İlham Əliyev Rusiya nümayəndə heyətini qəbul etdi — YENİLƏNİB

İlham Əliyev Rusiya nümayəndə heyətini qəbul etdi
18:48
09.10.2019
5701
Hadisə
A
Oktyabrın 9-da Azərbaycan Respublikasının Prezidenti İlham Əliyev Bakıdakı Rus Kitab Evinin 10 illiyi münasibətilə ölkəmizdə səfərdə olan Rusiya nümayəndə heyətini qəbul edib.

"Ölkə.Az" xəbər verir ki, qonaqları salamlayan Prezident İlham Əliyev deyib:

- Sizi yenidən görməyimə şadam.

Rusiya Dövlət Dumasının MDB, Avrasiya inteqrasiyası işləri üzrə və həmvətənlərlə əlaqələr komitəsinin sədri Leonid Kalaşnikov deyib:

- Buraya gələndə elə bil, öz evimizə gəlirik.

Prezident İlham Əliyev: Düzdür, belə də olmalıdır. Buyurun, əyləşin. Mən sizi görməyimə çox şadam. Siz bizə çox əlamətdar vaxtda gəlmisiniz. Mənim də Rusiyaya səfərim yenicə başa çatıb. Tezliklə də MDB sammiti başlayacaq.

Leonid Kalaşnikov: İlham Heydər oğlu, Sizin səfəriniz Rusiyada çox böyük effekt doğurdu. Sizə açığını deyim ki, çox səmimi görüş oldu. Bütün bunlar göstərildi.

Prezident İlham Əliyev: Heç kəs üçün sirr deyil ki, mənim Vladimir Vladimiroviçlə əslində qarşılıqlı hörmətə, qarşılıqlı anlaşmaya və əməkdaşlığı dərinləşdirmək cəhdlərinə əsaslanan, mötəbər, mən deyərdim ki, dost münasibətlərimiz mövcuddur. Əlbəttə, “Valday” forumuna dəvət olunmaq mənim üçün böyük şərəfdir. Forum özü də əhəmiyyətlidir, kimin dəvət etməsi də mühümdür. Vladimir Vladimiroviç məni hələ apreldə, bizim Pekində görüşümüz vaxtı dəvət etmişdi. Onda biz çox konstruktiv danışıqlar apardıq və indi Soçidə biz bir növ bu danışıqlarımıza yekun vururduq. Nə barədə razılaşırıqsa hamısı yerinə yetirilir. Əlbəttə, Prezidentlə görüş çox məzmunlu, səmimi keçdi. Mən buna çox şadam.

Rusiya Dövlət Dumasının komitə sədri Leonid Kalaşnikov Prezident İlham Əliyevin “Valday” Beynəlxalq Diskussiya Klubundakı çıxışının diqqətlə izlənildiyini və bu çıxışın böyük təəssüratlar doğurduğunu diqqətə çatdırıb. O, bu səfər çərçivəsində Azərbaycanda fəaliyyət göstərən Rus Kitab Evinin 10 illiyinin qeyd olunacağını bildirib və bu Kitab Evinin fəaliyyətinə göstərilən dəstəyə görə Azərbaycan tərəfinə minnətdarlığını ifadə edib.

Qonaq həmçinin Azərbaycanda dövlət səviyyəsində rus dilinə olan qayğının nümunəvi xarakter daşıdığını qeyd edib. Azərbaycanda 350-dən artıq orta məktəbdə tədrisin rus dilində aparıldığını və ali təhsil müəssisələrində rus bölmələrinin fəaliyyət göstərdiyini məmnunluqla vurğulayıb.

Leonid Kalaşnikov həmçinin Azərbaycanın və Rusiyanın parlamentləri arasında çox sıx əlaqələrin olduğunu qeyd edib və Rusiyanın Avropa Şurasının Parlament Assambleyasında üzvlüyünün bərpasında Azərbaycan nümayəndə heyətinin göstərdiyi dəstəyin yüksək qiymətləndirildiyini bildirib.

Görüşdə Rusiya və Azərbaycan arasında elm, təhsil və digər humanitar sahələrdə əməkdaşlığın inkişaf perspektivlərinə dair fikir mübadiləsi aparılıb.

ŞƏRH YAZ
0

Abşeronda 25 yaşlı qadını evində öldürdülər

Abşeronda 25 yaşlı qadını evində öldürdülər
01:00
Bu gün
529
Hadisə
A
Abşeron rayonunda qətl hadisəsi baş verib.

"Ölkə.Az" xəbər verir ki, hadisə rayonun Qobu qəsəbəsində baş verib. Qəsəbədəki evlərin 25 yaşlı Verdiyeva Firuzə Kamandar qızının meyiti aşkarlanıb. Hadisə yerinə gələn polis əməkdaşları tərəfindən meyitə baxış zamanı onun bıçaqlanaraq öldürüldüyü məlum olub.

Faktla bağlı araşdırma aparılır.

Natiq Allahverdiyev
Ölkə.Az

 

ŞƏRH YAZ
0

Gecəyarısı iştaha gələn tələbə özünü qana boyadı

Gecəyarısı iştaha gələn tələbə özünü qana boyadı
23:54
05.12.2019
717
Hadisə
A
Yasamal Rayon Polis İdarəsində Şri-Lanka vətəndaşının qarın nahiyəsindən bıçaq xəsarətləri alması faktı araşdırılır.

"Ölkə.Az" bildirir ki, bu haqda oxu.az-a hüquq-mühafizə orqanlarından məlumat verilib.

4 dekabr 03:00 radələrində 1 nömrəli Klinik Tibb Mərkəzinə Mirzə Ağa Əliyev küçəsində yaşayan 1996-cı il təvəllüdlü Xəzər universitetinin 1-ci kurs tələbəsi ağır vəziyyətdə daxil olub.

Dindirilmə zamanı gənc oğlan bildirib ki, xəsarət almasına səbəb quş ətini doğrayarkən bıçaqdan ehtiyatsız davranması olub. Gecəyarısı iştaha gələn əcnəbi tələbə özünə toyuq ətindən yemək bişirmək həvəsinə düşüb.

Hüquq-mühafizə orqanlarından bildirilib ki, bu zamana qədər olan araşdırmalar tələbənin doğru ifadə verdiyini təsdiqləyir. 

İstintaq davam etdirilir.

ŞƏRH YAZ
0
BAĞLA