İlham Əliyev Rusiya Günü münasibətilə Putini təbrik etdi — YENİLƏNİB

İlham Əliyev Rusiya Günü münasibətilə Putini təbrik etdi
17:14
13.06.2018
9108
Siyasət
A
Moskvada Azərbaycan Respublikasının Prezidenti İlham Əliyevin və Rusiya Federasiyasının Prezidenti Vladimir Putinin görüşü olub.

"Ölkə.Az" xəbər verir ki, dövlət başçıları görüşdə çıxış ediblər.

Rusiya Prezidenti Vladimir Putun dövlətimizin başçısını salamlayaraq deyib:

- Hörmətli İlham Heydər oğlu, Sizi görməyimə çox şadam. Xoş gəlmisiniz.

Ümidvaram ki, Moskvada vaxtınızı səmərəli və maraqlı keçirəcəksiniz. Ona görə maraqlı keçirəcəksiniz ki, oyun gözəl olacaq. Ona görə səmərəli keçirəcəksiniz ki, çoxsaylı ölkələrdən çoxlu həmkarlarımız gəlib, hamı ilə söhbət etmək, görüşmək, kiminləsə tanış olmaq imkanı var. MDB üzrə ən yaxın həmkarlarımızla cari məsələlər barəsində informasiya mübadiləsi aparmaq da mümkün olacaq.

Bizim ikitərəfli münasibətlərimizə gəldikdə isə, avqustun 30-da Sizin Rusiyaya səfərinizin gedişində həmin münasibətləri hərtərəfli və dərindən müzakirə edəcək, bununla məşğul olacağıq. O vaxta qədər isə həmkarlarımız işləyəcək və Sizin Rusiyaya səfərinizi hazırlayacaqlar.

Lakin artıq indidən demək olar ki, bizim münasibətlərimiz inkişaf edir, özü də çox uğurla inkişaf edir. Ötən il ərzində bizdə əmtəə dövriyyəsinin artımı 34,4 faiz, bu ilin birinci rübü ərzində isə daha 19 faizə yaxın olub. Yəni, bu, çox yaxşı artım tempidir və biz bunu dəstəkləməliyik.

Siyasi məsələlərə gəlincə, burada da vəziyyət sabitdir. Parlamentlərin, ictimai təşkilatların xətti ilə daim əlaqə saxlanılır, humanitar əlaqələr inkişaf edir.

Sizi görməyimə çox şadam. Xoş gəlmisiniz!

***

 "DÇ-2018 dünyanın əsas idman hadisəsidir".

"Ölkə.Az" "Report"a istinadən xəbər verir ki, bunu Azərbaycan Prezidenti İlham Əliyev Kremldə Rusiya prezidenti Vladimir Putinlə görüşündə deyib.

İlham Əliyev iyunun 12-də qeyd olunan Rusiya Günü və dünya çempionatına hazırlıqların uğurla tamamlanması münasibətilə Putini təbrik edib.

"Çempionatın uğurlu olacağına əminəm. Bütün qonaqlar razı qalacaqlar", - Azərbaycan Prezidenti qeyd edib.

ŞƏRH YAZ
0

Azay Quliyev: “Dağlıq Qarabağda cinayət törətmiş ermənilər cəzalandırılmalıdır”

Azay Quliyev: “Dağlıq Qarabağda cinayət törətmiş ermənilər cəzalandırılmalıdır”
18:27
Bu gün
789
Siyasət
A
"Dağlıq Qarabağ ərazisində, o cümlədən Xocalıda azərbaycanlılara qarşı beynəlxalq cinayət törətmiş 305-dən çox erməni millətçisinin cinayət əməlləri haqqında Baş Prokurorluq, Daxili İşlər nazirliyi, Dövlət Təhlükəsizlik Xidməti və digər aidiyyatı qurumlar tərəfindən kifayət qədər dəlil və sübutlar toplanılıb və Baş Prokurorluq tərəfindən onlar haqqında cinayət işi açılıb. Baş Prokurorluq tərəfindən indiyə kimi 7500-dən çox istintaq fəaliyyəti həyata keçirilib və cinayət törətmiş bir çox şəxslər haqqında İnterpolda axtarış elan edilib. Lakin təəssüflər olsun ki, biz hələ də bu caniləri tapıb cinayət məsuliyyətinə cəlb edə bilmirik".

