İlham Əliyev Putinlə görüşəcək

İlham Əliyev Putinlə görüşəcək
13:00
13.06.2018
4760
Siyasət
A
Azərbaycan prezidenti İlham Əliyev Rusiyanın paytaxtı Moskva şəhərindədir.

“Ölkə.Az” xəbər verir ki, İlham Əliyev Rusiya prezidenti Vladimir Putinlə görüşəcək. Bu barədə Rusiya prezidentinin mətbuat katibi Dmitri Peskov məlumat verib.

“Putin bu gün bir sıra dövlət və hökumət başçıları ilə görüşəcək. Bu rəsmi şəxslər Moskvaya Dünya Çempionatının açılış mərasimi üçün təşrif buyurublar.

Əsasən bu gün Putinin Azərbaycan prezidenti İlham Əliyevlə görüşü gözlənilir. İlham Əliyevdən başqa Putin Ruanda, Boliyiva prezidentləri, Livanın və Ermənistanın baş nazirlərini də qəbul edəcək”, - deyə Peskov bildirib.

Hikmət Həsənov
Ölkə.Az

ŞƏRH YAZ
0

Səfir: Azərbaycan və Çin üçüncü ölkələrdə birgə müəssisələr yarada bilərlər

Səfir: Azərbaycan və Çin üçüncü ölkələrdə birgə müəssisələr yarada bilərlər
09:17
19.08.2018
1002
Siyasət
A
Çin tərəfi üçüncü ölkələrdə Azərbaycanla birgə müəssisələrin yaradılması imkanlarını dəstəkləyir.

"Ölkə.Az" xəbər verir ki, bunu Trend-ə müsahibəsində Çinin Azərbaycandakı səfiri Vey Tszinhua deyib.

Səfir bildirib ki, 2015-ci ildə Çin hökuməti “üçüncü ölkə bazarlarında beynəlxalq əməkdaşlıq” modelini işə salıb:

“Bu model Çinin istehsalat gücünü, inkişaf etmiş ölkələrin qabaqcıl texnologiyalarını və inkişaf etməkdə olan ölkələrin tələbatını səmərəli şəkildə əlaqələndirir. Son iki il ərzində bu əməkdaşlıq modeli beynəlxalq arenada müsbət rəy alıb”.

V.Tszinhuanın sözlərinə görə, Çinlə Azərbaycan arasında qarşılıqlı səmərəli əməkdaşlıq var və bu əməkdaşlıq böyük potensiala malikdir:

“Dünya iqtisadiyyatında artım tempinin azalmasına baxmayaraq, ölkələrimiz arasında ticarətin həcmi ötən il rekord səviyyəyə çatdı. İlin birinci yarısında Çin Azərbaycanın yeddi əsas ticarət tərəfdaşından biri oldu. Ölkələrimiz arasında əməkdaşlıq əsasən nəqliyyat, kommunikasiya, kənd təsərrüfatı, tikinti materialları istehsalı, maşınqayırma, yüngül sənaye kimi sahələrdə genişlənir”.

Səfir xatırladıb ki, hazırda 20-dən çox Çin müəssisəsi Azərbaycanda neft-qaz, tikinti, aviasiya, logistika və digər sahələrdə sahibkarlıq fəaliyyəti həyata keçirir.

Ölkə.Az

ŞƏRH YAZ
0

Azərbaycan Prezidenti Pakistanın yeni Baş nazirini təbrik edib

Azərbaycan Prezidenti Pakistanın yeni Baş nazirini təbrik edib
23:03
18.08.2018
1210
Siyasət
A
Azərbaycan Prezidenti İlham Əliyev Pakistanın yeni Baş naziri İmran Xana təbrik məktubu ünvanlayıb.

"Ölkə.Az"ın məlumatına görə, təbrikdə deyilir: "Hörmətli cənab Baş nazir, Pakistan İslam Respublikasının Baş naziri vəzifəsinə seçilməyiniz münasibətilə Sizi ürəkdən təbrik edirəm.

Azərbaycan ilə Pakistanı dost və qardaş xalqlarımızın iradəsindən qaynaqlanan strateji tərəfdaşlıq və müttəfiqlik münasibətləri birləşdirir. Ümidvaram ki, qarşılıqlı inam, etimad və dəstəyə əsaslanan əməkdaşlığımız bundan sonra da müvəffəqiyyətlə inkişaf edəcək və möhkəmlənəcəkdir.

Sizə möhkəm cansağlığı, xoşbəxtlik, qardaş Pakistan xalqının rifahı naminə qarşıdakı fəaliyyətinizdə uğurlar diləyirəm".

Ölkə.Az

ŞƏRH YAZ
1
BAĞLA