KORONAVİRUSA YOLUXANLARIN SAYI - CANLI STATİSTİKA

İlham Əliyev görüşlər keçirdi — FOTO (YENİLƏNİB)

İlham Əliyev görüşlər keçirdi
15:50
13.11.2019
2513
Siyasət
A
Azərbaycan Respublikasının Prezidenti İlham Əliyev noyabrın 13-də Rusiya Federasiyasının Federasiya Şurasının sədr müavini İlyas Umaxanovu, Rusiya Federasiyasının Federasiya Şurasının Regional məsələlər üzrə komitəsinin sədri Sergey Melikovu, Dağıstan Xalq Məclisinin sədri Xızrı Şıxsəidovu və Dağıstan Xalq Məclisi sədrinin müşaviri Məhəmməd Qurbanovu qəbul edib.

"Ölkə.Az" xəbər verir ki, qonaqları salamlayan Prezident İlham Əliyev deyib:

- Sizi yenidən görməyimə şadam. Xoş gəlmisiniz.

Çox şadam ki, siz mühüm tədbirdə - dünya dini liderlərinin Sammitində iştirak edəcəksiniz. Bu, ölkəmiz üçün çox mühüm hadisədir. Zənnimcə, bütün iştirakçılar üçün də belədir. Mən çox şadam ki, Rusiya Federasiyası çox yüksək səviyyədə, Federasiya Şurasının rəhbərliyi, qardaş Dağıstanın rəhbərliyi səviyyəsində təmsil olunub və Zati-müqəddəsləri, Moskvanın və Bütün Rusiyanın Patriarxı Kirillin də, müxtəlif ölkələrdən olan çoxsaylı qonaqların da iştirakı gözlənilir. Zənnimcə, bu tədbir mədəniyyətlərarası, sivilizasiyalararası dialoqun gələcək inkişafına yaxşı təkan verəcək.

Bildiyiniz kimi, Azərbaycanda bu qəbildən olan çoxlu tədbirlər keçirilir. Rusiya və Azərbaycan prezidentlərinin himayəsi ilə müntəzəm olaraq keçirilən Bakı Humanitar Forumu, ənənəvi Mədəniyyətlərarası Dialoq Forumu beynəlxalq təşkilatlar, o cümlədən BMT, UNESKO və digər təşkilatlar tərəfindən dəstəklənir. Beləliklə, Azərbaycan artıq çoxdandır ki, xalqları, müxtəlif dinlərin nümayəndələrini yaxınlaşdıran humanitar xarakterli tədbirlərin keçirildiyi məkana çevrilib.

Əlbəttə, bunlar həm də ikitərəfli gündəliyə aid məsələlər barədə söhbət etmək üçün yaxşı imkandır. Bu gündəlik olduqca zəngindir və yüksək səviyyədə əlaqələr bizim münasibətlərimizin inkişafına çox güclü təkan verir. Mənim Rusiya Prezidenti Vladimir Vladimiroviç Putinlə bir neçə dəfə görüşüm olub. Pekində “Bir kəmər, bir yol” konfransı zamanı görüşümüzü xüsusi xatırlayıram. Tədbirlər qrafikinin çox gərgin olmasına baxmayaraq, biz bir sıra məsələlər barədə çox ətraflı söhbət etməyə vaxt tapdıq. Rusiya Prezidentinin məni “Valday” Forumunda iştiraka dəvət etməsi də bizə hörmət və xoş münasibət əlaməti kimi qəbul edildi. Forum çərçivəsində də Rusiya Prezidenti ilə mənim görüşüm oldu. Biz həmin görüşdə də ikitərəfli gündəliyə aid diskussiyaları davam etdirdik.

Əlbəttə, Valentina İvanovna Matviyenkonun rəhbərlik etdiyi nümayəndə heyətinizin bu ilin yazında ölkəmizə səfəri də parlamentlərarası istiqamətdə münasibətlərə və bütövlükdə, ikitərəfli gündəliyə aid məsələlərə yaxşı təkan verdi. Buna görə də düşünürəm ki, bu görüş mühüm məsələlərə bir daha nəzər salmaq və əlbəttə, Xızrı İsayeviçin, Məhəmmədin və sizin, – biz ilk dəfə görüşürük, - timsalınızda qardaş Dağıstan nümayəndələrini görməyə çox şadam. Əlbəttə, bizim əziz qardaşımız İlyasa da “Xoş gəlmisiniz” deyirəm, o da bizim qardaş diyarı təmsil edir. Bir daha xoş gəlmisiniz.

