İndoneziya sahillərində qayıq aşdı

"Ölkə.Az" xəbər verir ki, Borneo adası sahilində baş verən qəzada 8 nəfər həlak olub, 22 nəfər isə yaralanıb. Bu barədə yerli xilasetmə xidməti məlumat verib.

İnsident sahilə yaxın ərazidə baş verib. Tarakan şəhərindən Tandjunqselor şəhərinə istiqamət götürən gəmi 10 dəqiqədən sonra dalğalara təslim olub və çevrilib.

Bildirilir ki, həlak olanların ikisi azyaşlılardır. Xəsarət alan 22 nəfər xəstəxanalara yerləşdirilib. Onlardan ikisi Almaniyadan olan turistlərdir. İnsident vaxtı gəminin göyərtəsində 51 nəfər olub. Hadisə şahidləri qeyd edir ki, qəza vaxtı dəniz sakit olub. Amma limanda gəmilər çox olduğu üçün dalğalar yarana bilərdi.

Hikmət Həsənov
Ölkə.Az