“İmamzadə” dini–mədəniyyət kompleksinin möhtəşəm video-çarxı hazırlanıb

“İmamzadə” dini–mədəniyyət kompleksinin möhtəşəm video-çarxı hazırlanıb
12:07
19.05.2017
213
Ölkə
A
IV İslam Həmrəyliyi Oyunları ərəfəsində Gəncə şəhər İcra Hakimiyyətinin dəstəyi ilə “İmamzadə” dini–mədəniyyət kompleksinin möhtəşəm video-çarxı hazırlanıb. Video-çarxdan da aydın olduğu kimi “İmamzadə” dini–mədəniyyət kompleksi şəhərin və bütövlükdə ölkəmizin ən dəyərli memarlıq abidələrindən biri hesab edilir.

Bu kompleksin ən qiymətli abidəsi türbədir. “İmamzadə” dini-memarlıq kompleksində beşinci imam Məhəmməd Baqirin oğlu İbrahimin məzarı yerləşir.Kompleksin ziyarətgah binası müasir səviyyədə qurulub. Ziyarətgahda qədimliyi saxlamaq şərtilə hündürlüyü 45 metr olan iki minarə, iki namaz zalı və ziyarət zalı tikilib. Ziyarətgahın ümumi hündürlüyü 28 metr, tikinti sahəsi isə 842 kvadratmetrdir. “İmamzadə” kompleksində ümumi sahəsi 220 kvadratmetr olan qurbangah binası da inşa edilib. Ziyarətgahın 1000 nəfərlik zal və mətbəxdən ibarət ehsanxanası da var. Mərasim zalının ümumi sahəsi 1300 kvadratmetrdir. Burada həmçinin mehmanxana da inşa edilib. Ziyarətgahın müsəlman aləmi üçün əhəmiyyətini, o cümlədən yerli və xaricdən gələn zəvvarların sayının ildən-ilə artmasını nəzərə alaraq bu kompleksdə tikilmiş mehmanxanada 33 müsafir otağı var. Burada ayrı-ayrılıqda qadınlar və kişilər üçün dəstəmazgah, yeməkxanalar, konfrans zalı, dini kitabxana, muzey fəaliyyət göstərir. Kompleksdə dini ayinlər üçün Hüseyniyyə və Zeynəbiyyə ibadət zalları var. Günbəzlərin interyeri yağlı boya ilə nəbati naxışlarla işlənib, eksteryeri isə kərpiclə dekorativ şəkildə örtülüb. Yenidənqurma işləri zamanı kompleksin ərazisinin abadlaşdırılmasına da xüsusi diqqət yetirilib, 10 min kvadratmetr sahə asfaltlanıb, səkilərə bəzək daşları döşənib, müasir işıqlandırma sistemi quraşdırılıb. Burada 40 min kvadratmetrə yaxın sahədə yaşıllıq zolağı yaradılıb, 7 min kvadratmetr sahəyə döşəmə daşları döşənib, min avtomobil yerlik iki dayanacaq və "İmam Hüseyn meydanı" tikilib. Həmçinin kompleksə gediş-gəlişi asanlaşdırmaq üçün giriş hissədə geniş körpü salınıb. Yol kənarlarına şəhərin ümumi arxitekturasına və görünüşünə uyğun olaraq tarixi və milli kaloritlər verilib. Səki daşları yeniləri ilə əvəzlənib və səkilər yenidən qurulub.

Prezident İlham Əliyev “İmamzadə” kompleksində təmir və yenidənqurma işlərini hər zaman diqqətdə saxlayıb, üç dəfə bu kompleksə gələrək tapşırıq və tövsiyələrini verib. 17 fevral 2016-cı il tarixində Azərbaycan Respublikasının prezidenti İlham Əliyevin iştirakı ilə təmir və yenidənqurmadan sonra “İmamzadə” dini–mədəniyyət kompleksinin açılışı olub.

Ölkə.Az

ŞƏRH YAZ
0

Şəhid ailələrinə 11 min manat nə vaxt ödəniləcək? — VİDEO

Şəhid ailələrinə 11 min manat nə vaxt ödəniləcək?
00:40
Bu gün
4462
Ölkə
A
Şəhid vərəsələrinə birdəfəlik ödənişin edilməsi üçün tam şəffaf sistem yaradılıb. Buna hüququ çatanlar təkcə notariusa müraciət etməklə yardımı ala biləcək.

"Ölkə.Az" xəbər verir ki, bu barədə Xəzər TV-yə əmək və əhalinin sosial müdafiəsi nazirinin müavini İlqar Rəhimov məlumat verib.

Azərbaycan prezidentin fərmanı ilə 1997-ci il avqustun 2-dək ölkəmizin ərazi bütövlüyü uğrunda həlak olmuş, ölmüş və hərbi əməliyyatlarla əlaqədar xəbərsiz itkin düşdüyünə görə ölmüş elan edilmiş hərbi qulluqçuların siyahısı Səfərbərlik və Hərbi Xidmətə Çağırış üzrə Dövlət Xidməti, Ədliyyə Nazirliyi və Dövlət Sığorta Kommersiya Şirkətinə təqdim ediləcək. Bu siyahı dəqiqləşdirildikdən sonra Əmək və Əhalinin Sosial Müdafiəsi Nazirliyinin saytında yerləşdiriləcək.

Adı siyahıda qeyd edilən vətəndaşlar hərbi qulluqçunun ölümü haqqında şəhadətnamə, şəhidin ölmüş elan edilməsi haqqında məhkəmə qərarı, vərəsəlik hüququnu təsdiq edən sənəd və ödənişi almaq üçün bank hesabını təqdim etməklə yardımı ala biləcək. Bu sənədləri daha tez təqdim edənlər, daha tez ödəniş ala biləcəklər.

Qeyd edək ki, ilkin hesablamalara görə, bu vəsait 9 minə yaxın şəhidin vərəsəsinə veriləcək ki, bu da 100 milyon manatdan çox vəsait deməkdir.

Ölkə.Az

ŞƏRH YAZ
0

Alpinistlər həmkarlarının öldüyü yeri ziyarət edib — FOTO

Alpinistlər həmkarlarının öldüyü yeri ziyarət edib
22:34
24.05.2018
6901
Ölkə
A
Bir qrup alpinist Azərbaycan Xalq Cümhuriyyətinin yaranmasının 100 illiyi münasibətilə Böyük Qafqazın ən yüksək dağ zirvələrindən olan Şahdağ zirvəsinə yürüş edib.

"Ölkə.Az" xəbər verir ki, dəniz səviyyəsindən 4242 metr yüksəklikdə yerləşən zirvəyə yürüş “Everest” idman klubunun təşəbbüsü ilə reallaşıb. On beş nəfərlik alpinist qrupunun Şahdağa yürüşü mayın 22-dən başlayıb və iki gün davam edib. Mayın 23-də zirvəyə çatan alpinistlər orada Xalq Cümhuriyyətinin 100 illiyi ilə bağlı poster açıblar.

Yürüşdən əvvəl alpinistlər ötən ilin dekabr ayında itkin düşmüş dağçılar Babur Hüseynov, Fəridə Cəbrayılzadə və Namin Bünyətzadənin qar uçqunu altında qaldığı yeri ziyarət ediblər.

Ölkə.Az

ŞƏRH YAZ
0
BAĞLA