İlham Əliyev Giorgi Qaxariyanı qəbul edib — FOTO / YENİLƏNİB

İlham Əliyev Giorgi Qaxariyanı qəbul edib
18:40
09.10.2019
2274
Siyasət
A
Azərbaycan Respublikasının Prezidenti İlham Əliyev oktyabrın 9-da Gürcüstanın Baş Naziri Giorgi Qaxariyanı qəbul edib.

"Ölkə.Az" xəbər verir ki, Baş Nazir Giorgi Qaxariyanı salamlayan Prezident İlham Əliyev deyib:

- Hörmətli cənab Baş Nazir. Sizi Azərbaycanda səmimiyyətlə salamlayıram. Ölkəmizə xoş gəlmisiniz.

İlk növbədə, sizi Baş Nazir vəzifəsinə seçilməyiniz münasibətilə bir daha ürəkdən təbrik edirəm, sizə uğurlar arzulayıram. Siz dəfələrlə Azərbaycanda səfərdə olmusunuz. Mən sizinlə keçirdiyim görüşləri böyük məmnunluq hissi ilə xatırlayıram. Bu dəfə siz qardaş ölkənin Baş Naziri kimi Azərbaycana səfər edirsiniz və sizin Baş Nazir kimi ilk xarici səfərinizdir. Bu, bizi olduqca məmnun edir. Birinci səfəriniz Azərbaycana edilir və bu, bir daha onu göstərir ki, Azərbaycan Gürcüstan üçün çox önəmli və ən yaxın tərəfdaşlardan biridir. Bizim üçün də Gürcüstan ən yaxın tərəfdaşdır və ən yaxın ölkələrdən biridir. Bizi birləşdirən ortaq tarix, ortaq coğrafi məkan əlaqələrimizin inkişafı üçün gözəl təməldir. Müstəqillik dövründə əlaqələrimiz uğurla inkişaf edib və bu gün bir çox sahələri əhatə edir. Biz beynəlxalq təşkilatlarda bir-birimizin ərazi bütövlüyünü dəstəkləyirik və beynəlxalq təşkilatlar çərçivəsində uğurlu əməkdaşlıq edirik.

Şadam ki, iqtisadi sahədə gözəl nəticələr var. Azərbaycan Gürcüstan iqtisadiyyatına sərmayə qoyan ölkələr sırasında ilk yerlərdədir. Birgə həyata keçirdiyimiz neft-qaz və nəqliyyat layihələri ikitərəfli formatdan çıxıb və qlobal məna daşıyır. Əlbəttə ki, insanlar arasındakı əlaqələr xüsusi məna daşıyır. Gürcüstanda yaşayan azərbaycanlılar və Azərbaycanda yaşayan gürcülər bu əlaqələrin inkişafında çox önəmli amildir. Bir daha sizi salamlayıram və "Xoş gəlmisiniz!" deyirəm.

Gürcüstanın Baş Naziri Giorgi Qaxariya deyib:

- Təşəkkür edirəm, cənab Prezident, səmimi və xoş qəbulunuz üçün. Mənim üçün böyük şərəfdir ki, ilk xarici səfərimi məhz Azərbaycana edirəm. Bu, təsadüfi deyil ki, biz ilk səfəri Azərbaycan Respublikasına etdik. Biz bu qərarı ona görə qəbul etdik ki, düşmənə və dosta sübut edək, Azərbaycan və Gürcüstan arasında heç bir həll olunmayan məsələ yoxdur və ola bilməz.

Mən Sizinlə görüşləri xatırlayıram, biz bütün məsələlər ətrafında açıq söhbət edirdik. Bu, mənim üçün böyük təcrübə idi. Siz dediyiniz kimi, Azərbaycan və Gürcüstan ən yaxın dost və qardaş ölkələrdir. Həqiqətən bizim əməkdaşlığımız və tərəfdaşlığımız regional çərçivədən çıxdı və beynəlxalq müstəviyə yüksəldi, xüsusən iqtisadiyyat, nəqliyyat, ticarət məsələlərində. Gürcüstan və Azərbaycan bir-birini beynəlxalq formatda hər zaman dəstəkləyir. Bizim üçün çox vacib olan məsələdə - Gürcüstanın ərazi bütövlüyünü dəstəklədiyiniz üçün Sizə təşəkkürümü bildirirəm.

Əlbəttə ki, insanlarımız arasında mehriban, dost münasibətlər də çox mühümdür və vacibdir. Bizim xalqlar arasındakı əlaqələr uzunəsrlidir və mədəni əlaqələrdir. Bizim xalqlarımız arasında münasibətlərin böyük tarixi var.

Əminəm ki, bugünkü səfərim, bugünkü görüşlərimiz son dərəcə səmərəli olacaq, dosta və düşmənə bir daha göstərəcək ki, Gürcüstan və Azərbaycan arasındakı əlaqələr hər zaman dost əlaqələridir. Onlar arasında həll olunmayan məsələlər yoxdur və onlar hər zaman bütün məsələlərdən çıxış yolu tapa bilərlər.

Səmimi qəbul üçün Sizə bir daha təşəkkür edirəm.

Sonra Azərbaycan Prezidenti İlham Əliyev və Gürcüstanın Baş Naziri Giorgi Qaxariya işçi nahar ediblər.

