İlham Əliyev və Serj Sarkisyan gələn həftə görüşəcək

İlham Əliyev və Serj Sarkisyan gələn həftə görüşəcək
23:08
12.10.2017
454
Siyasət
A
Azərbaycan prezidenti İlham Əliyev və Ermənistan prezidenti Serj Sarkisyan gələn həftə Cenevrədə görüşəcək.

“Ölkə.Az” xəbər verir ki, bu barədə Ermənistan Respublika Partiyasının iclası zamanı deputatı Armen Aşotyan bildirib. Onun sözlərinə görə, əsas müzakirə Dağlıq Qarabağ münaqişəsinin həlli yolları barədə olacaq.

“Ermənistanın Dağlıq Qarabağ problemi ilə bağlı mövqeyi bəllidir. İnanırıq ki, Azərbaycan tərəfi də bu məsələdə mühüm addımlar atacaq”, - deyə A.Aşotyan bildirib.

Prezidentlərin görüşü ilə əlaqədar Ermənistan xarici işlər nazirinin müavini Şavarş Köçəryan da açıqlama verib. O, açıqlamasında Ermənistanın bu görüşdən çox böyük nəticələr gözlədiyini deyib. Onun sözlərinə görə, Sarkisyan bu görüşə mütləq qatılacaq.

Ziya Səccad
Ölkə.Az

ŞƏRH YAZ
0

“Qarabağ” futbol klubunun rəmzi mənası — Fransa mətbuatı yazır

“Qarabağ” futbol klubunun rəmzi mənası
20:30
Bu gün
1023
Siyasət
A
Fransanın www.ouest-france.fr portalında “30 minlik əhalisi olan Ağdam kabus şəhərə çevrilib” sərlövhəli məqalə dərc edilib.

"Ölkə.Az" AzərTac-a istinadən xəbər verir ki, məqalədə UEFA Avropa Liqasında mübarizə aparan Ağdamın “Qarabağ” futbol klubu haqqında ətraflı məlumat verilib.

Müəllif klubun doğma şəhəri Ağdamla bağlı maraqlı məqamlara toxunaraq, onun işğal altında olduğunu bildirib. Ermənistan-Azərbaycan, Dağlıq Qarabağ münaqişəsindən bəhs edən müəllif Ağdam şəhərinin strateji əhəmiyyətindən söz açıb. O, Ağdamın buradakı binaların rənginə görə hələ XVIII əsrdə “ağ şəhər” adlandırıldığını yazıb. Ağdamın qədim muzeylərinə dair ətraflı məlumatın verildiyi yazıda müharibə nəticəsində xarabazarlığa çevrilmiş şəhərin “Qafqazın Xirosiması” olduğu diqqətə çatdırılıb.

Ötən il Azərbaycan futbolunun tarixində ilk dəfə UEFA Çempionlar Liqasının qrup mərhələsində çıxış edən “Qarabağ” klubunun bu il avrokuboklarda mübarizəyə əzmkarlıqla başlaması komandanı yenidən qitənin idman mətbuatının diqqət mərkəzinə çevirib. Bu məqamın xüsusi vurğulandığı yazıda klubun 1993-cü ildən etibarən ev oyunlarını doğma şəhərində keçirə bilməməsi qeyd edilib, Ağdamın “kabus şəhəri”n təmsilçisi olduğu diqqətə çatdırılıb.

Ölkə.Az

ŞƏRH YAZ
0

İlham Əliyev Misirin prezidentini təbrik etdi

İlham Əliyev Misirin prezidentini təbrik etdi
16:33
Bu gün
1199
Siyasət
A
İlham Əliyev Misirin prezidenti Əbdülfəttah əs-Sisiyə təbrik edib.

"Ölkə.Az"ın məlumatına görə, təbrikdə deyilir:

 "Misir Ərəb Respublikasının milli bayramı – İnqilab Günü münasibətilə Sizi və bütün xalqınızı öz adımdan və Azərbaycan xalqı adından ürəkdən təbrik edirəm.

İnanıram ki, Azərbaycan ilə Misir arasındakı ənənəvi dostluq və əməkdaşlıq münasibətlərinin inkişafı və daha da möhkəmləndirilməsi yolunda səylərimizi bundan sonra da müvəffəqiyyətlə davam etdirəcəyik.

Bu əlamətdar gündə Sizə möhkəm cansağlığı, işlərinizdə uğurlar, dost Misir xalqına əmin-amanlıq və rifah arzulayıram".

ŞƏRH YAZ
0
BAĞLA