İlon Mask yeni zirehli AVTOMOBİLİNİ TƏQDİM ETDİ
Tesla şirkəti ABŞ-da ilk zirehli elektrik avtomobil modelini təqdim edib.
“Ölkə.Az” xəbər verir ki, gümüşü rəngli zirehli avtomobilin ilkin qiyməti 39 min dollardır.
Teslanın sahibi İlon Mask, avtomobilin adının “Cybertruck” olduğunu və istehsalının 2021-ci ilin sonunda başlayacağını bildirib.
“Cybertruck”ın modelləri 49 min 900 və 69 min 900 dollar məbləğində olacağı bildirilir.
Ən yüksək qiymətə sahib olan “Cybertruck” 500 mil (orta hesabla 805 kilometr) məsafəni qət edəcək.
İlon Mask, ABŞ-da “pick-up”ların ən çox satılan nəqliyyat vasitələrindən biri olduğunu qeyd edib.
Zirehli “pick-up”ın təqdimatında avtomobilin şüşələri ağır külünglə sınaqdan keçirilib. Şüşəsi çatlasa da sınmayan “Cybertruck”, Maskın üzündə təəccüb yaradıb.
Ölkə.Az
