İlham Əliyev Azərbaycan xalqını təbrik etdi

İlham Əliyev Azərbaycan xalqını təbrik etdi
18:09
20.08.2018
7710
Siyasət
A
Azərbaycan Prezidenti İlham Əliyev Qurban bayramı münasibətilə Azərbaycan xalqını təbrik edib.

"Ölkə.Az" xəbər verir ki, təbrikdə deyilir: 

"Hörmətli həmvətənlər!

Sizi dünya müsəlmanlarının mənəvi birlik, həmrəylik və qardaşlıq rəmzi olan müqəddəs Qurban bayramı münasibətilə ürəkdən təbrik edir, xalqımıza və Azərbaycanın hüdudlarından kənarda yaşayan bütün soydaşlarımıza ən səmimi arzu və diləklərimi yetirirəm.

Qurban mərasimi Uca Yaradana məhəbbət və itaət, yüksək mənəvi-əxlaqi dəyərlərə hörmət, hər bir bəşər övladına mərhəmət və dözümlülük təlqin edən İslam dininin insanlar üçün hidayət yolu seçilməsi ilə əlamətdardır. Bu mübarək bayram bütün dünya müsəlmanlarının mənəvi-ruhi birliyini, əməli-saleh insanların Tanrı sevgisini və haqq-ədalət naminə hər cür fədakarlığa hazır olmalarını təcəssüm etdirir.

Mütərəqqi islami dəyərlərə bağlılığı ilə seçilən Azərbaycan xalqı əsrlər boyu, hətta ən mürəkkəb dövrlərdə Qurban bayramını özünün əziz günlərindən biri kimi qoruyub saxlamışdır. Hazırda minlərlə həmvətənimizin də aralarında olduğu milyonlarla müsəlman müqəddəs Həcc ziyarətində möhtəşəm həmrəylik nümayiş etdirərək, Uca Yaradana şükranlarını bildirir, ölkəmizdə və dünyada sülhün, əmin-amanlığın bərqərar olması üçün dualar edirlər.

Bayram günləri müsəlmanlarımız Allah və din yolunda öz müqəddəs borcunu yerinə yetirir, qurbanlar kəsilir, imkansızlara və ehtiyacı olanlara yardımlar edilir, şəhidlərimizin nurlu xatirəsi ehtiramla yad olunur. Məmnuniyyət hissi ilə qeyd etmək istəyirəm ki, hər belə bayram cəmiyyətimizdə xeyirxahlığın, birlik və bərabərliyin, Vətənə və milli dövlətçiliyə sədaqətin təntənəsinə çevrilir.

İnanıram ki, bu mübarək bayram müstəqil Azərbaycan Respublikasının tərəqqisi naminə xalqımızın qəhrəmanlıq və fədakarlıq qüdrətini artıracaq, ölkəmizdə vətəndaş sülhünü və milli-mənəvi həmrəyliyi daha da gücləndirəcəkdir.

Əziz bacı və qardaşlarım!

Kəsdiyiniz qurbanların Allah tərəfindən qəbul olunması arzusu ilə bir daha hər birinizə möhkəm cansağlığı, ailələrinizə firavanlıq, süfrələrinizə bol ruzi-bərəkət arzulayıram.

Qurban bayramınız mübarək olsun!".

ŞƏRH YAZ
1

Oqtay Əsədov Valentina Matviyenkonu xüsusi medalla təltif edib — FOTO

Oqtay Əsədov Valentina Matviyenkonu xüsusi medalla təltif edib
23:19
18.04.2019
443
Siyasət
A
MDB Parlamentlərarası Assambleya Şurasının iclası çərçivəsində Azərbaycan Milli Məclisinin sədri Oqtay Əsədov ilə Rusiya Federasiya Şurasının sədri Valentina Matviyenko arasında ikitərəfli görüş olub.

