İngilis fanatlar Portuqaliyada iğtişaş törətdilər — Fotolar + Video

İngilis fanatlar Portuqaliyada iğtişaş törətdilər
16:21
06.06.2019
1546
İdman
A
Bu gün axşam İngiltərə yığması Millətlər Liqası çərçivəsində Hollandiya yığması ilə yarımfinal oyunu keçirəcək.

“Ölkə.Az” xəbər verir ki, oyun Portuqaliyanın Qimaraynş şəhərində baş tutacaq. İngiltərə yığmasının oyunu başlamamış fanatlar artıq diqqət mərkəzinə düşüblər. Həm də bu məsələ Qimaraynşda yox, ondan 50 km uzaqdakı Portu şəhərində baş verib.

İğtişaşlar Portuqaliya və İsveçrə yığmalarının oyunu zamanı baş verib. Portunun mərkəzində, Liberdade meydanında oyunlara tamaşa etmək üçün fan-zonada böyük ekran quraşdırılıb. Buraya bir neçə min adam, o cümlədən 200 ingilis yığışıb.

İngilis mətbuatının xəbərinə əsasən, Kriştiano Ronaldo ilk qolu vuranda ingilislərin olduğu kütlədən portuqaliyalılara doğru boş şüşələr atılıb. Bundan başqa onlar öz kiçik ehtiyaclarını da elə səkidə ödəyiblər. Bundan sonra isə polis meydanı mühasirəyə alıb və ingilisləri fan-zonadan çıxarıb. Azarkaeşlər isə polisə şüşə və daş atıblar. Polis də onlara dəyənəklə cavab verib.

“BT Sport”un jurnalistlərindən biri hadisə yerindən video lentə alıb. Polisin hücumu zamanı isə yerli sakinlər əl çalıblar və ingilislərin ünvanına təhqir yağıdırıblar.

Fanatlardan birinin versiyası isə başqa cürdür: Ronaldonun qolu zamanı fan-zonada ingilislərdən biri şüşəni havaya atıb. Bu zaman isə polis ingilis dilində danışan hamıya hücum edib.

Digər tərəfdən isə, rəsmi versiyanı hadisə yerində olan digər bir azarkeş-Uill Byörns də təsdiqləyir. O, “Standard”a müsahibəsində belə deyib:

“Portuqaliyalı azarkeşlər oyuna ailələri ilə baxırdılar. Onların uşaq səsləri altında qaçmalarına və arxalarınca şüşələrin atılması, “İngiltərə əbədi” şüarını eşitmək dəhşətli idi”.

Polislə toqquşma oyunun sonuna qədər davam edib. Oyundan sonra ingilislər meydançaya qayıdıblar və rəqs etməyə başlayıblar. Polis onlara mane olmayıb. Nəticədə iki ingilis həbs edilib, iki nəfəri isə xəsarət alıb. İngiltərə Fubol Assosiasiyasının rəsmi bəyanatında baş verənlər qınanılır:

“İğtişaşa görə məsuliyyət daşıyan şəxslər özlərinə azarkeş deyə bilməzlər. Onları futbolda sevmirlər. Onlar öz komandalarını, azarkeşlərin böyük hissəsini biabır edirər”, - deyə bəyanatda bildirilir.

Eyni zamanda polisdə də bu insident müzakirə edilib. Portuqaliya polisinin şefi Mark Roberts bildirib ki, fanatların davranışı qəbuledilməzdir. Eyni zamanda bildirilir ki, bu, Portuda sutka ərzində ikinci hadisədir. Bir müddət əvvəl isə barda da dava düşüb.

Ölkə.Az

ŞƏRH YAZ
0

Azərbaycanlı idmançı küçəyə ALT PALTARINDA ÇIXDI — VİDEO

Azərbaycanlı idmançı küçəyə ALT PALTARINDA ÇIXDI
09:35
Bu gün
4419
İdman
A
Azərbaycan əsilli, Ukraynada yaşayan bodibilder Bahar Nəbiyevanın son paylaşımı müzakirələrə səbəb olub.

“Ölkə.Az” xəbər verir ki, o, məşqə gedərkən küçəyə qısa şortikdə çıxıb. Bahar videonu “İnstagram” səhifəsində paylaşıb. Onun görüntüsü qısa müddət ərzində 1.000 000 izləyici tərəfindən izlənilib.

