KORONAVİRUSA YOLUXANLARIN SAYI - CANLI STATİSTİKA

İlham Əliyev Paşinyanla 45 dəqiqə Qarabağı müzakirə edəcək

İlham Əliyev Paşinyanla 45 dəqiqə Qarabağı müzakirə edəcək
02:30
15.02.2020
1598
Siyasət
A
Azərbaycan Prezidenti İlham Əliyev və Ermənistanın baş naziri Nikol Paşinyan Almaniyada Münhen Təhlükəsizlik Konfransında Dağlıq Qarabağ münaqişəsini müzakirə edəcək.

Təşkilatın rəsmi saytı Qarabağla bağlı dəyirmi masanın baş tutacağı və tədbirdə hər iki ölkə liderinin iştirak edəcəyi barədə yazır.

Dəyirmi masa “Dağlıq Qarabağ münaqişəsində yeni inkişaf” adı daşıyır və fevralın 15-i saat 18:30-dan 19:15-ə qədər 45 dəqiqə davam edəcək. Dəyirmi masada moderator rolunda isə Rusiya-Amerika fondunun icraçı direktoru Selesta Vallander çıxış edəcək.

ŞƏRH YAZ
0

İlham Əliyevdən sahibkarlıq subyektləri üçün mühüm fərman — Kredit məbləği və müddət artırıldı

İlham Əliyevdən sahibkarlıq subyektləri üçün mühüm fərman
16:51
Bu gün
2434
Siyasət
A

Kənd Təsərrüfatı Nazirliyi yanında Aqrar Kredit və İnkişaf Agentliyinin vəsaiti hesabına sahibkarlıq subyektlərinə verilən güzəştli kreditlərin məbləği artırılıb.

"Ölkə.Az"ın məlumatına görə, bununla bağlı Prezident İlham Əliyev “Kənd təsərrüfatına dövlət dəstəyinin və aqrar sahədə lizinq fəaliyyətinin təkmilləşdirilməsi haqqında” 2018-ci il 19 dekabr tarixli 413 nömrəli fərmanına dəyişiklik edib.

Ölkə başçısının imzaladığı fərmanla həmçinin aqrar sahənin maliyyələşməsinin stimullaşdırılması ilə bağlı bir sıra məsələlər də öz əksini tapıb.

Sənədin 5.1.1-ci yarımbəndinə edilən dəyişiklikdə bildirilir ki, Agentliyin vəsaiti hesabına sahibkarlıq subyektlərinə 5000 manatadək mikrokreditər verilə bilər.

Dövlət başçısının yeni fərmanı ilə bu rəqəm 15000 manatadək qaldırılıb.

Kiçikhəcmli kreditlərin də məbləği artırılıb. Sənədin əvvəlki variantında yazırlırdı ki, 5001 manatdan 30000 manatadək kiçikhəcmli kreditlər verilə bilər. Yeni fərmanla isə 5001 rəqəmi 15001 rəqəmi ilə əvəzlənib.

Bununla yanaşı, sahibkarlar üçün güzəştli kreditlərin müddəti üç ilədək müəyyən olunub. Əvvəlki sənəddə bu müddət iki ilədək nəzərdə tutulurdu.

ŞƏRH YAZ
0

Prezidentdən fərman — Bu kreditlərə təminat veriləcək

Prezidentdən fərman
16:34
Bu gün
3524
Siyasət
A

“Azərbaycan Respublikasının Kənd Təsərrüfatı Nazirliyi yanında Aqrar Kredit və İnkişaf Agentliyi haqqında Əsasnamə”yə dəyişiklik edilib.

"Ölkə.Az"ın məlumatına görə, bununla bağlı Prezident İlham Əliyev fərman imzalayıb.

Sənədin 1.1-ci bəndinə “güzəştli kreditlərin” sözlərindən sonra “, təminatların” sözü əlavə edilib.

Həmin bənddə yazılırdı ki, Kənd Təsərrüfatı Nazirliyi yanında Aqrar Kredit və İnkişaf Agentliyi bu Əsasnaməyə uyğun olaraq, kənd təsərrüfatına dəstək layihələrinin həyata keçirilməsi, kənd təsərrüfatı istehsal vasitələrinə güzəştlər verilməsi, regionların aqrar inkişafına investisiyaların cəlb edilməsi, güzəştli kreditlərin verilməsi və innovasiyaların tətbiqi sahəsində fəaliyyət göstərən icra hakimiyyəti orqanıdır.

Bundan sonra isə Agentlik müvafiq sahədə təminatlar da verəcək.

Sənədin 2.0.3-cü yarımbəndinə isə “kreditlər” sözündən sonra “və həmin kreditlərə təminat” sözləri əlavə olunub.

Sənədin əvvəlki variantında qeyd olunurdu ki, aqrar sahədə innovativ metodları və qabaqcıl təcrübəni təşviq etmək, sahibkarlıq təşəbbüslərinin dəstəklənməsi üçün müvəkkil banklar, bank olmayan kredit təşkilatları və lizinq təşkilatları vasitəsilə kreditlər vermək Agentliyin fəaliyyət istiqamətidir.

Prezidentin fərmanı ilə edilən dəyişikliyə əsasən isə, 2.0.3 yarımbəndində nəzərdə tutulan kreditlərə təminat da verilməsi vurğulanıb.

Sənədə aşağıdakı məzmunda 3.0.1-1-ci yarımbənd əlavə edilib:

“Aqrar sahədə sahibkarlıq fəaliyyəti ilə məşğul olan fiziki və hüquqi şəxslərin, ailə-kəndli təsərrüfatlarının müvəkkil kredit təşkilatları vasitəsilə aldıqları mikrokreditlər üzrə risklərə qismən təminat verilməsini təmin etmək”.

ŞƏRH YAZ
0
BAĞLA