İlham Əsgərovla vida mərasiminə icazə verilmir

Ötən gecə qəfil ürək tutmasından vəfat etmiş xalq artisti İlham Əsgərovla vida mərasiminin 33 il işlədiyi Akademik Milli Dram Teatrında keçirilməsinə icazə verilməyib

Bu barədə Ölkə.Az-a teatrın aktyorları məlumat veriblər. Bildirilib ki, direktor İsrafil İsrafilov sənətkarla vida mərasiminin teatrda olmasına qarşıdır:

"Nə "Azdrama"da, nə da Aktyor Evində vida mərasiminin keçirilməsinə icazə verilmir. Saat 12-nin yarısında Bakıdan çıxacağıq. İlham müəllim ata-baba yurdu olan Masallı rayonunun Xoşçobanlı kəndində dəfn ediləcək".

Mədəniyyət və Turizm Nazirliyindən isə bildirilib ki, hələlik bu barədə qərar qəbul olunmayıb və yaxın bir saat ərzində bəlli olacaq.

Xatırladaq ki, İlham Əsgərov 3 sentyabr 1958-ci ildə anadan olub. 1982-ci ildən Akademik Milli Dram Teatrının aktyorudur. İstedadlı aktyor 2000-ci ildə əməkdar artisti, 2006-cı ildə xalq artisti fəxri adı ilə təltif olunmuşdu.

İntiqam VALEHOĞLU
Ölkə.Az