İlham Əliyev Türkmənistanın yeni səfirinin etimadnaməsini qəbul etdi — YENİLƏNİB

İlham Əliyev Türkmənistanın yeni səfirinin etimadnaməsini qəbul etdi
18:58
13.07.2017
151
Siyasət
A
Azərbaycan prezidenti İlham Əliyev Türkmənistanın ölkəmizdə yeni təyin olunmuş səfiri Mekan İşanquliyevin etimadnaməsini qəbul edib.

Səfir Mekan İşanquliyev fəxri qarovul dəstəsinin qarşısından keçib.
 
M. İşanquliyev etimadnaməsini prezident İlham Əliyevə təqdim edib. Sonra Azərbaycan prezidenti İlham Əliyev səfirlə söhbət edib.
 
Dövlət başçısı qardaş türkmən və Azərbaycan xalqlarının əsrlərdən bəri dostluq və əməkdaşlıq etdiklərini vurğulayıb. Prezident İlham Əliyev bu gün müstəqil Azərbaycanın və Türkmənistanın dövlətlərarası əlaqələri fəal şəkildə möhkəmləndirdiklərini bildirib. Dövlət başçısı qeyd edib ki, Azərbaycan tərəfi əlaqələrimizin siyasi, iqtisadi, nəqliyyat, humanitar və digər sahələrdə möhkəmləndirilməsində maraqlıdır: “Hazırda ikitərəfli münasibətlərimiz uğurla inkişaf edir və nümunəvi xarakter daşıyır”.
 
Prezident İlham Əliyev səfirə fəaliyyətində uğurlar arzulayıb və ümidvar olduğunu bildirib ki, Mekan İşanquliyev diplomatik fəaliyyəti dövründə ölkələrimizin bir-birinə daha da yaxınlaşması və əlaqələrin bütün istiqamətlərdə inkişafı işinə öz töhfəsini verəcək.
 
Səfir Mekan İşanquliyev prezident İlham Əliyevə Türkmənistan prezidenti Qurbanqulu Berdiməhəmmədovun salamlarını çatdırıb. O, səfir təyin olunduğu vəzifədə qardaş ölkələrimiz və xalqlarımız arasında əlaqələrin daha da genişləndirilməsi və gücləndirilməsi üçün səylərini əsirgəməyəcəyini bildirib. Xalqlarımız arasında tarixən mehriban qonşuluq əlaqələrinin mövcud olduğunu deyən Mekan İşanquliyev siyasi, iqtisadi, diplomatik, ticarət və mədəni sahələrdə əməkdaşlığımızın möhkəmləndirilməsi üçün bütün lazımi potensialın olduğunu vurğulayıb. Səfir qeyd edib ki, nəqliyyat sahəsi əməkdaşlığımızın əsas istiqamətidir. Ölkələrimizin coğrafi yerləşməsinin bu işə xidmət etdiyini deyən səfir bildirib ki, tarixən ticarət yolları bizim ölkələrimizdən keçib.
 
Mekan İşanquliyev ölkələrimizin müvafiq qurumları arasında beynəlxalq əməkdaşlıq məsələlərinin fəal müzakirə olunduğunu bildirib. Səfir vurğulayıb ki, əməkdaşlığın fəallaşdırılması üçün əsas amil Türkmənistan və Azərbaycan prezidentləri arasında keçirilən görüşlərdir. Sentyabrın 17-də Türkmənistanda Asiya Oyunlarının açılacağını deyən səfir Türkmənistan prezidentinin və xalqının Azərbaycan prezidenti İlham Əliyevin həmin tədbirdə iştirakını səbirsizliklə gözlədiklərini deyib.
 
Prezident İlham Əliyev ölkələrimiz arasında münasibətlərin fəal inkişaf etdiyini deyərək, yüksək səviyyədə görüşlərin əlaqələrimizin möhkəmləndirilməsində önəmini qeyd edib və bildirib ki, ölkələrimizin müvafiq qurumları, o cümlədən dövlət və özəl şirkətlər arasında da əməkdaşlıq əlaqələrin bu səviyyəsinə uyğun olmalıdır. Dövlət başçısı Türkmənistanda Asiya Oyunlarının keçirilməsi münasibətilə təbriklərini çatdırıb.
 
Prezident İlham Əliyev səfirə gələcək fəaliyyətində uğurlar arzulayıb. Dövlət başçısı Türkmənistan prezidentinin salamlarına görə minnətdarlığını bildirib, onun da salamlarını Qurbanqulu Berdiməhəmmədova çatdırmağı xahiş edib.

***

Azərbaycan Respublikasının Prezidenti İlham Əliyev iyulun 13-də Türkmənistanın ölkəmizdə yeni təyin olunmuş səfiri Mekan İşanquliyevin etimadnaməsini qəbul edib.

"Ölkə.Az"ın xəbərinə görə, bu barədə Azərbaycan Respublikası Prezidentinin Mətbuat xidməti məlumat yayıb.

ŞƏRH YAZ
0

Milli Məclisin gündəliyi açıqlandı — 19 MƏSƏLƏ

Milli Məclisin gündəliyi açıqlandı
15:55
Bu gün
128
Siyasət
A
Milli Məclisin aprelin 24-də keçiriləcək plenar iclasının gündəliyi açıqlanıb.

