İlham İsmayılov Avropa Azərbaycanlıları Konqresi İdarə Heyətinə seçildi

İlham İsmayılov Avropa Azərbaycanlıları Konqresi İdarə Heyətinə seçildi
18:49
08.11.2018
1578
Ölkə
A
Azərbaycan Respublikasının Diasporla İş üzrə Dövlət Komitəsinindəstəyi və iştirakı ilə Nederland Krallığında silsilə tədbirlər keçirilib.

"Ölkə.Az" xəbər verir ki, Azərbaycanın Diasporla İş üzrə Dövlət Komitəsinin nümayəndə heyəti Avropaya səfər çərçivəsində Haaqa şəhərində Hollandiya və Belçika Azərbaycanlılarının Koordinasiya Şurasının təsis yığıncağında iştirak edib.

Diasporla İş üzrə Dövlət Komitəsinin sədri Fuad Muradov yeni yaradılmış Koordinasiya Şurasının müsbət dəyərlədirərək, yeni yaranmış quruma işlərində müvəffəqiyyətlər arzulayıb:

Yığıncaqda “EuroAzNL” təşkilatının rəhbəri Emil Əliyev və “Ana vətən” Niderland Azərbaycanlı Qadınlar Birliyinin sədri Maisə Ağamirzəyeva (Gündoğdu) Koordinasiya Şurasının əlaqələndirici şəxsləri seçiliblər.

Silsilə tədbirlər çərçivəsində Amsterdam şəhərində Azərbaycan Respublikasının Diasporla İş üzrə Dövlət Komitəsinin dəstəyi və BAK-in təşkilatçılıöı ilə Beniluks Azərbaycanlılar Konqresinin (BAK) IV Qurultayı  keçirilib. 

Beniluks Azərbaycanlılar Konqresinin (BAK) IV Qurultayında Azərbaycan Respublikasının Diasporla İş üzrə Dövlət Komitəsinin sədri Fuad Muradov, Azərbaycan Respublikasının Belçika Krallığı və Lüksemburq Böyük Hersoqluğunda fövqəladə və səlahiyyətli səfiri, Azərbaycan Respublikasının Avropa İttifaqı yanında Nümayəndəliyinin rəhbəri Fuad İskəndərov, Avropa Azərbaycanlıları Konqresinin prezidenti Sahil Qasımov və AAK idarə heyətinin üzvüləri BAK üzv olan təşkilatlarla yanaşı digə təşkilatlar da iştirak ediblər. 

Qurultayda iştirak edən Diasporla İş üzrə Dövlət Komitəsinin sədri Fuad Muradov, Azərbaycanın Belçika Krallığı və Lüksemburq Böyük Hersoqluğunda fövqəladə və səlahiyyətli səfiri, Azərbaycan Respublikasının Avropa İttifaqı yanında Nümayəndəliyinin rəhbəri Fuad İskəndərov, Avropa Azərbaycanlıları Konqresinin prezidenti Sahil Qasımov çıxışlarında BAK-in onəmli fəaliyyətini vurğulayıblar. 

Xatırladaq ki, BAK 2006-cı ildə təsis olunub və Avropanın 3 önəmli ölkələri olan Belcika, Niderland və Lüksemburqdan olan Azərbaycan təskilatlarını ətrafinda birləşdirir.  

Sözügedən qurum son dövrlərdə lobbiçilik istiqamətində mühim tədbirlər həyata keçirib.

Qurultayda 12 il ərzində Beniluks Azərbaycanlılar Konqresinin fəaliyyətini əks etdirən video-çarx nümayiş etdirilib. 

Daha sonra Elsevər Məmmədov Beniluks Azərbaycanlılar Konqresinin yeni sədri vəzifəsinə seçilib.

Silsilə tədbirlər çərçivəsində  Amsterdamda Avropa Azərbaycan Konqresının növbəti toplantısı təşkil olunub. 

Toplantıda AAK idarə heyətinin prezidenti Sahil Qasımov, vitse-prezidentlər Rövşən Tağıyev, Yaşar Niftəliyev,  Nadir Hollenbrand, Səfər Sadiqi, AAK baş katibi Arzu Oqtay,  AAK idarə heyətinin üzvü, BAK prezidenti Elsevər Məmmədov, Niderland Koordinasiya Şurasının əlaqələndiricisi Mayisə Ağamirzəyeva, Leyla Babayeva və Nərminə Mərdanova iştirak ediblər.

AAK prezidenti  Sahil Qasımov toplantını açaraq gündəlikdə duran məsələlər haqqında məlumat verib.

Toplantıda gündəlikdə duran məsələlərin müzakirəsindən sonra AAK-ın yeni internet səhifəsinin təqdimatı olub. 

Tədbir zamanı 2 təşkilatın AAK-a üzv olması barədə müraciətlərinə baxılıb. 

İdarə Heyətinin qərarına əsasən, bu diaspor təşkilatları - DUFOA ( Dutch Friends of Azerbaijan) və "AzNed" təşkilatı Konqres sıralarına qəbul edilib.
 
Sözügedən təşkilatın rəhbərləri - Leyla Babayeva və Nərminə Mərdanova rəhbərlik etdikləri qurumlar barədə qısa məlumat veriblər. 

Daha sonra Azərbaycanlıların və digər Türkdilli Xalqların Əməkdaşlıq Mərkəzinin (ATXƏM) sədri, Azərbaycan Mətbuat Şurasının İdarə Heyətinin üzvü İlham İsmayılov AAK İdarə Heyətinin qərarı ilə Konqresin İdarə Heyətinə üzv seçilib. 

