İlham Əliyev bir sıra ölkələrin prezidentlərinə təbrik məktubu göndərib
Azərbaycan Prezidenti İlham Əliyev bir sıra ölkələrin dövlət başçılarına təbrik məktubu ünvanlayıb.
Ölkə.Az xəbər verir ki, Xorvatiya, Sloveniya, Mozambik və Cibuti prezidentlərinə ünvanlanan məktublarda bu ölkələrin müvafiq olaraq Dövlətçilik və Müstəqillik günü bayramları təbrik edilib.
Prezident İlham Əliyev sözügedən ölkə rəhbərlərinə və xalqlarına səmimi təbriklərini yetirib. Azərbaycanla bu ölkələr arasında ikitərəfli əlaqələrin dinamik inkişaf etdiyini qeyd edən dövlət başçısı, daim genişlənən siyasi, iqtisadi və mədəni əlaqələrin, ikitərəfli və çoxtərəfli qaydada səmərəli əməkdaşlığın bundan sonra da ölkələrimizin çiçəklənməsinə, xalqlarımızın rifahına töhfələr verəcəyinə ümidvaram olduğunu bildirib.
