“İlk görüşdə dedi ki, səninlə evlənəcəm” — Asya Atakişiyeva

“İlk görüşdə dedi ki, səninlə evlənəcəm”
00:33
21.11.2019
8472
Maqazin
A
Bir neçə gün öncə “hə” mərasimi olan aktrisa Asya Atakişiyeva və nişanlısı aktyor Əmrah Dadaşov “Xəzər” TV-də yayımlanan “Hər şey daxil” proqramında qonaq olub.

"Ölkə.Az" axşam.az-a istinadən xəbər verir ki, sənətçilər maraqlı açıqlamaları ilə diqqət çəkib.

A.Atakişiyeva Əmrahı qısqanmadığını bildirib:

“Onun səsinə vurulmuşam. Mənə ilk görüşdə dedi ki, səninlə evlənəcəm. Ona güvənirəm. Səhnədə, sənətdə texnika var. Başqa aktrisa ilə öpüşsə, qısqanmaram. Onun nəinki İnstaqramı, heç telefonuna belə baxmıram”.

Ə.Dadaşov isə Asya ilə tanışlıq prosesindən söz açıb:

“Bizim teatrın yanında qalırlar. Evdən işə, işdən də evə gəlir. Bir-birimizi illərdir tanıyırdıq. Yaxın münasibət isə bir ildən çoxdur olub. Zaur adlı ortaq dostumuz var. Ona demişdim ki, bizi görüşdür. Neçə vaxtdır ki, Asyadan xoşum gəlir. Hər şey sürətli baş verməyib. Sonra Zaur oldu yalan, biz isə gerçək”.

Qeyd edək ki, A.Atakişiyeva Azərbaycan Dövlət Gənc Tamaşaçılar teatrında çalışır. İndiyədək “Həyat sən nə qəribəsən”, “Qayınana”, “Ata ocağı” kimi seriallarda rol alıb. Ə.Dadaşov isə Akademik Musiqili Teatrın aktyorudur. İndiyədək obrazlarına görə, müxtəlif mükafatların sahibi olub. Onları ilk dəfə birlikdə Axşam.az görüntüləyib.

ŞƏRH YAZ
0

Dünyanın ən nüfuzlu qadınları — SİYAHI

Dünyanın ən nüfuzlu qadınları
21:16
12.12.2019
7976
Maqazin
A
“Forbes” jurnalı 2019-cu ilin ən nüfuzlu qadınlarının adlarını açıqlayıb.

"Ölkə.Az" oxu.az-a istinadən xəbər verir ki, 100 nəfərin arasından ilk yeri Almaniyanın kansleri Angela Merkel tutub.

İkinci yerə BVF-nin direktoru Kristin Laqard layiq görülüb.

Üçüncü yerə isə ABŞ Konqresinin Nümayəndələr Palatasının spikeri Nensi Pelosi seçilib.

Jurnalın məlumatına görə, 2019-cu ilin ən nüfuzlu qadınları arasında son yeri İsveç ekoaktivisti Qreta Tunberq tutub.

Ölkə.Az

ŞƏRH YAZ
0

"Heç mənə lazım da deyil..." — Aşıq Zülfiyyə

14:52
12.12.2019
18583
Maqazin
A
Aşıq Zülfiyyə "Space" telekanalının bayram çəkilişi zamanı yaranan narazılıqla bağlı xəbərlərə aydınlıq gətirib.

“Ölkə.Az”ın əməkdaşı ilə söhbətində o, bildirib ki, saat 1-də çəkilişə dəvət olunduğuna baxmayaraq, axşam saat 6-ya qədər orada gözləməli olub.

“Vallah, bizi çəkiliş üçün saat 1-ə dəvət etmişdilər. Bu aralar səhhətimdə bir az problem var deyə, xahiş etdim ki, çəkiliş nə zaman başlayacaqsa, dəqiq o saatı desinlər, gəlib orada çox gözləməyim. Çünki səhhətim buna imkan vermir. Dəfələrlə rica etdim ki, 1-2 saatdan artıq gözləməyim. Bundan başqa da duet ortağım Babək növbə ilə çalışdığına görə saat 6-da işdə olmalı idi. Çəkilişlərə nəzarət edən qıza yenə də söylədim ki, bizi çox gecikdirməsin. Həmin xanım söz verdi ki, 6-ya işləmiş bizi çəkəcəklər. Çünki bizdən əvvəl gələn sənətçilər var idi. Mən hər zaman hamıya hörmətlə yanaşmışam, yerimi bilmişəm. Buna da razılaşdım ki, əvvəl Babəki çəkərlər, mən qalaram. Əsas o, işə gecikməsin. Ancaq sonra gördüm ki, məndən sonra gələn cavan kadrları bir-bir çəkib yola salırlar, biz qalmışıq. Qıza yenə yaxınlaşdım ki, xanım, bu nə məsələdi? Deyir, Zülfiyyə xanım, vallah, rejissor da operator da öz tanışlarını irəliyə çəkir, mən də başımı itirmişəm, qalmışam belə. Mən də birinə dözdüm,ikincisi, üçüncüsünə göz yumdur. Gördüm ki, yox, bu, düzələn deyil. Mənim 4-5 saat gözləməyə nə hövsələm çatır, nə də səhhətim yol verir. Çox əsəbləşdim, dedim belədirsə, heç mənə lazım da deyil və  oradan çıxdım. Özləri bayram çəkilişi üçün dəvət edirlər, sonra da işlərinə bu cür hörmətsiz yanaşırlar. Nə Babək oxudu, nə də mən. Çəkilişi yarımçıq qoyub, oradan çıxdıq”.

İfaçı bildirib ki, belə hadisələrlə dəfələrlə rastlaşıb.

 “Birinci dəfə deyil ki, mən bu cür halla üzləşirəm. Mənim fikrimcə özünə, sənətinə hörmət edən məhz belə etməlidir ki, onlara da dərs olsun. Sabah bu səhvi yenidən təkrarlamasınlar. Bizə qarşı bu cür hörmətsiz yanaşmasınlar. Yenə də deyirəm ki, məndən yaşda böyüklər olsaydı, yenə də göz yummağa çalışardım. Ancaq dünən səhnəyə çıxan müğənniləri irəli buraxıb, mənə qarşı edilən bü cür ədəbsiz hərəkətləri bağışlaya bilmərəm”,- deyə aşıq fikrini tamamlayıb.

Qeyd edək ki, Aşıq Zülfiyyə "Space" telekanalının bayram çəkilişi zamanı əksər sənətçilərdən öncə gəlməsinə baxmayaraq, ona gec söz verildiyinə görə sərt şəkildə narazılığını bildirib və məkanı tərk edib.

Vüsalə Balayeva
Ölkə.Az

ŞƏRH YAZ
0
BAĞLA