Qeyd edək ki, İlham İsmayılov buna qədər AAK Mərkəzi Şurasının üzvü idi.

 

Vasif Həsənli

Ölkə.Az

ŞƏRH YAZ
0

Ramil Usubov polkovnik-leytenantı işdən çıxardı

Ramil Usubov polkovnik-leytenantı işdən çıxardı
10:43
Bu gün
151
Ölkə
A
Daxili işlər orqanlarında kadr dəyişikliyi olub.

"Ölkə.Az"ın oxu.az-a istinadən məlumatına görə, Xətai rayon Polis İdarəsi rəisinin xidmət üzrə müavini, polis polkovnik-leytenantı Şahin Məmmədov vəzifəsindən azad edilib.

Bu barədə müvafiq əmri Daxili İşlər naziri, general-polkovnik Ramil Usubov imzalayıb. 

Hələlik onun yerinə təyinat yoxdur.

Ölkə.Az

ŞƏRH YAZ
0

8758 nəfər magistr imtahanı verəcək

8758 nəfər magistr imtahanı verəcək
10:31
Bu gün
203
Ölkə
A
Dövlət İmtahan Mərkəzi mayın 26-da 2019/2020-ci tədris ili üçün Azərbaycanın ali təhsil müəssisələrinin və AMEA-nın magistraturalarına qəbul imtahanının ikinci mərhələsini keçirəcək.

Mərkəzdən "Ölkə.Az"a verilən məlumata görə, imtahan Bakı, Naxçıvan və Gəncə şəhərlərində, ümumilikdə 27 binada aparılıcaq. 

Bakalavrlar imtahanda iştirak etmək üçün DİM-in internet saytına daxil olaraq istifadəçi adı və paroldan istifadə etməklə “Bakalavrın imtahana buraxılış vərəqəsi”ni çap etməlidirlər. Burada bakalavrların imtahan verəcəyi şəhər, bina və digər zəruri məlumatlar qeyd olunur. 

İmtahan bütün binalarda eyni vaxtda – saat 11:00-da başlayır və sualların cavablandırılmasına 1 saat 30 dəqiqə vaxt ayrılır. İmtahanın başlanmasına 15 dəqiqə qalmış saat 10.45-də buraxılış rejimi başa çatır. Bundan sonra gələn iştirakçılar imtahan binasına buraxılmır. İmtahan binasına buraxılış vərəqəsində qeyd olunan vaxtda gəlmək lazımdır. 

Bəzi imtahan binalarına giriş zamanı imtahan iştirakçılarının şəxsiyyətini dəqiqləşdirmək məqsədi ilə “Face Recognition” (üzün tanınması) texnologiyasına əsaslanan proqram-texniki vasitələrdən istifadə olunacaq. Bu texnologiyanın tətbiq edilməsində əsas məqsəd bakalavrların imtahan binasına buraxılış rejimini daha surətli həyata keçirmək və qeydiyyatdan keçmiş bakalavrların əvəzinə başqa bir şəxsin imtahan binasına daxil olmasının qarşısını almaqdır. 

Bakalavrlar imtahana gələrkən aşağıda göstərilən sənədləri mütləq özləri ilə gətirməlidirlər: 

• Şəxsiyyəti təsdiq edən sənədin əslini; 

• “Bakalavrın imtahana buraxılış vərəqəsi”ni. 

Göstərilən sənədlər arasında uyğunsuzluq olarsa, yaxud həmin sənədlərdən biri olmazsa, bakalavr imtahana buraxılmayacaq. 

İkinci mərhələdə bakalavrlara seçdikləri proqram üzrə 5-i açıq tipli olmaqla 50 test tapşırığı təqdim olunur (bəzi proqramlar üzrə isə bakalavrlar yazılı, bəziləri üzrə qabiliyyət imtahanı verəcəklər). Hər düzgün cavab bir balla qiymətləndirilir, səhv cavablar düzgün cavabların nəticəsinə təsir göstərmir. 

Qəbul imtahanının birinci mərhələsinin nəticələrinə görə müsabiqə şərtlərini ödəyən bakalavrların proqram seçimi aprelin 26-dan mayın 7-dək aparılıb və 8758 nəfər qəbul proqramını seçərək təsdiqləyib. Onlardan 8012 nəfəri Azərbaycan bölməsi, 746 nəfəri rus bölməsi üzrə imtahan verəcək. Bakalavrların 3803 nəfərini oğlanlar, 4955 nəfərini qızlar təşkil edir. 5575 nəfər ali təhsil müəssisələrinin builki, 3183 nəfər isə əvvəlki illərin məzunlarıdır. 16 bakalavr xarici ölkə vətəndaşıdır. 

İmtahanın idarə olunmasına 27 ümumi imtahan rəhbəri, 86 imtahan rəhbəri, 818 nəzarətçi-müəllim, 64 buraxılış rejimi əməkdaşı ayrılıb. Hazırda imtahan keçiriləcək şəhərlərdə imtahanlarda iştirak edəcək nəzarətçilər, imtahan rəhbərləri, mühafizə əməkdaşları ilə təlim-seminarlar keçirilir. İmtahan mərkəzlərinə təhlükəsizliyin təmin edilməsi məqsədilə imtahandan bir gün əvvəl DİM əməkdaşlarının iştirakı ilə baxış keçiriləcək və bütün imtahan zalları, giriş-çıxış qapıları, binalar möhürlənməklə Daxili İşlər Nazirliyi Baş Mühafizə İdarəsinin əməkdaşlarına mühafizə üçün təhvil veriləcək. 

ŞƏRH YAZ
0
BAĞLA