"Ölkə.Az" xəbər verir ki, bu fikirləri Milli Məclisin deputatı, ATƏT Parlament Assambleyasının vitse-prezidenti Azay Quliyev Kiyevdə Qlobal Təşəbbüsləri Dəstəkləyən Parlamentarilər Təşkilatının 40-cı illik Forumu və Beynəlxalq Cinayət Məhkəməsi və Qanunun Aliliyinə dair Parlamentarilərin 10-cu Konsultativ Assambleyasında “Beynəlxalq cinayətlərin milli və beynəlxalq səviyyədə qarşısının alınması: çağırışlar və imkanlar” mövzusuna həsr edilmiş paneldə çıxışı zamanı bildirib. 

A.Quliyev beynəlxalq cinayət törətmiş şəxslərin cəzalandırılması üçün BMT Təhlükəsizlik Şurasını təsirli addımlar atmağa çağırıb:

“Dünən keçirilən müzakirələr zamanı “Ermənistan-Azərbaycan Dağlıq Qarabağ münaqişəsi” üzrə ayrıca Tribunalın yaradılması haqqında təklif səsləndirdim. Hesab edirəm ki, beynəlxalq cinayət törətmiş şəxslərin cəzalandırılması və belə bir tribunalın yaradılması üçün BMT Təhlükəsizlik Şurası təsirli addımlar ata bilər. Cəzasızlıq isə yeni cinayətlərə yol açır”.

Deputat çıxışında Ermənistanın ölkəmizə qarşı yürütdüyü işğalçılıq siyasəti haqqında tədbir iştirakçılarına ətraflı məlumat verib:

"Beynəlxalq cinayətlər törətmiş şəxslərin cəzalandırılması Azərbaycan üçün olduqca mühüm əhəmiyyət kəsb edir. Çünki Azərbaycanın Dağlıq Qarabağ bölgəsində baş verən hadisələr yalnız ölkəmizin ərazisinin işğalı ilə deyil, həm də soyqırımı cinayəti, insanlığa qarşı hərbi cinayətin törədilməsi ilə nəticələnib".

Vasif Həsənli
Ölkə.Az

ŞƏRH YAZ
0

DGK-nın kollegiyasının yeni tərkibi təsdiqləndi — SİYAHI

DGK-nın kollegiyasının yeni tərkibi təsdiqləndi
17:28
Bu gün
707
Siyasət
A
Prezident İlham Əliyev “Azərbaycan Respublikası Dövlət Gömrük Komitəsi kollegiyasının tərkibinin təsdiq edilməsi haqqında” Azərbaycan Respublikası Prezidentinin 1995-ci il 1 may tarixli 170 nömrəli sərəncamında dəyişiklik edilməsi barədə Sərəncam imzalayıb.

"Ölkə.Az" xəbər verir ki, sərəncama görə, Dövlət Gömrük Komitəsinin kollegiyası aşağıdakı tərkibdə təsdiq edilib:

Kollegiyanın sədri: 

Dövlət Gömrük Komitəsinin sədri;

Kollegiyanın üzvləri: 

Dövlət Gömrük Komitəsi sədrinin birinci müavini;
Dövlət Gömrük Komitəsi sədrinin müavinləri;
Dövlət Gömrük Komitəsi Aparatının baş idarə rəisləri;
Dövlət Gömrük Komitəsi Aparatının İnsan Resursları idarəsinin rəisi;
Dövlət Gömrük Komitəsi Aparatının Hüquqi təminat idarəsinin rəisi;
Naxçıvan Muxtar Respublikası Dövlət Gömrük Komitəsinin sədri;
Hava Nəqliyyatında Baş Gömrük İdarəsinin rəisi;
Bakı Baş Gömrük İdarəsinin rəisi;
Sumqayıt Baş Gömrük İdarəsinin rəisi.

Sərəncam imzalandığı gündən qüvvəyə minir.

ŞƏRH YAZ
0
BAĞLA