putin mərasimdə çıxış etdi.

Rusiya dövlətinin başçısı bütün qonaqları Moskvanın əfsanəvi “Lujniki” stadionunda salamlayaraq, dünyanın mehriban futbol ailəsini çempionatın açılışı münasibətilə təbrik etdi. Bu möhtəşəm idman hadisəsinin ilk dəfədir ki, Rusiyada keçirildiyini deyən Vladimir Putin ölkəsində bu idman növünə xüsusi sevginin bəslənildiyini də əlavə etdi. O, bu idman bayramını Rusiyada qəbul etmək üçün dünya çempionatına məsuliyyətlə hazırlaşdıqlarını bildirdi. “Harada yaşamağımızdan, hansı ənənələrə riayət etdiyimizdən asılı olmayaraq bizim hamımızı bu parlaq idman növü - futbola sevgi birləşdirir. Futbolun gücünün əsasını humanizm təşkil edir. Çünki bu, birlikdir”, - deyən Rusiya Prezidenti bu birliyi gələcək nəsillər üçün qoruyub saxlamağın vacibliyini vurğuladı.

FIFA-nın prezidenti Canni İnfantino da çıxışında Rusiyada başlayan futbol üzrə dünya çempionatının idmanın bu növünün həvəskarlarına maraqlı anlar yaşadacağını söylədi.

Otuz iki ölkənin yığma komandalarının mübarizə apardığı budəfəki futbol üzrə dünya çempionatı iyunun 14-dən iyulun 15-dək davam edəcək. Çempionat Rusiyanın 11 şəhərinin 12 stadionunda keçiriləcək.

Xatırladaq ki, açılış mərasimini “Lujniki” stadionunda 80 min, televiziya ilə birbaşa yayımla isə təqribən 1 milyard nəfərə qədər tamaşaçı izləyib.

Rusiyada təşkil olunan futbol üzrə növbəti dünya çempionatı meydan sahiblərinin oyunu ilə başladı.

Açılış mərasimindən dərhal sonra “A” qrupunda mübarizə aparan Rusiya və Səudiyyə Ərəbistanının yığma komandalarının görüşü oldu.

FIFA dünya kubokunun ilk matçı olduğundan bütün diqqətlərin yönəldiyi qarşılaşma Bakı vaxtı ilə saat 19-da start götürdü.

Azərbaycan Prezidenti İlham Əliyev, birinci xanım Mehriban Əliyeva, Rusiya Prezidenti Vladimir Putin və digər dövlət və hökumət başçıları həmin görüşü izləyirlər.

Ölkə.Az

ŞƏRH YAZ
0

"Olimpiya çempionuna belə asanlıqla qalib gələcəyimi gözləmirdim" — Hidayət Heydərov

07:30
Bu gün
4698
İdman
A
“Beynimdə yalnız qələbə qazanmaq arsuzu hakim idi. Lakin belə asanlıqla qalib gələcəyimi gözləmirdim. Rəqibim tanınmış cüdoçu, olimpiya çempionudur. Görüşə çıxan kimi təmiz qələbə qazandım”.

"Ölkə.Az"ın verdiyi məlumata görə, bu fikirləri “Minsk 2019” II Avropa Oyunlarında 73 kq çəki dərəcəsində bürünc medal qazanan Azərbaycan cüdoçusu Hidayət Heydərov deyib.

İyirmi iki yaşlı idmançı bildirib ki, gürcüstanlı Laşa Şavdatuaşvili ilə görüş zamanı 51 saniyəyə ipponun baş verəcəyini gözləməyib: “Bu, mənim fəndim deyildi, çünki özüm daha çox aşağı nahiyədən ipponu sevirəm. Sadəcə həmin anı tuta bildim”.

Heydərov II Avropa Oyunlarında cüdo növündə ilk medalı əldə etməsinə sevindiyini də vurğulayıb: “Buna da şükür”.

ŞƏRH YAZ
0

Messi Neymarı “Barselona”ya qayıtmağa məcbur edəcək

Messi Neymarı “Barselona”ya qayıtmağa məcbur edəcək
03:00
Bu gün
1861
İdman
A
“Barselona” futbol klubunun kapitanı Lionel Messi “PSJ”nin hücumçusu Neymarı kluba qaytaracağına ümid edir.

“Ölkə.Az” xəbər verir ki, bu barədə “Paris United” nəşri xəbər yayıb.

Məlumata əsasən, Neymar Parisdə özünü yaxşı hiss etmir və fransız klubu tərk etmək niyyətindədir. Messi isə dostlarını işə salaraq braziliyalıya təzyiq edir və ondan “Barselona”ya qayıtmasını tələb edir.

Bundan başqa, Messi klub prezidenti Xosep Mario Bartomeudan xahiş edib ki, hücumçunu alsın. Bir neçə gün əvvəl isə “Barselona”nın yarımmüdafiəçi Filipe Koutinyu və Usman Dembele ilə yollarını ayıracağı bildirilirdi. Əldə edilən pul ilə Neymarın transferi ödəniləcək. “PSJ” rəhbərliyi isə yaxşı təklif qarşılığında Neymarı sata biləcəyini deyib.

Qeyd edək ki, Neymar 2017-ci ilin yay ayından “PSJ”də oynayır. Paris klubu bu transfer üçün 222 milyon avro ödəmişdi.

Hikmət Həsənov
Ölkə.Az

 

ŞƏRH YAZ
0
BAĞLA