İlqar Məmmədov bu həftə əfv oluna bilər — deputatdan AÇIQLAMA

İlqar Məmmədov bu həftə əfv oluna bilər
15:15
21.05.2018
6370
Siyasət
A
Mayın 28-dək Respublikaçı Alternativ Hərəkatının (REAL) həbsdə olan lideri İlqar Məmmədov əfv oluna bilər.

Milli Məclisin deputatı, hüquq müdafiəçisi Çingiz Qənizadə “Ölkə.Az”a açıqlamasında deyib ki, İlqar Məmmədov mübahisəli məhbusdur:

“Onlarla bağlı Azərbaycan hökuməti ilə Avropa qurumları arasında müəyyən təklif və tövsiyələr gedir. Ancaq mən hər zaman demişəm ki, nə qədər Avropa İttifaqı və Avropa Şurası bu şəxslərin əfvini yüksək tonla Azərbaycandan tələb edəcəksə, bu mümkün olmayacaq. 

Amma müəyyən xahişləri hər zaman cənab prezident nəzərə alır. Ümid edirəm ki, cənab prezident hər zaman humansit olduğu kimi, bu dəfə də həmin mübahisəli məhbusların azad olunmasına şərait yaradacaq. Bu ona görə lazımdır ki, Azərbaycan Avropa İttifaqı ilə əməkdaşlıq prosesini sürətləndirib. Biz istəmirik ki, hər hansı məhbusa görə Avropa İttifaqı ilə Azərbaycan arasında fikir ayrılığı olsun. Bu baxımdan hesab edirəm ki, cənab prezident bütün bunların hamısını dəyərləndirir və lazımı qərarlar qəbul edəcəyi gözlənilir”.   

Deputat əfv fərmanını ən çox arzu edən şəxslərdən biri olduğunu söyləyib:

“Prezident yanında Əfv Komissiyasının iclası artıq yekunlaşıb. Ümid edirik ki, yaxın günlərdə cənab prezident növbəti dəfə əfv fərmanı imzalayacaq. 
Hesab edirəm ki, bu dəfəki ümidlər daha çox özünü doğruldacaq. Çünki qarşıdan Azərbaycan Xalq Cümhuriyyətinin 100 illik yubileyi gəlir. Bununla bağlı Amnsitiya aktının qəbul edilməsi barədə də müxtəlif fikirlər səsləndirilib. Əgər Amnistiya aktı qəbul edilməsə, o zaman əfv fərmanı veriləcək. Bu dəfə əfv fərmanına düşən insanların sayı isə əvvəlki illərdəkindən dəfələrlə çox olacaq. Hətta, əfv olunacaq şəxslər arasında ömürlük cəza almış məhkumların da olması ehtimalı var. Biz böyük ümidlə ölkə başçısının yaxın günlərdə verəcəyi bu fərmanı gözləyirik”. 

Vasif Həsənli
Ölkə.Az

ŞƏRH YAZ
0

İlham Əliyev Fələstin Dövlətinin başçısını təbrik edib

İlham Əliyev Fələstin Dövlətinin başçısını təbrik edib
18:35
14.11.2018
12167
Siyasət
A
Azərbaycan Respublikasının Prezidenti İlham Əliyev Fələstin Dövlətinin Prezidenti Mahmud Abbasa təbrik məktubu ünvanlayıb.

"Ölkə.Az"ın məlumatına görə, təbrik mətnində deyilir:  

"Hörmətli cənab Prezident,

Fələstin Dövlətinin milli bayramı münasibətilə Sizə və xalqınıza öz adımdan və Azərbaycan xalqı adından təbriklərimi yetirirəm.

İnanıram ki, Azərbaycan ilə Fələstin arasındakı münasibətlər xalqlarımızın iradəsinə uyğun olaraq daha da genişlənəcək və inkişaf edəcəkdir.

Sizə möhkəm cansağlığı, işlərinizdə uğurlar, qardaş Fələstin xalqına sülh və rifah diləyirəm".

ŞƏRH YAZ
0

Fransalı deputat: ATƏT-in Minsk Qrupu xarab olub

Fransalı deputat: ATƏT-in Minsk Qrupu xarab olub
18:33
14.11.2018
6787
Siyasət
A
Jerome Lambert DağlIq Qarabağ münaqişəsindən danışdı

“Fransa merlərinin qondarma Dağlıq Qarabağa səfər etməsi və ya şəhərlərin qondarma Dağlıq Qarabağla qardaşlaşması təəsüf hissi doğurur”.

"Ölkə.Az" xəbər verir ki, bu açıqlamanı REAL TV-yə Azərbaycanda səfərdə olan Fransa parlamentinin deputatı Jerome Lambert etdi.

“Mən təəssüf hissi ilə qeyd edirəm ki, biz belə hallarla rastlaşırıq. Bildiyiniz kimi Fransada merlər dövlətdən asılı deyil, onlar seçiliblər və çox azaddırlar. Onlar hər hansısa bir şəhərlə münasibətə girə bilərlər, yəni əlaqə yarada bilərlər. Təbii ki, bu Fransa qanunvericiliyinə uyğun deyil, Azərbaycan ərazisi sayılan şəhərlərlə sənədələr imzalayırlar, qardaşlıq əlaqələri qururlar. Amma onlara qarşı hələ ciddi bir tədbir görülməyib. Ümid edirəm ki, bu cür hallarla tez-tez rastlaşmarıq. Həm də bu o qədər tez-tez rast gəldiyimiz fakt deyil. Amma bu fakt var. Merlər Qarabağa səfər edirlər və mən buna yalnız təəssüf edə bilərəm”, - fransalı deputat bildirib. 

Jerome Lambert münaqişənin həll edilməsi istiqamətində fəaliyyət göstərən ATƏT-in Minsk Qrupunun bu istiqamətdə işini də dəyərləndirdi.

“Təbii ki, hazırki vəziyyətdə biz buna baxsaq, ATƏT-in Minsk Qrupu işləmir, yəni xarab olub. Fransa əlbəttə ki, vacib ölkədir və həmsədr olan 3 ölkədən biridir. Fransanın sülh əldə olunmasında rolu böyük olmalıdır. Mən ümid edirəm ki, Fransa öz mövqeyini tam olaraq ortaya qoyacaq və bu münaqişənin həllində öz gücünü ortaya qoyacaq”, - deputat deyib.

Qeyd edək ki, Fransanın Sent-Etyen şəhərinin meri, "Fransa-Artsax" dostluq qrupunun üzvü Qael Perdrion Azərbaycanın işğal altında olan Qarabağ bölgəsinə qanunsuz səfər edib.

Məlumata görə, səfər çərçivəsində işğal altında olan Şuşa və Fransanın Sent-Etyen şəhərləri arasında qanunsuz olaraq "Dostluq bəyannaməsi" imzalanıb. Qeyd edək ki, Azərbaycanın qanunvericiliyə əsasən işğal altında olan Dağlıq Qarabağ bölgəsinə qanunsuz səfər edən şəxslər Xarici İşlər Nazirliyinin (XİN) arzuolunmaz şəxslər siyahısına daxil edilir.

ŞƏRH YAZ
0
BAĞLA