KORONAVİRUSA YOLUXANLARIN SAYI - CANLI STATİSTİKA

İngilis fanatlar Portuqaliyada iğtişaş törətdilər — Fotolar + Video

İngilis fanatlar Portuqaliyada iğtişaş törətdilər
16:21
06.06.2019
1697
İdman
A
Bu gün axşam İngiltərə yığması Millətlər Liqası çərçivəsində Hollandiya yığması ilə yarımfinal oyunu keçirəcək.

“Ölkə.Az” xəbər verir ki, oyun Portuqaliyanın Qimaraynş şəhərində baş tutacaq. İngiltərə yığmasının oyunu başlamamış fanatlar artıq diqqət mərkəzinə düşüblər. Həm də bu məsələ Qimaraynşda yox, ondan 50 km uzaqdakı Portu şəhərində baş verib.

İğtişaşlar Portuqaliya və İsveçrə yığmalarının oyunu zamanı baş verib. Portunun mərkəzində, Liberdade meydanında oyunlara tamaşa etmək üçün fan-zonada böyük ekran quraşdırılıb. Buraya bir neçə min adam, o cümlədən 200 ingilis yığışıb.

İngilis mətbuatının xəbərinə əsasən, Kriştiano Ronaldo ilk qolu vuranda ingilislərin olduğu kütlədən portuqaliyalılara doğru boş şüşələr atılıb. Bundan başqa onlar öz kiçik ehtiyaclarını da elə səkidə ödəyiblər. Bundan sonra isə polis meydanı mühasirəyə alıb və ingilisləri fan-zonadan çıxarıb. Azarkaeşlər isə polisə şüşə və daş atıblar. Polis də onlara dəyənəklə cavab verib.

“BT Sport”un jurnalistlərindən biri hadisə yerindən video lentə alıb. Polisin hücumu zamanı isə yerli sakinlər əl çalıblar və ingilislərin ünvanına təhqir yağıdırıblar.

Fanatlardan birinin versiyası isə başqa cürdür: Ronaldonun qolu zamanı fan-zonada ingilislərdən biri şüşəni havaya atıb. Bu zaman isə polis ingilis dilində danışan hamıya hücum edib.

Digər tərəfdən isə, rəsmi versiyanı hadisə yerində olan digər bir azarkeş-Uill Byörns də təsdiqləyir. O, “Standard”a müsahibəsində belə deyib:

“Portuqaliyalı azarkeşlər oyuna ailələri ilə baxırdılar. Onların uşaq səsləri altında qaçmalarına və arxalarınca şüşələrin atılması, “İngiltərə əbədi” şüarını eşitmək dəhşətli idi”.

Polislə toqquşma oyunun sonuna qədər davam edib. Oyundan sonra ingilislər meydançaya qayıdıblar və rəqs etməyə başlayıblar. Polis onlara mane olmayıb. Nəticədə iki ingilis həbs edilib, iki nəfəri isə xəsarət alıb. İngiltərə Fubol Assosiasiyasının rəsmi bəyanatında baş verənlər qınanılır:

“İğtişaşa görə məsuliyyət daşıyan şəxslər özlərinə azarkeş deyə bilməzlər. Onları futbolda sevmirlər. Onlar öz komandalarını, azarkeşlərin böyük hissəsini biabır edirər”, - deyə bəyanatda bildirilir.

Eyni zamanda polisdə də bu insident müzakirə edilib. Portuqaliya polisinin şefi Mark Roberts bildirib ki, fanatların davranışı qəbuledilməzdir. Eyni zamanda bildirilir ki, bu, Portuda sutka ərzində ikinci hadisədir. Bir müddət əvvəl isə barda da dava düşüb.

Ölkə.Az

ŞƏRH YAZ
0

Tanınmış futbolçunun restoranı xəstəxanalar üçün yemək hazırlayır

Tanınmış futbolçunun restoranı xəstəxanalar üçün yemək hazırlayır
08:05
Bu gün
358
İdman
A
İtaliyanın "Napoli" klubunun futbolçusu Arkadiuş Milik xeyirxah addımı ilə gündəmə gəlib.

"Ölkə.Az"ın məlumatına görə, polşalı hücumçunun ölkəsinin Katovitse şəhərindəki restoranı koronavirus pandemiyası ilə bağlı yaranmış vəziyyətlə əlaqədar xəstəxanaları yeməklə təmin edir.

Bu barədə 28 yaşlı forvard özünün şəxsi "Instagram" hesabında paylaşım edib. Hazırda məkan ziyarətçilər üçün qapalı olsa da, şəhərdəki tibb müəssisələrinə yemək çatdırır.

İndiyədək Polşada 1 771 nəfər koronavirusa yoluxub. Onlardan 20-si dünyasını dəyişib. 

Qeyd edək ki, Arkadiuş Milik 2016-cı ilin yayından "Napoli"də çıxış edir.

ŞƏRH YAZ
0

Tokio olimpiadasının başlayacağı tarix açıqlandı

Tokio olimpiadasının başlayacağı tarix açıqlandı
14:20
29.03.2020
463
İdman
A
Koronavirus (COVID-19) pandemiyasına görə təxirə salınmış Tokio Yay Olimpiya Oyunlarının keçiriləcəyi vaxt məlum oldu.

"Ölkə.Az" oxu.az-a istinadən xəbər verir ki, Olimpiadanın açılış mərasimi 23 iyul 2021-ci ildə olacaq. Rəsmi qərar isə bu gün - Beynəlxalq Olimpiya Komitəsinin keçirəcəyi təcili görüşdə elan olunacaq.

Xatırladaq ki, təxirə salınmış Tokio-2020 Yay Olimpiya Oyunları 24 iyul - 9 avqustda keçirilməli idi. 

Ölkə.Az

ŞƏRH YAZ
0
BAĞLA