Rusiya Federasiyasının Federasiya Şurasının sədr müavini İlyas Umaxanov deyib:

- Hörmətli İlham Heydər oğlu, vəziyyətlə əlaqədar əsasən Dağıstan təmsilçilərindən ibarət olan Rusiya nümayəndə heyəti ilə görüşmək üçün vaxt tapdığınıza görə Sizə təşəkkür etmək istəyirik. Lakin bununla bərabər, demək istəyirəm ki, əlbəttə, dünya dini liderlərinin Sammitində iştirak etmək bizim üçün, əlbəttə, çox vacib idi. Bu, artıq ikinci Sammitdir. Mənə birinci Sammitdə iştirak etmək xoşbəxtliyi nəsib olub. Bu Sammitin gedişini böyük hörmət və maraqla izləyəcəyik. Ona görə ki, Parlamentlərarası İttifaqın Sankt-Peterburqda keçirilmiş 137-ci Assambleyasında parlament rəhbərlərinin ümumdünya konfransının keçirilməsi təşəbbüsü irəli sürüldü. Birləşmiş Millətlər Təşkilatının Baş Assambleyası həmin konfransın 2022-ci il mayın 21-də Rusiyada keçirilməsi barədə müvafiq qətnamə qəbul etdi. Etnik və konfessiyalararası məsələlərə həsr ediləcək bu konfransa Rusiya Federasiyasının Prezidentinin razılığı alındı. Ona görə də ikinci Sammitdə iştirak etmək, onun gedişini müşahidə etmək bizim üçün, əlbəttə, son dərəcə vacibdir.

Eyni zamanda, demək istəyirəm ki, biz Birinci vitse-prezident, çox hörmətli Mehriban Əliyevanın Moskvaya səfərini səbirsizliklə gözləyirik. Xalq Təsərrüfatı Nailiyyətləri Sərgisində Azərbaycan pavilyonunun açılışı olacaq, həmçinin Regionlararası Forum keçiriləcək.

***

Azərbaycan Respublikasının Prezidenti İlham Əliyev noyabrın 13-də Rusiya Federasiyasının Federasiya Şurasının sədr müavini İlyas Umaxanovu, Rusiya Federasiyasının Federasiya Şurasının Regional məsələlər üzrə komitəsinin sədri Sergey Melikovu, Dağıstan Xalq Məclisinin sədri Xızrı Şıxsəidovu və Dağıstan Xalq Məclisi sədrinin müşaviri Məhəmməd Qurbanovu qəbul edib.

Azərbaycan Respublikasının Prezidenti İlham Əliyev noyabrın 13-də İran İslam Respublikasının Mədəniyyət və İslami Əlaqələr Təşkilatının sədri Abuzər İbrahimi Türkmanın başçılıq etdiyi nümayəndə heyətini qəbul edib.

"Ölkə.Az" xəbər verir ki, nümayəndə heyətinin üzvlərini salamlayan Prezident İlham Əliyev deyib:

“Xoş gəlmisiniz. Çox şadam ki, qardaş ölkə sabah keçiriləcək dünya dini liderlərinin Zirvə Görüşündə yüksək səviyyədə iştirak edəcək. Həm bu Zirvə Görüşündə iştirak çox önəmlidir, eyni zamanda, yaxşı fürsətdir ki, ikitərəfli məsələləri də müzakirə edək.

Bildiyiniz kimi, bu yaxınlarda İran İslam Respublikasının Prezidenti cənab Ruhani Azərbaycanda səfərdə idi, Qoşulmama Hərəkatının Zirvə Görüşündə iştirak edirdi. Səfər çərçivəsində bizim görüşümüz olmuşdur. Çox yaxşı görüş oldu. Görüş zamanı gündəlikdə duran bir çox ikitərəfli məsələləri müzakirə etdik. Bir daha gördük ki, İran-Azərbaycan əlaqələri yüksək səviyyədədir, uğurla inkişaf edir. İmzalanmış bütün sənədlər, əldə olunmuş razılaşmalar icra edilir. Bu, onu göstərir ki, əlaqələr çox səmərəlidir və yaxşı nəticə verir. Əminəm ki, gələcəkdə bu əlaqələrin inkişafı üçün hər iki tərəf öz səylərini göstərəcək və əldə edilmiş bütün razılaşmalar həyatda öz yerini tutacaq”.

İranın Mədəniyyət və İslami Əlaqələr Təşkilatının sədri Abuzər İbrahimi deyib:

“Çox sağ olun, təşəkkür edirəm. Bizə vaxt ayırdığınıza və bizi qəbul etdiyinizə görə Sizə təşəkkürümü bildirirəm. İki il bundan əvvəl mənə belə bir fürsət yarandı, xanım Mehriban Əliyeva ilə görüşdüm və indiyədək həmin görüşü xatırlayıram, xoş təəssüratları yadımdadır.

