İlham Əliyev: Bakı-Riqa reysini daimi etmək istəyirik

İlham Əliyev: Bakı-Riqa reysini daimi etmək istəyirik
22:00
17.07.2017
57
Siyasət
A
Bizim Latviya ilə elə güclü əməkdaşlıq formatımız var ki, daha geniş tərəfdaşlığa başlamaq təbii olardı. Bu gün biz, həmçinin biznes, turistlər, xalqlar arasında əlaqələr üçün çox vacib məsələni müzakirə etdik. Söhbət il ərzində fəaliyyət göstərəcək Bakı və Riqa arasında birbaşa uçuş reysindən gedir. İndi bizim mövsümi reysimiz var, biz onu daimi etmək istəyirik.

Ölkə.Az-ın məlumatına görə, bu sözləri Azərbaycan prezidenti İlham Əliyev iyulun 17-də Riqada Latviya-Azərbaycan biznes forumunda çıxışı zamanı söyləyib.

Dövlət başçısı bildirib ki, bu əlavə fürsətlər yaradacaq və eyni zamanda, biznes ictimaiyyətinin nümayəndələri bir-birini ziyarət etmək üçün bu reysdən daha müntəzəm istifadə edərlərsə bu, həmin reysi kommersiya cəhətdən çox cəlbedici edəcəkdir. 

“Beləliklə, reys təkcə ölkə rəhbərliyinin qərarı ilə deyil, eyni zamanda, kommersiya cəhətdən də əsaslandırılmış olardı”, - Azərbaycan prezidenti deyib. 

İlham Əliyev çıxışının sonunda turizm məsələsinə də toxunub. 

“Bizim iqlimlərimiz və hava şəraitimiz də çox fərqlidir. Hesab edirəm ki, bu, bir üstünlükdür. Çünki bizim insanlar ola bilsin qızmar yayda sərinləməyə üstünlük verir, latviyalılar isə çox güman ki, qış və digər mövsümlərdə daha çox günəşli havaya can atırlar. Buna görə də turizmə investisiya qoymaq və bizim məkanları turizm şirkətlərinə çox cəlbedici etmək üçün böyük potensial mövcuddur. Lakin bunun üçün bizim əlbəttə ki, daha çox əlaqələrimiz olmalıdır. Biz bir-birimizi daha yaxşı tanımalıyıq, daha çox təqdimatlar, daha çox belə forumlar keçirməliyik və bu, bizim münasibətlərimizi gücləndirəcəkdir. Bizim etdiklərimizin hamısı Latviya və Azərbaycan arasında münasibətlərin gücləndirilməsinə yönəlib və mənim bu səfərim buna çox vacib bir töhfədir”, - İlham Əliyev vurğulayıb.

ŞƏRH YAZ
0

Azərbaycan və Fransa arasında bir sıra sahələr üzrə komissiya yaradılacaq

Azərbaycan və Fransa arasında bir sıra sahələr üzrə komissiya yaradılacaq
14:45
Bu gün
795
Siyasət
A
Azərbaycan və Fransa arasında bir sıra sahələr üzrə komissiya yaradılacaq.

“Report” xəbər verir ki, bunu Bakıda azərbaycanlı həmkarı Elmar Məmmədyarovla görüşdən sonra jurnalistlər üçün keçirilən mətbuat konfransında Fransanın xarici işlər naziri Jan-İv Lö Drian deyib.

"Azərbaycan və Fransa arasında bir sıra sahələr üzrə komissiya yaradılacaq. Komissiya nəqliyyat, ekologiya, kənd təsərrüfatı və digər sahələri əhatə edəcək", - deyə nazir bildirib.

Ölkə.Az

ŞƏRH YAZ
0

Fransanın XİN rəhbəri: "Dağlıq Qarabağ münaqişəsində status-kvo həll variantı deyil"

Fransanın XİN rəhbəri:
14:38
Bu gün
595
Siyasət
A
"Ermənistan-Azərbaycan, Dağlıq Qarabağ münaqişəsi zonasında status-kvonun saxlanması problemin həll variantı deyil".

"Ölkə.Az" Report-a istinadən xəbər verir ki, bunu Bakıda azərbaycanlı həmkarı Elmar Məmmədyarovla görüşdən sonra jurnalistlər üçün keçirilən mətbuat konfransında Fransanın xarici işlər naziri Jan-İv Lö Drian deyib.

O, Fransanın ATƏT-in Minsk qrupunun həmsədri kimi münaqişənin həlli ilə bağlı öhdəliklərinin olduğunu bildirib:

"Fransanın bu barədə böyük öhdəlikləri var. Biz də Azərbaycan kimi münaqişənin sülh yolu ilə həllini dəstəkləyirik".

Ölkə.Az

ŞƏRH YAZ
0
BAĞLA