ŞƏRH YAZ
0

"Bəzi deputatlar məhkəmə-hüquq islahatlarına dair paketi oxumayıb, ya da oxuyubsa, başa düşməyib” — Ziyafət Əsgərov

15:22
Bu gün
408
Siyasət
A
“Bəzi millət vəkilləri ya məhkəmə-hüquq islahatlarına dair paketi oxumayıb, ya da oxuyubsa, başa düşməyib”.

“Ölkə.Az” xəbər verir ki, bunu Milli Məclisin plenar iclasında Milli Məclis sədrinin birinci müavini Ziyafət Əsgərov bildirib. Z. Əsgərov deyib ki, bəzən müstəntiqlər eyni növ cinayətlər üzrə müxtəlif yanaşmalar tətbiq edə bilər: “Bu da nəticədə müəyyən narazılıqlara səbəb olur. İşlərin Avropa Məhkəməsinə gedib çıxmaması üçün Prezident Ali Məhkəmənin qarşısında vəzifə qoyur ki, ümumiləşdirmə aparsın, hansı cinayət necə tövsif olunsun. Yəni, burada vahid məhkəmə təcrübəsinin tətbiqindən söhbət gedir. Yəni insanlar incidilməsin, ədaət mühakiməsi yüksək səviyyədə təmin olunsun”. 

Vitse-spiker qeyd edib ki, xüsusi ekspertlərin səlahiyyəti ilə bağlı məsələyə də toxunub: “Gəlin bunu sınaqdan keçirək, görək özəl ekspertlər necə fəaliyyət göstərəcək. Tutaq ki, narkomaniya, ağır avtoqəzalarla bağlı biz ekspertizanı özəl ekspertlərə həvalə etsək, onların nəticəsinin necə olacağını bilmirik. Məhkəmə həmin ekspertizanın nəticəsini əsas götürüb insan taleyi ilə bağlı qərar çıxaracaq. Dövlət ekspertizasında elə avadanlıqlar, imkanlar var, özəl ekspertlərdə elə imkanlar var. Məhkəmə özəl ekspertlə dövlət eksperti arasında qalacaq ki, hansı qərarı versin. Ekspertiza o qədər ağlabatan olmalıdır ki, məhkəmə qərar verə bilsin. Bu qanunları alqışlamaq və səs vermək lazımdır ”.

Mürtəza
Ölkə.Az

 

 

ŞƏRH YAZ
0

"Əhalinin ən çox narazı olduğu sahə məhkəmələrdir" — Siyavuş Novruzov

14:54
Bu gün
490
Siyasət
A
"Məhkəmə hüquq sistemində effektivliyi təmin etmək üçün bu sahədə islahatlar kompleks şəkildə həyata keçirilməlidir".

“Ölkə.Az” xəbər verir ki, bunu millət vəkili Siyavuş Novruzov  Milli Məclisdə çıxışı zamanı deyib.

Onun sözlərinə görə, məhkəmə hüquq sistemində islahatlar ölkə başçısının verdiyi fərmandan daha öncə başlayıb. “Hakimlərin işə qəbulu, saylarının artırılması, yeni məhkəmə binalarının tikintisi və sair buna aiddir. Lakin məhkəmə hüquq sistemində islahatlar kompleks şəkildə həyata keçirilməlidir. Çünki əhalinin ən çox narazı olduğu sahə məhkəmələrdir. Ona gör də mən  hakimləri dəstəkləmək və tərəfini tutmaq niyyətim yoxdur. Ancaq bununla belə elə məsələlər var ki, burada hansısa qərar qəbul ediləndə, istər-istəməz hansısa tərəf narazı qalır. Məsələn, kimsə bir evi 5 nəfərə satır və iş gəlib çıxır məhkəməyə.  Hakim də qərarı bir nəfər üçün çıxaranda digərləri narazı qalır.  Torpaq məsələsi olsun. Hansısa qurumlar, insanlar  zamanında qanunsuzluğa yol verir və işləri çətinə düşəndə iş gəlib çıxır məhkələrə… İş məhkəməyə gələndə hüquq yada düşür.  Qanunsuzluqları ayrı ayrı qurumlar və insanlar edir, nəticədə  problem yarananda iş gəlib çıxır məhkəməyə və  bu problemi məhkəmə həll etməli olur. O baxımdan da  bu,  məsələlərə kompleks şəkildə  yanaşmalıyıq ki, bundan razı qalan vətəndaş olsun”- deputat bildirib.

O, əlavə edib ki, bu gün digər əsas problemlərdən biri də məhkəmə qərarlarının icrası ilə bağlıdır və bu sahədəki problem aradan qaldırılmalıdır: “Hesab edirəm ki, məhkəmə qərar çıxardıqdan sonra  məhkəmə qərarı mütləq icra olunmalıdır. Digər bir təklifin məhkəmələrin ixtisaslaşması ilə bağlıdır. Əgər məhkəmələrdə ixtisaslaşma olarsa, o zaman hakimlərin çıxardığı qərarlar daha ədalətli olmaqla yanaşı,  keyfiyyətli olar. Növbəti problem istintaq qurumları ilə bağlıdır. Bu gün Azərbaycanda Təhsil Nazirliyindən başqa demək olar ki, bütün nazirliklərin istintaq qurumu, hətta cinayət axtarış qurumları var. Bu effektiv deyil. Ona görə də ümumiləşdirilməlidir”.

Mürtəza
Ölkə.Az

ŞƏRH YAZ
0
BAĞLA