İmtahansız tələbə olmaq istəyənlərin nəzərinə

İmtahansız tələbə olmaq istəyənlərin nəzərinə
12:25
13.06.2019
1292
Ölkə
A
Bu gündən ali təhsil müəssisələrinə imtahansız qəbul olmaq istəyən subbakalavrların (kollec məzunları) qeydiyyatı başlayır.

Dövlət İmtahan Mərkəzindən (DİM) "Ökə.Az"a verilən məlumata görə, elektron ərizələrin qəbulu iyunun 13-dən iyulun 17-dək (V ixtisas qrupu üzrə iyunun 13-dən 27-dək ) internet vasitəsilə aşağıdakı qaydada aparılacaq. 

Subbakalavrlar DİM-in internet saytının ekabinet.dim.gov.az səhifəsində “Şəxsi kabinet” yaratdıqdan sonra şəxsi kabinetinin istifadəçi adı və parolundan istifadə etməklə DİM-in internet səhifəsinə daxil olub, “Subbakalavrın elektron ərizəsi” formasını təsdiq edirlər. Tələb olunan məlumatlar “Tələbə-Məzun” dövlət elektron məlumat sistemindən onlayn əldə olunur. Bu məlumatları tam olmayan subbakalavrlar ilk olaraq məzunu olduqları orta ixtisas təhsili müəssisələrinə müraciət etməli və məlumatlarının sistemə daxil olunmasını təmin etməlidirlər. Qeyd olunan tarixlərdə ərizəsini təsdiq etməyən subbakalavrlar müsabiqəyə buraxılmayacaqlar. 

Müsabiqədə iştirak ödənişsizdir. 

Qeyd edək ki, qəbul imtahanlarında iştirak etmədən ali təhsil müəssisələrinə qəbul olmaq istəyən subbakalavrlar cari ildə imtahan verərək ali təhsil müəssisələrinin müsabiqəsində iştirak etmək istəyən abituriyentlərlə eyni vaxtda – iyulun 24-dən avqustun 6-dək ixtisas seçimində (müsabiqədə) iştirak edəcəklər. Subbakalvrlar ixtisas seçimində Dövlət İmtahan Mərkəzinin müvafiq ixtisas qrupları üzrə müəyyən etdiyi keçid balı ilə iştirak edəcəklər. Məsələn: I,II,III və IV ixtisas qruplarının biri üzrə müsabiqədə iştirak etmək istəyən subbakalavr 200 balla (müəyyən ixtisaslar üzrə müvafiq olaraq 150 və 250 balla), V ixtisas qrupu üzrə müsabiqədə iştirak etmək istəyən subbakalavr 60 balla ixtisas seçimində iştirak edəcək. Xüsusi qabiliyyət tələb edən ixtisasları seçmək istəyən subbakalavrlar ixtisasların uyğunluğu cədvəlinə müvafiq olaraq, seçdikləri komissiya üzrə- V qrupa daxil olan bədən tərbiyəsi istiqamətinin 60, 61, 62-ci komissiyaları və 14-cü komissiya-dizayn ixtisası üzrə iyunun 20-dən 28-dək, digər komissiyalar üzrə iyunun 20-dən iyulun 3-dək, I qrupa daxil olan memarlıq ixtisası üzrə iyulun 8-dən 13-dək Mərkəzin internet saytında qeydiyyatdan keçib qabiliyyət imtahanlarında iştirak edib məqbul qiymət almalıdırlar. 

İxtisas seçimi zamanı eyni bir yerə biri abituriyent digəri subbakalavr olmaqla iki nəfər iddia edərsə, bu zaman həmin yerə abituriyent qəbul olunacaq. Ancaq bir yerə iki subbakalavr iddia edərsə, o zaman aşağıdakı ardıcıllıqla qeyd olunan meyarlar üzrə göstərciləri daha yüksək olan subbakalavra üstünlük veriləcək: 

1. Ümumi orta müvəffəqiyyət göstəricisi (ÜOMG), 

2. Təhsil haqqında sənədə (attestata) tədris dili, ədəbiyyat, xarici dil, riyaziyyat, Azərbaycan tarixi, ümumi tarix, fizika,kimya, biologiya, coğrafiya fənləri üzrə yazılmış yekun qiymətlərin ədədi ortası. 

Ümumi orta müvəffəqiyyət göstəricisi (ÜOMG) və attestat üzrə yekun qiymətlərin ədədi ortası (AYQƏO) müvafiq orta ixtisas təhsili müəssisəsi tərəfindən “Tələb-məzun” dövlət elektron məlumat sisteminə daxil edilərək təsdiqlənməlidir. 