Əvvəlcə, istərdim ki, öz dövlətimin, İran İslam Respublikası dövlətinin və xalqının səmimi salamlarını Sizə çatdırım. Bizimlə Azərbaycan arasında müştərəkliklər, bağlılıqlar çoxdur. Mən uşaqlıqdan Azərbaycan dilini nənəmdən öyrənmişəm. İllər keçdikcə bu dili mənə öyrətdiyinə görə və öz sinəsindən mənim sinəmə bu dili nəql etdiyinə görə həmişə ona dua edirəm.

Bizimlə sizin aranızda bir çox bağlılıqlar, müştərəkliklər var, o cümlədən mədəni sahədə. Buna görə də biz mədəni sahədə bir çox birgə layihələr həyata keçirmişik və əməkdaşlıqlar etmişik. Mədəniyyət Nazirliyi ilə bir çox proqramlar, layihələr icra etmişik, gələcəkdə də bunu davam etdirəcəyik”.

Söhbət zamanı ölkələrimiz arasında enerji, ticarət və digər sahələrdə əməkdaşlığın inkişafından məmnunluq ifadə olundu, ikitərəfli əlaqələrimizin möhkəmləndirilməsində dövlət başçıları arasında mütəmadi olaraq keçirilən görüşlərin əhəmiyyəti qeyd edilib.

***

Azərbaycan Prezidenti İlham Əliyev noyabrın 13-də İran İslam Respublikasının Mədəniyyət və İslami Əlaqələr Təşkilatının sədri Abuzər İbrahimi Türkmanın başçılıq etdiyi nümayəndə heyətini qəbul edib.

Azərbaycan Respublikasının Prezidenti İlham Əliyev noyabrın 13-də Misir Ərəb Respublikasının Nümayəndələr Palatası sədrinin birinci müavini Əl-Seyyid Mahmud əl-Şərifin başçılıq etdiyi nümayəndə heyətini qəbul edib.

"Ölkə.Az" xəbər verir ki, nümayəndə heyətinin üzvlərini salamlayan Prezident İlham Əliyev deyib:

“Xoş gəlmisiniz Azərbaycana, sizi səmimiyyətlə salamlayıram. Zirvə görüşündə iştirak etməyiniz bizi çox məmnun edir, şadam ki, ölkəniz bu tədbirdə yüksək səviyyədə təmsil olunur. Əlbəttə, səfəriniz yaxşı imkan yaradır ki, biz ikitərəfli münasibətlər haqqında danışaq. Bizim ikitərəfli münasibətlərimiz də uğurlu inkişaf edir və bir çox sahələri əhatə edir. Sizin ölkəniz bu yaxınlarda Bakıda keçirilmiş Qoşulmama Hərəkatının Zirvə Görüşündə yüksək səviyyədə təmsil olunmuşdur və Yekun Bəyannamənin qəbul edilməsində də ölkənizin mövqeyini biz yüksək qiymətləndiririk. Bildiyiniz kimi, növbəti üç il ərzində Azərbaycan bu Hərəkata sədrlik edəcək və bu məsələyə çox böyük məsuliyyətlə yanaşırıq. İqtisadi sahədə əlaqələrimizə gəldikdə, deyə bilərəm ki, bu sahədə çox böyük potensial var. Yaxşı siyasi əlaqələrimizi nəzərə alaraq, hesab edirəm, iqtisadi sahədə biznes qurumlarına biz çox ciddi siqnal verməliyik ki, onlar öz fəaliyyətini bir az da genişləndirsinlər. Şadam ki, turizm sahəsində də yaxşı irəliləyiş var, həm Azərbaycan turistləri ölkənizi ziyarət edirlər, həm də ki, Misirdən gələn qonaqların sayı artmaqdadır. Təbii ki, parlamentlərarası əlaqələrə də böyük əhəmiyyət verilir. Əminəm ki, səfər zamanı bu əlaqələrə yeni təkan veriləcək”.

