İnəyinin hərəkətinə görə cərimə ödədi

İnəyinin hərəkətinə görə cərimə ödədi
00:54
09.12.2019
1678
Maraqlı
A
Türkiyənin Kayseri bölgəsində inəyi maşın yoluna çıxan Duran Altunç yol polisi tərəfindən cəzalandırılıb.

"Ölkə.Az" bildirir ki, yol hərəkəti qaydalarının müvafiq maddəsinə uyğun olaraq ona 108 lirəlik cəza tətbiq olunub.  

Fermerliklə pul qazanan Duran Altunç başına gələnləri qeyri-real hesab edir. O, başına gələnləri belə izah edir:

“Belə bir cəza aldıq. İndiyə qədər görülməmiş cəza. Oğluma dedim ki, gedək, inəyimizə sürücülük vəsiqəsi alaq. Vəsiqəsi olsa, cəza yazmazlar. Əslində biz heç vaxt inəyi başsız buraxmamışıq. İndi deyirlər ki, maşın yoluna çıxıb. Eşidənlər buna inanmır. Hamı zəng edib soruşur ki, bu, doğrudan da olub

ŞƏRH YAZ
0

Son 10-15 il ərzində Azərbaycanda...

Son 10-15 il ərzində Azərbaycanda...
23:54
27.01.2020
243
Maraqlı
A
Cüzam bakterial infeksiyadır. Onun törədicisi vərəm çöpləri ilə çox oxşardır. Həmin xəstəlik isti ölkələrdə daha çox yayılıb. Mütəxəssislər bildirirlər ki, cüzam xəstəliyi səbəbindən vəfat edənlərin nəşləri yandırılmalıdır. Çünki cüzamın törədiciləri ən azı 2, ortalama isə 9-20 il ərzində sağ qala bilirlər. İnfeksiya hava-damcı vasitəsilə yoluxur.

"Ölkə.Az" bildirir ki, bu barədə AZƏRTAC-a həkim-dermatonevroloq Səbinə Əhmədova məlumat verib.

Bu xəstəliyin müxtəlif formalarının olduğunu deyən həkim-dermatonevroloq bildirib: "Xəstəliyin vərəmə oxşar olan tipi tuberkloid xoşxassəlidir. Daha ağır forması lipromatoz tipidir. Cüzamın digər forması isə dəqiqləşdirilməmiş tip adlanır və onun gedişatı həm vərəmə, həm də cüzama çox oxşayır. Son 10-15 il ərzində Azərbaycanda cüzamın ağır formalarına rast gəlinməyib. Ölkəmizdə dispanser qeydiyyatında olan cüzamlı xəstələrin əksəriyyəti yüngül və müalicəyə tabe olunan formadan əziyyət çəkirlər. Həmin xəstəliyə mübtəla olanlar Bakının Umbakı qəsəbəsi ərazisində yerləşən Respublika Cüzam Xəstəxanasında dövlət vəsaiti hesabına müalicə edilirlər".

Bu xəstəliyin yüngül tipi olan tuberkloid tipinin ləkələrlə, nadir hallarda isə düyüncüklərlə səciyyələndiyini vurğulayan Səbinə Əhmədova deyib: "Lipromatoz tip cüzam nəzərəçarpan klinik əlamətlərlə - "şir üzü" siması, caynaqlı, sallanan əl, pəncədə olan xoralar ilə xarakterizə olunur. Cüzamın bu forması bədxassəli sayılır və yoluxuculuğa daha çox meyillidir. Belə tipdən əziyyət çəkən xəstələr çox azdır. Xəstəliyin bu növü klinik baxımdan ləkələrlə səciyyələnir, müəyyən vaxtdan sonra isə həmin ləkələrin üzərində qabarcıqlar, yəni, lipromalar əmələ gəlir. Lipromalar üzərində hissiyyat - temperatur və ağrı hissiyyatı itir. Xəstələrdə həm nevroloji, həm də dermatoloji əlamətlər müşahidə olunur".

S.Əhmədovanın sözlərinə görə, cüzam daha çox immuniteti zəif olan insanlarda rast gəlinir, bruselyoz, vərəm, onkoloji xəstəliklərdən əziyyət çəkənlər və uşaqlar arasında yoluxma riski daha yüksəkdir. "Bu xəstəlik bakterial infeksiya olduğuna görə uzunmüddətli xüsusi antibiotiklərlə müalicə edilir. Cüzam xəstələri profilaktika üçün izolyasiya olunmalı, diaqnoz dəqiqləşdirilənə və onlar tam sağalana qədər xüsusi şəhərciklərdə saxlanmalıdırlar. Bütün dünyada olduğu kimi, Azərbaycanda da belə məkan mövcuddur və paytaxtın Umbakı qəsəbəsində yerləşir. Həmin şəhərcikdə xəstələr üçün hər bir şərait yaradılıb.

Azərbaycanda yaşam səviyyəsi, qida məhsullarının keyfiyyəti yüksək olduğundan ölkəmizdə belə xəstələrin sayı azdır. Çünki cüzam xəstələrinin sayının çoxluğu həmin ölkədə qida məhsullarının keyfiyyətinin və yaşayış səviyyəsinin aşağı olmasının göstəricisidir", - deyə həkim-dermatonevroloq qeyd edib.

Mütəxəssis bildirib ki, ata və ana cüzamlı olsalar da, ana bətnindəki uşaq sağlam olur. Çünki xəstəlik qan vasitəsilə anadan dölə keçmir.

ŞƏRH YAZ
0

Bakıda satışda olan ən bahalı 10 mənzil — FOTO/QİYMƏT

Bakıda satışda olan ən bahalı 10 mənzil
19:45
27.01.2020
916
Maraqlı
A
Ölkədə iqtisadi artım, urbanizasiya hər il yeni-yeni daşınmaz əmlak təkliflərinin sayının artmasına səbəb olur.

Bu sahədə ən böyük seçim Bakıda mövcuddur. Paytaxtda müştərilərə hər zövqə və qiymətə uyğun evlər və mənzillər təklif olunur.

"Ölkə.Az" BAKU.WS-in hazırladığı ən bahalı10 mənzil və evin siyahısını  təqdim edir.

1. Neftçilər prospektindəki səkkiz otaqlı mənzil, 1053 m² - 3,600,000 AZN

2. 28 May metro stansiyası yaxınlığında 5 otaqlı mənzil 480 m² - 3,500,000 AZN

3. Xətai metro stansiyasının yaxınlığında altı otaqlı mənzil, 400 m² - 3,400,000 AZN

4. Nəsimi metro stansiyasının yaxınlığında altı otaqlı mənzil, 400 m² - 3,400,000 AZN

5. Üzeyir Hacıbəyov küçəsindəki beş otaqlı mənzil, 418 m² - 3,030,303 AZN

6. Mərdəkan kəndindəki on otaqlı ev, 800 m² - 3.000.000 AZN

7. Nobel prospektində 5 otaqlı mənzil, 1045 m² - 3 000 000 AZN

8. Üzeyir Hacıbəyov küçəsində, 4 otaqlı mənzil, 265 m² - 2 555 000 AZN

9. İçərişəhər metro stansiyasının yaxınlığında 4 otaqlı mənzil, 330 m² - 2 500 000 AZN

10. Neftçilər prospektində beş otaqlı mənzil, 450 m² - 2 444 444 AZN

 
ŞƏRH YAZ
0
BAĞLA