İlham Əliyevdən sərt reaksiya

İlham Əliyevdən sərt reaksiya
17:19
15.04.2017
160
Siyasət
A
Azərbaycan prezidenti İlham Əliyevin göstərişi ilə Yasamal rayonu, Mətbuat prospektində yerləşən “Ovçular evi” ərazisində yaşayış binasının tikintisi dayandırılıb.

"Ölkə.Az"-ın xəbərinə görə, buna səbəb tikinti aparan şirkət tərəfindən ərazidəki 54 ağacın qanunsuz olaraq kəsilməsi və ərazidəki yaşıllığın tamamilə məhv edilməsidir.

Tikinti yerindəki məlumat lövhəsinə əsasən, Yasamal rayonunda qeyd olunan ünvanda “Böyük Plaza” yaşayış və ticarət mərkəzinin tikintisi aparılırdı. Lakin tikintini həyata keçirən şirkət mövcud qanunları pozaraq, ərazidə ağacları qanunsuz olaraq ağır texnika ilə məhv edib. Məsələ ətraf binalarda yaşayan sakinlərin ciddi narazılığına səbəb olub. Ərazidə aparılan tikinti zamanı yol verilmiş qanunsuzluqlar və ağacların kəsilməsinə ölkə prezidenti İlham Əliyev kəskin reaksiya göstərib, tikinti işlərinin dərhal dayandırılması və məsələnin nəzarətə götürülərək araşdırılması barədə göstəriş verib. 

Yasamal rayonu, Mətbuat prospektində əraziyə baxış keçirən Ekologiya və Təbii Sərvətlər Nazirliyi ağacların məhv edilməsi barədə akt tərtib edib və yaşayış binasının tikintisini həyata keçirən şirkət 130 min manat məbləğində cərimələnib və fakt üzə cinayət işi açılıb.

Ölkəmizdə yaşıllıqların salınması, ekoloji vəziyyətin yaxşılaşdırılması üçün tədbirlərin görülməsi, qanunsuz ağac kəsilmələrinə qarşı müxtəlif tədbirlər aparılması, ağacəkmə aksiyalarının keçirilməsinə baxmayaraq, mövcud yaşıllıqların məhv edilməsi, ağacların qanunsuz kəsilməsi təbii ki yolverilməzdir.

Prezident İlham Əliyev ağacların qanunsuz olaraq kəsilməsinin yolverilməz olduğunu və bu qanunsuzluqlara qarşı daim ciddi tədbirlər görülməli olduğunu, belə hallara yol verən şəxslərin məsuliyyətə cəlb edilməli olduğunu Nazirlər Kabinetinin 13 aprel 2014 tarixli iclasındakı yekun nitqində vurğulamışdı:

“Biz ekoloji vəziyyətlə bağlı məsələləri daim diqqət mərkəzində saxlayırıq. Ancaq ictimaiyyəti də, məni də narahat edən məsələ ağacların kəsilməsi məsələsidir. Buna yol vermək olmaz. Hesab edirəm ki, biz burada daha da ciddi məsuliyyət tətbiq etməliyik. Ağackəsmə tam şəkildə dayandırılmalıdır. Ancaq nadir hallarda, o da Ekologiya və Təbii Sərvətlər Nazirliyinin rəyi ilə haradasa ağac ya köçürülə, ya kəsilə bilər. Ona görə mən dəfələrlə bu məsələlərlə bağlı öz fikrimi bildirmişəm. Deyə bilərəm ki, vəziyyət əvvəlki illərə nisbətən daha da müsbətdir. Ancaq biz istədiyimizə tam şəkildə nail ola bilməmişik. Gecə vaxtı gəlirlər, qanunsuz olaraq ağacları kəsirlər, yerləri düzəldirlər ki, ev tiksinlər. Bu, vicdansızlıqdır, bu, biabırçılıqdır, bu, cinayətdir.

Ona görə aidiyyəti qurumlar təklif versinlər, biz ağacları kəsənlərə qarşı daha da ciddi tədbir görməliyik. Onlar məsuliyyətə cəlb edilməlidir. Bir daha demək istəyirəm ki, şəhərdə bir dənə də olsun ağac Ekologiya və Təbii Sərvətlər Nazirliyinin icazəsi, rəyi olmadan kəsilə bilməz. Bu, mənim son xəbərdarlığımdır”.

Ölkə.Az

ŞƏRH YAZ
0

“Elçibəyi müqəddəsləşdirmək xəstəlikdir” — partiya sədrindən QALMAQALLI AÇIQLAMALAR

“Elçibəyi müqəddəsləşdirmək xəstəlikdir”
18:20
Bu gün
413
Siyasət
A
“Əbülfəz Elçibəyi əvəzolunmaz lider kimi qəhrəmanlaşdırmaq Şərq xəstəliyidir. Əgər xatırlayırsınızsa, bir neçə il öncə Üsamə bin Laden öldürüləndə də onun meyidini gizlətdilər. Əgər gizlətməsəydilər, şərqlilər oranı ziyarətgaha çevirəcəkdi”.