Misir Ərəb Respublikasının Nümayəndələr Palatası sədrinin birinci müavini Əl-Seyyid Mahmud əl-Şərif deyib:

“Bismillahir rəhmanir rəhim. Möhtərəm cənab Prezident, icazə verin, əvvəlcə vaxt tapıb bizi qəbul etdiyinizə görə Sizə şəxsən öz adımdan və həmkarlarım adından təşəkkürümüzü bildirim. Azərbaycan xalqına qonaqpərvərliyə və istiqanlılığa görə dərin təşəkkürümüzü bildiririk. İcazə verin, Misir Ərəb Respublikasının Prezidenti cənab Əbdülfəttah əs-Sisinin şəxsən öz adından və Misir xalqı adından Sizə və Azərbaycan xalqına ehtiramını və dərin təşəkkürünü çatdırım. Şəxsən öz adımdan bildirmək istəyirəm, mən çox xoşbəxt insanam ki, 1994-cü ildə ümummilli lider Heydər Əliyevlə Misirdə görüşmüşəm. Bu gün də çox xoşbəxtəm ki, Azərbaycan Respublikasının Prezidenti cənab İlham Əliyevlə görüşürəm. Əlbəttə ki, son illər Azərbaycanın bütün sahələrdə, istər iqtisadi, istər infrastruktur, istərsə də bütün sahələrin inkişafı baxımından əldə etdiyi nailiyyətlər digər dünya dövlətlərinə bir nümunədir”.

Prezident İlham Əliyev onun da salamlarını Misir Prezidenti Əbdülfəttah əs-Sisiyə çatdırmağı xahiş edib.

Misirin Nümayəndələr Palatası sədrinin birinci müavini Əl-Seyyid Mahmud əl-Şərif bildirdi ki, ölkəsi beynəlxalq hüququn norma və prinsipləri əsasında Azərbaycanın ərazi bütövlüyünü və suverenliyini dəstəkləyir.

Söhbət zamanı ölkələrimizin beynəlxalq təşkilatlar çərçivəsində uğurlu əməkdaşlığı və digər məsələlər ətrafında fikir mübadiləsi aparılıb.

Sonda xatirə şəkli çəkdirilib.

***

Azərbaycan Prezidenti İlham Əliyev bu gün Misir Ərəb Respublikasının Nümayəndələr Palatası sədrinin birinci müavini Elsayed Elşerinin başçılıq etdiyi nümayəndə heyəti ilə də görüşüb.

ŞƏRH YAZ
0

Komitə sədri: “İşğalçılıq, faşizm ideologiyası Ermənistanı bir dövlət kimi məhvə sürükləyir”

Komitə sədri: “İşğalçılıq, faşizm ideologiyası Ermənistanı bir dövlət kimi məhvə sürükləyir”
17:49
09.07.2020
3819
Siyasət
A
Bu gün Ermənistan dünyada pandemiyadan ən çox zərər çəkən olduğundan BMT Baş Assambleyasının koronavirusla bağlı xüsusi iclasının keçirilməsində maraqlı olduğu halda, açıq şəkildə bunun əleyhinə çıxması özlərini dünyadan təcrid etməklə, daha pis vəziyyətə salmış oldular.

Bunu “Ölkə.Az” a açıqlamasında Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov deyib.

Komitə sədrinin sözlərinə görə,  Ermənistan bir yandan  pandemiya ilə bacarmadıqlarını bəyan edir, digər tərəfdən də qlobal pandemiyaya qarşı  effektiv mübarizənin təşkili məqsədi ilə beynəlxalq həmrəyliyin ayardılması istiqamətindəki təşəbbüslərə də qarşı çıxırlar. “Bu gün Ermənistanın koronavirusla bağlı yardım almaq üçün dilənçi kimi dünyada döymədikləri qapı qalmayıb. Qapı-qapı düşüb yalvar-yaxar edib, oradan-buradan dilənərək  yaşamağa çalışırlar.  Bu gün əslində birinci Ermənistan koronavirusla mübarizədə beynəlxalq həmrəyliyin və əməkdaşlığın yaranmasında maraqlı olmalıdır. İlk növbədə bu əməkdaşlıq onlara lazımdır. Ancaq Ermənistan nə etdi?  Açıqca  belə bir təşəbbüsə qarşı çıxdı. Bununla da bir daha iyrənc simasını dünyaya nümayiş etdirdi. Nədir-nədir belə bir təşəbbüsü Azərbaycan irəli sürüb. Bu Azərbaycanafobiyanın göstəricisidir. Əslində  Ermənistan bu hərəkəti ilə özü-özünü çox pis vəziyyətə qoydu, dünyadan təcrid vəziyyətə saldı. Hansı ki, Ermənistan bundan daha çox fayda götürə bilərdi. Hər zaman olduğu kimi bu dəfə də erməni xisləti onlara imkan vermədi”, - Sadiq Qurbanov vurğulayıb.

