İlon Maskın kosmik gəmisi yandı
İlon Maskın “SpaceX” şirkətinə məxsus və planetlərarası uçuşlar üçün nəzərdə tutulmuş “Starship” kosmik gəmisi sınaq meydançasında yanıb.
"Ölkə.Az” xəbər verir ki, bu barədə “Florida Today” nəşri xəbər yayıb. Sınaq meydançası Florida ştatının Koko şəhərində yerləşir.
Meydançada “Starship” gəmisinin iki prototipi var. Onlardan bili hələ tam inşa edilməyib. Şirkət rəsmisi Ceyms Qlison bildirib ki, dəniz konteynerində başlayan yanğın qısa müddətə söndürülüb. Yanğın nəticəsində xəsarət alan olmasa da, 100 min dollar ziyan dəyib.
Hələlik yanğının başvermə səbəbi bilinmir. Amma ehtimal edilir ki, yanğına səbəb elektrik qurğusundakı nasazlıq səbəb olub.
Qeyd edək ki, İlon Maskın 4 fevraldakı çıxışına əsasən, “Starship” gəmisi bir dəfəyə Marsa 100 nəfər apara biləcək. İlk səfər 2024-cü ilə planlaşdırılıb.
Ölkə.Az