Milli Məclisin mətbuat xidmətinin rəhbəri Akif Təvəkküloğlu “Ölkə.Az”a açıqlamasında bildirib ki, iclasın gündəliyinə 19 məsələnin müzakirəsi daxil edilib.
Onun sözlərinə görə, iclasda Azərbaycanın İnsan hüquqları üzrə müvəkkilinin (ombudsman) illik məruzəsi müzakirəyə çıxarılacaq:

“Bundan əlavə, iclasda “Naxçıvan Muxtar Respublikasının Konstitusiyasında dəyişikliklərin təsdiq edilməsi haqqında” Konstitusiya qanunu (ikinci səsvermə), “Peşə təhsili haqqında”, qanunun layihəsi (üçüncü oxunuş), “Azərbaycan Ədliyyəsinin 100 illiyi (1918-2018)” Azərbaycan yubiley medalının təsis edilməsi ilə əlaqədar “Azərbaycan Respublikasının orden və medallarının təsis edilməsi haqqında” qanunda dəyişiklik edilməsi barədə qanun layihələri İnzibati Xətalar Cinayət və Vergi Məcəllərinə dəyişiklik edilməsi, “Dövlət qulluğu haqqında”, “Əmək pensiyaları”, “Dövlət sosial sığorta sistemində fərdi uçot haqqında”, “İcra haqqında”, “Könüllü fəaliyyət haqqında”, “Sosial müavinətlər haqqında”, “Sosial sığorta haqqında”, “Ünvanlı dövlət sosial yardımı haqqında”, “valideynlərini itirmiş və valideyn himayəsindən məhrum olmuş uşaqların sosial müdafiəsi haqqında”, “Azərbaycan Respublikasında vətəndaşların pul gəlirlərinin və əmanətlərinin indeksləşdirilməsi haqqında” və “Məşğulluq haqqında” qanun layihələri müzakirəyə çıxarılması nəzərdə tutulur”.

Vasif Həsənli
Ölkə.Az

ŞƏRH YAZ
0

Deputat: “Aprel döyüşləri Serj Sarkisyanın hakimiyyətini laxladıb”

Deputat: “Aprel döyüşləri Serj Sarkisyanın hakimiyyətini laxladıb”
15:45
Bu gün
279
Siyasət
A
“Ermənistanda hər an vətənfaş müharibəsi başlaya bilər. Ancaq Ermənistanı himayə edən dövlətlər buna imkan verməz”.

Bu fikirləri “Ölkə.Az”a açıqlamasında Milli Məclisin deputatı, professor Fəzail İbrahimli bildirib. 

F.İbrahimli deyib ki, Ermənistan müstəqil siyasət yürütmək səlahiyyətlərinə malik deyil:
“Bu gün Ermənistan siyasi baxımdan da özəlləşdirilib. Özəlləşdirilmiş “Ermənistan” adlı kupçanın sahibləri heç zaman imkan verməz ki, bu ölkədə vətəndaş müharibəsi baş versin. Əgər bu təhlükə yaranarsa, o zaman hansısa hakimiyyət rəhbərləri qurban verilə bilər. Amma imkan verilməz ki, vətəndaş müharibəsi baş versin. Hətta, düşünürəm ki, Serj Sarkisyan havadarı olan dövlətə qarşı haradasa səhvə yol verdiyi üçün bu cür mitinqlər keçirilir. Yəni, İrəvanda keçirilən etiraz aksiyaları ilə Serj Sarkisyana təzyiq edilir, “ağıllı ol, biz nə deyiriksə, onu da et!” mesajı verilir”.

Deputat qeyd edib ki, 2016-ci ildə baş verən aprel döyüşləri zamanı Azərbaycan Ordusunun qələbəsi Serj Sakisyan hakimiyyətini laxladıb:
“2016-cı ilin aprel döyüşlərinə qədər Serj Sarkisyan hakimiyyətinin əsas biləyi Dağlıq Qarabağ məsələsi idi. Həmin vaxta qədər Serj Sarkisyan taxt-tacında oturub qəhrəman obrazı yaratmışdı, erməni xalqına vəd verirdi ki, Azərbaycan ordusu Qarabağı azad edə bilməz, heç bir ərazini geri qayatara bilməz və sairə. Ancaq 2016-cı ilin aprel döyüşləri zamanı Azərbaycan ordusu Serj Sarkisyan hakimiyyətinin yaratdığı həmin mifi darmadağın etdi, onun tez-tez istifadə etdiyi biləyi kəsdi və bununla erməni xalqı başa düşdü ki, bu torpaqların sahibi onlar deyil. Halbuki, 2016-cı ilin aprelinədək Serj Sarkisyan erməni xalqını tam arxayın etmişdi ki, Azərbaycanın bu torpaqları azad etməyə hərbi cəhətdən gücü, qüdrəti çatmaz və sairə. Yəni, bu kimi müxtəlif fikirlər uydururdu. Ancaq aprel döyüşləri ilə Serj Sarkisyanın hakimiyyəti laxladı, Qarabağa köçüb getmək istəyən ermənilərin ruhu qırıldı, xalqda Sarkisyana qarşı etiraz dalğası yarandı. II dünya müharibəsi zamanı Moskva döyüşlərinə qədər Hitlerin də məğlubedilməz olması ilə bağlı əfsanə gəzirdi. Moskva ətrafında gedən döyüşlər göstərdi ki, alman faşist ordusu və Hitler məğlub ola bilirmiş. Həmin məğlubiyyət də bütövlükdə Hitlerin II dünya müharibəsini uduzmasına səbəb oldu. 2016-cı ilin aprel döyüşləri zamanı erməni ordusunun məğlubiyyəti də Serj Sarkisyanın siyasi karyerasına çox böyük zərbə vurub. Bununla həm də erməni xalqı anladı ki, Azərbaycan hakimiyyəti bu torpaqları tam azad edənə qədər mübarizə aparacaq. Eyni zamanda Azərbaycanda Vətən, torpaq məsələsi gələndə hər kəs müxalifətindən tutmuş iqtidarına qədər birləşir. Bu da Ermənistanda böyük vahimə yaradıb”.

Vasif Həsənli
Ölkə.Az

ŞƏRH YAZ
0
BAĞLA