Yuxarıda qeyd olunan göstəriciləri “Tələb-məzun” dövlət elektron məlumat sisteminə daxil edilən və cari ilin buraxılış kursunda oxuyan kollec məzunları da müsabiqədə iştirak edə bilərlər. 

Təhsil müəssisələri sistemə daxil edilmiş bu məlumatların həqiqiliyinə görə məsuliyyət daşıyır. 

Subbakalavrlar ali təhsil müəssisəsilərinin ixtisaslarını seçərkən tədris dili orta ixtisas təhsili pilləsində təhsil aldıqları dilə uyğun ixtisasları seçə bilərlər. 

Subbakalavrlar xarici dil fənni üzrə əlavə tələblər qoyulan ixtisasları seçə bilməzlər. Çünki bu ixtisaslar üzrə xarici dil fənninə bal məhdudiyyəti tətbiq olunur və subbakalavrlar imtahanda iştirak etmədikləri üçün bu ixtisasları seçə bilmirlər. 

Cari ildə qəbul imtahanında iştirak etmiş subbakalavrlar öz seçimindən asılı olaraq, imtahanda topladığı bal ilə və ya DİM-in müvafiq ixtisas qrupları üzrə müəyyən etdiyi keçid balı ilə müsabiqədə iştirak edə bilər. 

İxtisasların uyğunluğu, yəni subbakalavrın bitirdiyi ixtisasdan asılı olaraq seçə biləcəyi ali təhsil müəssisələrinin ixtisaslarının siyahısı, müsabiqə şərtləri və digər zəruri məlumatlar yaxın vaxtlarda “Abituriyent” jurnalının xüsusi buraxılışında dərc olunacaq.

ŞƏRH YAZ
0

Düşmən atəş­kəsi pozdu — Cəbhədə gərginlik

Düşmən atəş­kəsi pozdu
10:01
Bu gün
1120
Ölkə
A
Ermənistan silahlı qüvvələrinin bölmələri cəbhənin müxtəlif istiqamətlərində snayper tüfənglərindən də istifadə etməklə sutka ərzində atəşkəs rejimini 19 dəfə pozub.

Müdafiə Nazirliyindən "Ölkə.Az"a verilən məlumata görə, Ermənistan Respublikası Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonu ərazisindəki adsız yüksəkliklərdə yerləşən mövqelərimiz atəşə tutulub.

Ağdam rayonunun işğal altında olan Cəvahirli, Yusifcanlı, Füzuli rayonunun Qorqan kəndləri yaxınlığında, həmçinin Goranboy, Tərtər və Ağdam rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.

Ölkə.Az

ŞƏRH YAZ
0

“Sipark İnşaat” ATV-yə 14 min "atdı" — Reklam qalmaqalı - FOTO

“Sipark İnşaat” ATV-yə 14 min
09:00
Bu gün
3366
Ölkə
A
Azərbaycanda fəaliyyət göstərən, adı daha çox qalmaqallı məsələlərdə hallanan “Sipark İnşaat” şirkətinin adı daha bir dələduzluq işində hallanır.

"Ölkə.Az" bildirir ki, həmin şirkətin rəhbərliyi tərəfindən aldadıldığını iddia edən "Baku Art Lab"ın təsisçisi Vüqar Təhməzov BakuPost.az-a müraciət edib.

Şikayətçinin sözlərinə görə, telekanalların (ATV) birində yayımlanacaq serialın çəkilişində baş sponsor olan şirkət sonradan pulu ödəməkdən imtina edib. Onun reklamı ATV-də iki ay yayımlanıb və bununla da şirkətin 14 min borcu yaranıb. Lakin şirkət rəhbərliyi müxtəlif bəhanələrlə pulu ödəməkdən boyun qaçırır:

““Sevgi Naminə” adlı serialın çəkilişləri üçün təşkilati dəstəklə bağlı "Sipark İnşaat"la razılaşma əldə etdik. Hətta menecerimiz Vüsalə xanım və həmin şirkətin nümayəndələri arasında danışıqlardan sonra onlar seriala baş sponsor olmaq istədilər və qarşılıqlı anlaşma əsasında müqavilə də hazırladıq. Müqaviləyə səlahiyyətli şəxs kimi özüm qol çəkdim və möhür vurdum. Daha sonra müqaviləni həmin tikinti şirkətinə yolladım".