Bu sözləri “Ölkə.Az”a açıqlamasında “Turan mənəvi birliyi”nin rəhbəri, Azərbaycan Xalq Demokratik Partiyasının qurucusu Rafiq Turabxanoğlu bildirib. 

Partiya sədri deyib ki, insanları qəhrəmanlaşdırmaq Azərbaycan xalqının qüsurudur:

“Şəxsiyyətə pərəstiş hamımızın bəlasıdır. Elçibəyi liderləşdirmək ona nə verəcək? Əbülfəz Elçibəy qəbirdədir, bu onun çox da vecinədir! Görünür ki, bəzi adamlar Elçibəy adı ilə nə isə qazanmaq istəyir”. 

R.Turabxanoğlu qeyd edib ki, bəzən Heydər Əliyevlə Əbülfəz Elçibəyin müqayisəsini aparırlar: 

“Bu cür hərəkətlər doğru deyil. Bunu edən cəbhəçilərin bəlkə də 90 faizinin qandığı elə budur.  Bizdə siyasi tərbiyyə kifayət qədər getməyib. Heç bir lideri, o cümlədən Əbülfəz Elçibəyi bu qədər şişirtməyə ehtiyac yoxdur. Bilirsiniz, Biləcəridən ağızı bəri nə qədər üfürürsənsə üfür, tanıyan olmayacaq. Kimi tanıyacaqlar? 1946-cı ildən şəxsiyyətin tanıdılması işinə son verilib. Ancaq bizə hələ indi çatır”.  

Partiya sədri bildirib ki, 1988-ci ildə başlanan siyasi proseslərdə Əbdürrəhman Vəzirovu dəstəkləmək lazım idi:

“Həmin dövrdə mən siyasi prosesləri izləyib görürdüm ki, Əbdürrəhman Vəzirov düzgün oyun qurmağı bacarır. Xalq Cəbhəsi isə buna qarşı çıxırdı. 

Bilirsiniz, Əbülfəz Elçibəy insan kimi dünyaya gəldi və insan kimi də dünyadan köçdü. O, tələb olunanı yerinə yetiridi. Sonradan proseslər mürəkkəbləşdiyi üçün o hakimiyyətdə qala bilmədi. Yəni, həmin vaxtı dünyada geosiyasi vəziyyət dəyişdi. Ona görə də Rusiya Əbülfəz Elçibəyin hakimiyyətdə qalmasına imkan vermədi. Onların hakimiyyəti dünyada gedən prosesləri düzgün anlaya bilmədiyi üçün iqtidarda çox qala bilməyiblər.  

Baxın, Əbülfəz Elçibəy hakimiyyəti atıb qaçmışdı. İnanın ki, o prezidentliyi kefindən atıb getməmişdi. Onu divara dirəmişdilər, deyirdilər ki, getməlisən! Gərək ki, Əbülfəz Elçibəy hakimiyyəti vaxtında düzgün siyasət yürüdəydi. O bunu edə bilmədi və nəticədə hakimiyyətini itirdi. Ümumiyyətlə, onlar hakimiyyətdə təsədüfi adamlar idilər. Güclü siyasi bacarıqları olsaydı, dünyada gedən proseslərə düzgün qiymət verib nəticə çıxarardılar.

Bəzən deyirlər ki, Heydər Əliyev hakimiyyətə gəldi və sairə. Onlara deyim ki, əgər Heydər Əliyev həmin vaxtı hakimiyyətə gəlməsydi, aqibətləri Karen Dəmirçiyandan da pis olacaqdı”.

Zaur Əziz
Ölkə.Az

ŞƏRH YAZ
0

Prezident bu yolun tikintisinə 13,7 milyon manat ayırdı

Prezident bu yolun tikintisinə 13,7 milyon manat ayırdı
18:10
Bu gün
158
Siyasət
A
Prezident İlham Əliyev Şamaxı rayonunun Dəmirçi kəndini İsmayıllı rayonunun Lahıc qəsəbəsi ilə birləşdirən Dəmirçi-Lahıc avtomobil yolunun tikintisinin davam etdirilməsi ilə bağlı əlavə tədbirlər haqqında Sərəncam imzalayıb.

"Ölkə.Az" xəbər verir ki, sərəncama əsasən Şamaxı rayonunun Dəmirçi kəndini İsmayıllı rayonunun Lahıc qəsəbəsi ilə birləşdirən, ümumi uzunluğu 22 kilometr olan Dəmirçi–Lahıc avtomobil yolunun tikintisinin davam etdirilməsi məqsədilə 2018-ci il dövlət büdcəsinin dövlət əsaslı vəsait qoyuluşu xərclərinin bölgüsündə avtomobil yollarının tikintisi və yenidən qurulması üçün nəzərdə tutulmuş vəsaitin 13,7 milyon manatı Azərbaycan Avtomobil Yolları Dövlət Agentliyinə ayrılıb. 

ŞƏRH YAZ
0
BAĞLA