İngiltərə Millətlər Liqasında 3-cü yeri tutub

İngiltərə Millətlər Liqasında 3-cü yeri tutub
22:48
09.06.2019
454
İdman
A
UEFA Millətlər Liqasında 3-cü yerin sahibi müəyyənləşib.

"Ölkə.Az" bildirir ki, bu, İngiltərə yığmasıdır. Qaret Sautgeytin baş məşqçi olduğu kollektiv İsveçrəni penaltilər seriyasında məğlub etməyi bacarıb.

Görüşün əsas və əlavə vaxtında qol vurulmayıb. 84-cü dəqiqədə İngiltərə millisinin hücumu zamanı qol vurulsa da, VAR-a müraciətdən sonra epizod zamanı qayda pozuntusuna yol verildiyi təsbit olunub.

Penaltilər seriyasında isə İsveçrə yığmasının futbolçusu Yosip Drmiç 6-cı zərbəni yerinə yetirilərkən, rəqib qapıçı Cordan Pikford topu qaytarıb. İngiltərə isə bunadək 6 zərbənin hamısında dəqiq olduğu üçün qalib gəlib - 6:5.

Qeyd edək ki, Millətlər Liqasının qalibi saat 22:45-də Portuqaliya və Hollandiya arasında keçiriləcək final matçının yekununda müəyyənləşəcək.

Ölkə.Az

ŞƏRH YAZ
0

Mikayıl Cabbarov yenidən federasiya prezidenti seçilib

Mikayıl Cabbarov yenidən federasiya prezidenti seçilib
00:16
Bu gün
202
İdman
A
Bu gün Azərbaycan Badminton Federasiyasının növbəti hesabat-seçki konfransı keçirilib.

"Ölkə.Az" report-a istinadən xəbər verir ki, konfransda Milli Olimpiya Komitəsinin vitse-prezidenti Çingiz Hüseynzadə,Gənclər və İdman Nazirliyinin səlahiyyətli nümayəndəsi Dəniyar Teymurlu,Azərbaycan Badminton Federasiyasının prezidenti Mikayıl Cabbarov, federasiyanın rəsmi şəxsləri, idmançı və məşqçi heyəti iştirak edib.

Milli Qurtuluş Günü münasibətilə hər kəsi təbrik edən Çingiz Hüseynzadə ötən 4 il ərzində Azərbaycan Badminton Federasiyasının kifayət qədər tərəqqi etdiyini bildirib. MOK-un vitse-prezidenti xüsusilə badminton üzrə beynəlxalq turnirin Bakıda keçirilməsinin bu idman növünün gələcək inkişafı baxımından böyük əhəmiyyətə malik olduğunu bildirib.

Konfransda Azərbaycan Badminton Federasiyasının prezidenti vəzifəsinə seçki də keçirilib.Konfrans nümayəndələri Mikayıl Cabbarovu növbəti 4 il müddətinə Azərbaycan Badminton Federasiyası prezidenti vəzifəsinə seçiblər. Hesabat-seçki konfransında keçirilən səsverməyə əsasən Mirzə Orucov, Emin Zeynalov, Balakişi Qasımov növbəti 4 il müddətində vitse-prezident, Nəsimi Musayev isə baş katib vəzifəsini icra edəcək.

Ölkə.Az

ŞƏRH YAZ
0

Ukrayna dünya çempionu oldu — VİDEO

Ukrayna dünya çempionu oldu
23:24
15.06.2019
340
İdman
A
20 yaşadək futbolçular arasında dünya çempionatı başa çatıb.

“Ölkə.Az” xəbər verir ki, mundialın finalında Ukrayna və Cənmubi Koreya milliləri qarşılaşıb.

Ukrayna komandası 3:1 hesablı qələbə qazanaraq dünya çempionu olub.

Xatırladaq ki, turnirin bürünc medalını İtaliyanı 1:0 hesabı ilə məğlub edən Ekvador qazanıb.

Ukrayna U-20 - Cənubi Koreya U-20 - 3:1

Qollar: Lee, 5-pen (0:1), Supriaqa, 34 (1:1), 53 (2:1), Tsitasişvili, 89 (3:1)

Ölkə.Az

ŞƏRH YAZ
0
BAĞLA