"Ölkə.Az" report-a istinadən bildirir ki, görüşdə iki ölkə arasında qarşılıqlı maraq doğuran məsələlər müzakirə edilib.

Görüş zamanı Oqtay Əsədov Valentina Matviyenkonu Azərbaycan Parlamentinin 100 illik yubileyinə həsr edilmiş xüsusi medalla və Qara Dəniz İqtisadi Əməkdaşlıq Təşkilatının fəxri medalı ilə təltif edib.

Ölkə.Az

ŞƏRH YAZ
0

Sahil Babayev İranın sənaye, mədən və ticarət naziri ilə görüşüb — FOTO

Sahil Babayev İranın sənaye, mədən və ticarət naziri ilə görüşüb
20:29
18.04.2019
667
Siyasət
A
Əmək və Əhalinin Sosial Müdafiəsi Nazirliyində (ƏƏSMN) ölkəmizdə səfərdə olan İranın sənaye, mədən və ticarət naziri Rza Rəhmaninin rəhbərlik etdiyi nümayəndə heyəti ilə görüş olub.

Nazirlikdən "Ölkə.Az"a verilən məlumata görə, görüşdə əmək və əhalinin sosial müdafiəsi naziri Sahil Babayev Azərbaycanla İran arasında qədim tarixi olan əlaqələrin inkişaf edərək genişləndiyini vurğulayıb.

Nazir Azərbaycan Prezident İlham Əliyevin uğurlu sosial-iqtisadi siyasətinin nailiyyətlərini qeyd edib, əldə olunan iqtisadi uğurların əhalinin rifah halının yaxşılaşdırlmasına xidmət etdiyini, bu sahədə ardıcıl olaraq mühüm addımların atıldığını diqqətə çatdırıb.

S.Babayev ölkəmizdə sosial cəhətdən həssas əhali qruplarının sosial müdafiəsinin gücləndirilməsi, tibbi və sosial reabilitasiya imkanlarının artırılması, aktiv əmək bazarı proqramlarının, o cümlədən özünüməşğulluq proqramının genişləndirilməsi istiqamətində görülən işlər, əmək, məşğulluq, sosial müdafiə sistemlərində aparılan islahatlar barədə məlumat verib. O, dövlət sosial xidmətlərinin vahid platformadan, bir pəncərə prinsipi ilə təqdim olunması üçün icra olunan DOST (Dayanıqlı və Operativ Sosial Təminat) layihəsindən bəhs edib.

S.Babayev bildirib ki, əməkdaşlıq həyata keçirilir, eyni zamanda, gələcəkdə bu əlaqələrin daha da genişlənməsi məqsədəuyğundur.

Nazir bildirib ki, bununla bərabər, 2013-cü ilin aprel ayında İslam Əməkdaşlıq Təşkilatına (İƏT) üzv dövlətlərin əmək nazirlərinin Bakı şəhərində keçirilmiş ikinci konfransında Prezident İlham Əliyevin İƏT-in mənzil-qərargahı Bakı şəhərində olmaqla Əmək Mərkəzinin yaradılması barədə təklifi yekdillə dəstəklənib. Ötən dövrdə həmin Mərkəzin təsis olunması üçün müvafiq işlər aparılıb. Artıq bir sıra dövlətlər tərəfindən Nizamnaməsi imzalanan Mərkəz İƏT-ə üzv ölkələr, o cümlədən Azərbaycan və İran arasında əmək, məşğulluq, sosial müdafiə və insan kapitalının inkişafı sahəsində əlaqələrin inkişafına öz töhfəsini verəcək.

Görüşdə iki ölkə arasında arasında iqtisadi, ticarət və humanitar sahələrdə əməkdaşlıq üzrə Dövlət Komissiyasının fəaliyyətinin əhəmiyyətindən də bəhs olunub, əməkdaşlıq əlaqələrinin gələcək inkişafına dair fikir mübadilələri aparılıb.

ŞƏRH YAZ
0
BAĞLA