İlyas İsmayılovun oğlunun cənazəsinin Bakıya gətiriləcəyi vaxt bilindi
Ədalət Partiyasının sədri, sabiq ədliyyə naziri İlyas İsmayılovun oğlu Etimad İsmayılovun cənazəsi bu gün Bakı vaxtı ilə saat 20.40-da İstanbuldan Bakıya uçacaq təyyarə ilə yola salınacaq.
Bu barədə "Ölkə.Az"a Etimad İsmayılovun ailə üzvləri tərəfindən məlumat verilib.
Məlumata görə, cənazənin bu gün saat 23.40-da Bakıda olacağı gözlənilir.
Cənazə sabah saat 11.00-da İlyas İsmayılovun Nardaran qəsəbəsində yerləşən bağ evindən götürüləcək və Nardaran qəbristanlığında dəfn ediləcək.
Xatırladaq ki, İlyas İsmayılovun oğlu, iş adamı Etimad İsmayılov ötən gün Türkiyənin İstanbul şəhərindəki ofisində qətlə yetirilib.
Vasif Həsənli
Ölkə.Az
