İlin ən yaxşı mahnısı seçildi — VİDEO

İlin ən yaxşı mahnısı seçildi
10:15
11.02.2019
2349
Ölkə
A
Los-Anceles şəhərində sayca 61-ci “Qremmi” mükafatlarının təqdimat mərasimi keçirilib.

“Ölkə.Az” xəbər verir ki, “ilin ən yaxşı mahnısı” mükafatına Childish Gambinonun ifa etdiyi “This is America” mahnısı layiq görülüb. Sözügedən mahnı bu kateqoriyada qalib gələn ilk hip-hop kompozisiyadır.

“This is America” mahnısı eyni zamanda “ən yaxşı musiqili video”, “Ən yaxşı rep/snaq ifa” kateqoriyalarında da liderdir və “ilin ən yaxşı səsyazması” kateqoriyasında da mükafata iddialıdır.

“İlin ən yaxşı mahnısı” adı uğrunda “All the Stаrs”, “Booʼd Up”, “Godʼs Plan”, “In My Blood”, “The Joke”, “The Middle” və “Shallow” mahnıları mübarizə aparıb.

Ledi qaqa “Joanne” mahnısına görə “Populyar musiqi üslubunda ən yaxşı solo ifa” kateqoriyasında mükafata layiq görülüb. Mahnı eyni zamanda kino və televiziya üçün də ən yaxşı mahnı elan edilib və “Ən yaxşı pop-duet” mükafatını da qazanıb.

Ölümündən sonra “Qremmi” mükafatına layiq görülən musiqiçi isə “Soundgarden” qrupunun lideri, gitara ustası, müğənni Kris Kornell oldu. Ona “When Bad Does Good” mahnısına görə “ən yaxşı rok ifa” kateqoriyasında mükafat verilib. Mükafatı mərhumun övladları alıblar.

Hikmət Həsənov
Ölkə.Az

ŞƏRH YAZ
0

“ASAN xidmət” modelinin dünyanın 8 ölkəsində oxşarı yaradılacaq” — Ülvi Mehdiyev

“ASAN xidmət” modelinin dünyanın 8 ölkəsində oxşarı yaradılacaq”
20:27
Bu gün
2798
Ölkə
A
"Azərbaycanın “ASAN xidmət” modelinin dünyanın 8 ölkəsində oxşarı yaradılacaq”.

“Ölkə.Az” “Report”a istinadən xəbər verir ki, bunu Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev "ASAN Radio"nun "QəbuldASAN" proqramında deyib.

O, həmin ölkələrin adını açıqlamasa da, bununla bağlı danışıqların aparıldığını bildirib: "Biz həmin ölkələrlə əməkdaşlığa başlamışıq. Azərbaycanın “ASAN xidmət” modelinin həmin ölkələrdə fəaliyyət göstərməsinə nail olacağıq. Artıq Azərbaycanın “ASAN xidmət” modeli əsasında Əfqanıstanda dövlət xidmətlərinin göstərilməsi mexanizmi təsis edilib”.

Ölkə.Az

ŞƏRH YAZ
0

Kimlər əfv olunmaq üçün müraciət edir?

Kimlər əfv olunmaq üçün müraciət edir?
19:45
Bu gün
3316
Ölkə
A
Azərbaycan Respublikasının Prezidenti yanında Əfv Məsələləri Komissiyasına əsasən mülkiyyət, sağlamlıq, idarəçilik əleyhinə, o cümlədən, iqtisadi fəaliyyətlə bağlı müraciətlər daxil olub.

Bu barədə "Ölkə.Az"a Komissiyadan məlumat verilib.

Bildirilib ki, Komissiyaya Cinayət Məcəlləsinin bütün fəsillərinə aid müraciətlər edilir və kim tərəfindən daxil olmasına baxmayaraq, bütün müraciətlər araşdırılır. 

Qeyd edək ki, Əfv Komissiyası bu il 3 iclas keçirib. Daxil olan 1000-ə yaxın müraciətdən 300-nə baxılıb. Növbəti günlərdə iclasların davam etdiriləcəyi gözlənilir. Ehtimal edilir ki, Novruz bayramı ərəfəsində əfv sərəncamı imzalanacaq. 

Ölkə.Az

ŞƏRH YAZ
0
BAĞLA