Komitə sədri sədri əlavə edib ki, onsuz da dünya işğalçı Ermənistanı yaxşı tanıyırdı, amma bu bir daha bu ölkənin işğalçılıq mahiyyətinə  uyğun digər  simalarını görüb, şahid olmaqdadır: “Azərbaycan Prezidenti cənab İlham Əliyevin də bəyan etdiyi kimi Ermənistanın  belə bir təşəbbüsün əleyhinə çıxması ağılsız düşüncənin məhsuludur. Azərbaycan belə bir  təşəbbüslə çıxanda dünya miqyasında pandemiyaya qarşı mübarizədə səylər birləşdirilsin və dahah səmərəli mübarizə aparılıb, beynəlxalq səviyyədə çətin vəziyyətdə olan ölkələrə dəstək verilsin. Yəni bu məsələdə  vahid bir yanaşma forması tətbiq olunsun, ölkələr özlərinə qapanmasın, inkişaf etmiş ölkələr ağır vəziyyətdə olan ölkələrə kömək göstərsinlər. Amma daha çox ehtiyacı olan Ermənistan  belə bir təşəbbüsə qarşı çıxmaqla  özünü gülünc duruma saldı. 

Nəticə nə oldu? Nəticədə Azərbaycan diplomatiyası, cənab Prezidentin uzaqgörən siyasəti qələbə çaldı. 130-dan artıq ölkə Azərbaycanı dəstəklədi. Hansı ki, bunun üçün 97 ölkənin səsi yetərli idi.  Bu bir daha  dünyada Azərbaycana olan münasibətin göstəricisi oldu. Azərbaycanın artan və möhkəmlənən mövqeyinin daha da  möhkəmlənməsinə xidmət etdi. Azərbaycan Prezidentinin dediyi kimi “bizim sözümüz imzamız qədər təsirlidir və bunun təsiri eynidir. Biz sözümüzü tutan ölkəyik”.

Ermənistan ksenofob, irqçi və faşist mahiyyətini ortaya qoymaqla özlərinin simalarını bir daha beynəlxalq aləmə nümayiş etdirdilər. Çünki bu ölkədə faşizm ideologiyası hökm sürür. Ermənistanda rejim dəyişə bilər, müxtəlif insanlar, siyasi qüvvələr hakimiyyətə gələ bilər,  amma bu ölkənin faşist ideologiyası dəyişməz olaraq qalır.  Ermənistanın bu faşist ideologiyasından daha çox özü əziyyət çəkməkdədir. Özləri-özlərini  beynəlxalq aləmdən təcrid etməkdədirlər. Necə ki, işğalçılıq siyasətindən daha çox uduzan Ermənistan oldusa, faşizm ideologiyasından da uduzan tərəf onlar olacaq. Əgər Ermənistanın  Azərbaycabn qarşı işğalçılıq siyasəti olmasaydı, bu gün belə acınacaqlı sosial-iqtisadi böhranla qarşılaşmayacqdılar. Odur ki, işğalçılıq, ksenofobiya, irqçilik, faşizm ideologiyası  Ermənistanı bir dövlət kimi məhvə sürükləyir. Nəticədə qazanan isə Azərbaycan olacaq”.

 Mürtəza
Ölkə.Az

ŞƏRH YAZ
0

Prezident Dövlət Agentliyinin səlahiyyətini azaltdı — FƏRMAN

Prezident Dövlət Agentliyinin səlahiyyətini azaltdı
15:48
09.07.2020
2441
Siyasət
A
Azərbaycan Avtomobil Yolları Dövlət Agentliyinin (AAYDA) Nizamnaməsinə dəyişiklik edilib.

"Ölkə.Az"ın məlumatına görə, bununla bağlı Prezident İlham Əliyev müvafiq fərman imzalayıb.

Bununla Prezidentin 2017-ci il 19 dekabr tarixli 1748 nömrəli fərmanı dəyişdirilib.

Yeni fərmana əsasən, Nizamnamənin 3.1.22-ci yarımbəndi ləğv edilib.

Nizamnamənin 3-cü maddəsi AAYDA-nın hüquq və vəzifələrini özündə ehtiva edir.

Sözügedən yarımbənddə isə göstərilirdi ki, Agentlik avtomobil yollarının, habelə körpülərin, tunellərin, digər yol qurğularının layihələndirilməsi, tikilməsi, idarə olunması, saxlanılması, qorunması, cari, orta və əsaslı təmiri, yenidən qurulması işlərinin yerinə yetirilməsi üçün lisenziya tələb olunduqda, həmin işləri lisenziya alınmadan yerinə yetirir.

Prezidentin fərmanı ilə isə Agentlik bundan sonra həmin səlahiyyətə malik olmayacaq.

ŞƏRH YAZ
0
BAĞLA