V.Təhməzov bildirib ki, onlar müqaviləyə imza atmağı gecikdiriblər:

"Sən demə, bunlar "Sipark İnşaat”ın dələduzluq metodu imiş. Demişdilər ki, reklam yayınlanmağa başlasın müqaviləni imzalayarıq. Bir müddət sonra müqaviləni səlahiyyətli şəxs kimi mühasibatlıq şöbəsindən bir xanımın imzalayacağını bildiriblər. Lakin həmin xanım sənədləri imzalamaqdan imtina edərək, rəhbər Kənan bəyin Türkiyədə olduğunu və gələndən sonra onları özünün imzalayacağını dedi. Bu minvalla serial çəkilir və onların reklamı yayımlanırdı. Qeyd edim ki, müqaviləni qarşı tərəf hazırlamışdı, şərtlər razılaşdırılmışdı və bizə möhürləmək üçün göndərilmişdi. Biz də öz əlavəmizi edib, onlara göndərməli və reklamçı tərəfin səlahiyyətli şəxsi imzalamalıydı. Biz üzərimizə düşənləri etdik, onlarsa bizi yola verməklə məşğul oldular.

Təqribən bir ay məsələ belə uzandı. Biz isə həmin vaxt şirkətin ofisində serialın çəkilişlərinə start verdik. Danışıqlara əsasən “Sipark” seriala həm təşkilati dəstək, həm də baş sponsor idi. Misal üçün, təşkilati dəstəyə görə şirkət bizə bir ayda 1500-2000 manat məbləğində pul ödəməli idi. Lakin əvəzində onlar bizə çəkilişlər üçün avtobus verdilər".

"Sipark İnşaat”ın reklam xərclərini ödəməməsi qarşı tərəfə maddi və mənəvi ziyan vurub:

"Danışıqlara əsasən hər ay 7 min manat məbləğində pul ödəməli idilər. Mən onlara arayış da yollamışam. Təqribən iki ay, iki həftəyə qədər reklamları televiziyada gedib. Ödənişin də 50 faizi bizim, 50 faizi isə telekanalın olmalı idi. Axı mən də işçilərin əmək haqqını ödəməliyəm.

Onlarla danışmaq üçün dəfələrlə ofislərinə müraciət etdim. Lakin nə ofisdə, nə də telefonlarıma cavab verən oldu. Daha sonra Kənan bəyi tapdım və reklamı dayandırmaq haqqında söhbət apardım".
V.Təhməzov bildirib ki, qarşı tərəf müqaviləyə imza atmadığı üçün çıxılmaz vəziyyətdə qalıb. İndi o, aylardır müəyyən edilmiş məbləği şirkət rəsmisindən ala bilmir: “Onlar bizim ağlımıza gəlməyən formada dələduzluq etdilər. Rəsmi müqaviləni imzalamamaqla bizi məhkəməyə müraciət hüququndan məhrum etdilər. Amma yaxşı ki, aramızda telefon danışıqları var. Oradakı danışıqlarda bizə borclu olduğuqları və yaxın vaxtda ödəmələrinə söz verdikləri əks olunur. Səs yazılarını sizə də təqdim edirəm. Buyurub, aidiyyəti qurumlar bu səslərə qulaq asıb, ədalətli qərar versinlər”.

Məsələ ilə bağlı "Sipark İnşaat”ın mətbuat xidməti İradə Nurəddinqizi təmsil etdiyi qurumun heç kimə borclu olmadığını deyib. O, BakuPost-a bildirib ki, rəsmi müqavilə olmadığına görə onları kimsə dələduzluqda ittiham edə bilməz: “Arada heç bir müqavilə yoxdur. Amma şifahi razılaşma olub. Onlara bildirilib ki, əgər serial reytinqli olsa, şirkət sponsorluq edəcək. Amma serial çox zəif oldu, heç bir reytinq vermədi, ona görə də müqavilə bağlanmadı”.

Mətbuat sözcüsünün daha sonra dedikləri isə əslində, "Baku Art Lab"la "Sipark İnşaat” arasında əməkdaşlığın olduğunu təsdiqləyir: “Onlar seialda bizim reklamımızı ola bilsin ki veriblər. Əvəzində isə bizim əmlakımıza ziyan vurublar. Avtomobillərimizdən istifadə ediblər, məkanımızdan yararlanıblar”.

İ.Nurəddinqızı "Sipark İnşaat” rəhbərliyinin səs yazılarının olduğu, müqavilə və reklama görə borclu olmasını təsdiqləyən səs yazısı məsələsinə də münasibət bildirib: “Hansı səs yazısı? Bilirsiz ki, icazəsiz səs yazmaq qanunla qadağandır”.

Qeyd edək ki, bu, "Sipark İnşaat”la bağlı ilk hadisə deyil. Bundan əvvəl də serial çəkilişlərinə sponsor olması və pulu ödəməməsi barədə bir neçə fakt mövcuddur.

Ölkə.Az

ŞƏRH YAZ
0
BAĞLA