Xatırladaq ki, Nəbiyevanın “İnstagram”da 3 milyon izləyicisi var. Onun sosial şəbəkələrdəki paylaşımlarını təkcə sadə istifadəçilər deyil, dünya ulduzları da izləyir.  Belə ki, məşhur ifaçılar Lil Wayne və 50 Cent dəfələrlə onun şəkillərinə, ona heyran olduqlarını bildirən şərhlər yazıblar

Qeyd edək ki, Bahar Nəbiyevanın 23 yaşı var. Onun atası azərbaycanlı, anası isə ukraynalıdır. O, Bakıda anadan olub və sonra ailəsi ilə birlikdə Ukraynaya köçüb.

Ölkə.Az

ŞƏRH YAZ
0

Azərbaycan klubları transferlərdən 100 min dollar ziyana düşüb — FİFA açıqladı

Azərbaycan klubları transferlərdən 100 min dollar ziyana düşüb
01:34
23.01.2020
2265
İdman
A
FİFA-nın 2019-cu ilin transferləri ilə bağlı hesabatı açıqlanıb.

"Ölkə.Az" apasport.az-a istinadən xəbər verir ki, il ərzində kişi futbolçuların transferlərinin ümumi məbləği 7,35 milyard dollar təşkil edib.

2018-ci illə (6,94 milyard) müqayisədə 5,8 faiz artan bu rəqəm yeni rekorddur. Ümumilikdə 18042 transfer rəsmiləşib. 2018-ci ildə bu rəqəm 16544-ə bərabər olub. 15463 futbolçunun keçidində 178 ölkə iştirak edib. Keçidlərdən 15357-si kompensasiyasız gerçəkləşib. 759 transferin qiyməti isə 100 min dollardan aşağı olub. 1093 transferin dəyəri 100 min – 1 milyon aralığında, 656 keçid 1-10 milyon, 176-sı daha yüksək olub.

1988 braziliyalı transfer olub. Onların dəyəri 925 milyon təşkil edib. 946 argentinalı 826,7 milyona satılıb. 

Azərbaycanın 11 futbol klubu 2019-cu ildə beynəlxalq transfer reallaşdırıb. Bu, 2018-ci illə müqayisədə 15,4 faiz azdır. Ölkəmiz bu göstəricidə dünyanın 111-cisidir. Rekord isə Braziliya məxsusdur. Bu ölkənin 306, Almaniyanın 144, İspaniyanın 130 klubu transferlərdə iştirak edib. Qitələrə gəlincə, UEFA-nın 1914, KONMEBOL-un 668 klubu transfer bazarına qatılıb.

2019-cu ildə Azərbaycana 72 futbolçu xaricdən transfer olunub. Bu, bir il əvvəlki ilə müqayisədə 6,5 faiz azdır. Ölkəmiz bu rəqəmə görə dünyanın 77-cisidir. Braziliya (831), İngiltərə (694) və Portuqaliya (654) ilk “üçlük”də yer alıb.

Ötən il 56 futbolçu Azərbaycandan xarici kluba keçib. 2018-ci illə müqayisədə bu rəqəm 3,4 faiz azdır. Nəticədə ölkəmiz dünyada 85-cidir. Braziliya (948), İngiltərə (874) və İspaniya (729) ilk “üçlük”də yer alıb

Klublarımızın il ərzində aldığı futbolçular üçün 400 min dollar xərcləyib. Bu, dünyada 59-cu göstəricidir. Bir il əvvəl bu rəqəm 83,3 faiz təşkil edirdi. İngiltərə (1518,7 milyon), İspaniya (1286,6 milyon) və İtaliya (873 milyon) futbolçu idxalına ən çox vəsait yatıranlardır.

Azərbaycandan gedən oyunçular klublarına 0,3 milyon dollar qazandırıb. Bu göstəricidə 81,1 faiz geriləyən ölkəmiz dünyada 98-cidir. İngiltərə (968,3), Fransa (935,3) və İspaniya (912,8) ön sıralarda yer alıb.

Azərbaycan klubları 2019-cu ildəki transferlərdən 100 min dollar ziyana düşüb. 400 minlik oyunçu alıb, 300 minlik satan təmsilçilərimiz mənfi saldoya imza atıb. Bu, dünyada 24-cü göstəricidir. Portuqaliya oyunçu satışından daha çox 384 milyon qazanıbsa, İngiltərə 549,9 milyon itirib.

Ölkə.Az

ŞƏRH YAZ
0
BAĞLA