İngiltərə və Kolumbiya milliləri qarşılaşırlar

İngiltərə və Kolumbiya milliləri qarşılaşırlar
22:18
03.07.2018
667
İdman
A
İyulun 3-də Rusiyada keçirilən futbol üzrə XXI dünya çempionatının səkkizdəbir final mərhələsinin sonuncu oyununda İngiltərə və Kolumbiya milliləri qarşılaşırlar.

"Ölkə.Az" xəbər verir ki, Moskvadakı “Spartak” stadionunda keçirilən görüşdə İngiltərə yığmasının heyətində meydana Cordan Pikford, Kayl Uolker, Con Stouns, Harri Maquir, Eşli Yanq, Cess Linqard, Cordan Henderson, Dele Alli, Kieran Tripper, Rahim Sterlinq və Harri Keyn çıxıblar.

Kolumbiya yığmasının ilk onbirliyində isə David Ospina, Santiaqo Arias, Yeri Mina, Davinson Sançez, Xohan Moxika, Vilmar Barrios, Karlos Sançez, Cefferson Lerma, Xuan Kuadrado, Xuan Kuintero və Radamel Falkao yer alıblar.

ABŞ-dan olan referi Mark Qeyqerin idarə etdiyi oyunun qalibi dörddəbir finalda İsveç yığması ilə qarşılaşacaq.

Qeyd edək ki, bu oyuna qədər komandalar dördü yoldaşlıq görüşü olmaqla beş dəfə üz-üzə gəliblər. Bu görüşlərin üçündə ingilislər qalib gəliblər, iki oyun isə heç-heçə başa çatıb. Yeganə rəsmi qarşılaşma 1998-ci ildəki dünya çempionatında oynanılıb. Qrup mərhələsinə təsadüf edən oyunda İngiltərə yığması 2:0 hesabı ilə qalib gəlib.

Ölkə.Az

ŞƏRH YAZ
0

Bu gün "Qarabağ"ın rəqibi müəyyənləşəcək

Bu gün
09:00
Bu gün
840
İdman
A
Bu gün Çempionlar Liqasında I təsnifat mərhələsinin cavab oyunları start götürəcək.

"Ölkə.Az"ın məlumatına görə, ilk oyun günündə 10 qarşılaşma baş tutacaq.

Azərbaycan çempionu "Qarabağ"ın potensial rəqibləri Maltanın "Valetta" klubu və Albaniya "Kukesi"si üz-üzə gələcəklər. Bu komandalar arasında baş tutan ilk qarşılaşma qolsuz bərabərliklə yekunlaşıb.

Bu gün həmçinin "Qarabağ" - "Olimpiaya" cütündə məğlub olacaq komandanın da Avropa Liqasının II təsnifat mərhələsindəki rəqibi bəlli olacaq. İlk oyunda Şimali İrlandiya "Kruzaders”ini 7:0 hesabı ilə darmadağın edən Bolqarıstanın "Ludoqorets” komandası, böyük ehtimalla, Çempionlar Liqasında növbəti mərhələyə vəqisə qazanacaq. "Kruzaders” isə möcüzə baş verməsə, Avropa Liqasının II təsnifat mərhələsində çıxış edəcək.

Qeyd edək ki, ilk matçda rəqibini 1:0 hesabı ilə məğlub edən "Qarabağ" iyulun 19-da Çempionlar Liqasının I təsnifat mərhələsinin cavab matçında Sloveniya "Olimpiya"sı ilə üz-üzə gələcək. Tofiq Bəhramov adına Respublika stadionunda keçiriləcək matç saat 21:00-da başlanacaq.

Çempionlar Liqası

I təsnifat mərhələsi, cavab oyunları

17 iyul

20:00. "Valletta” (Malta) - "Kukesi” (Albaniya)

İlk oyun - 0:0

20:00. HİK (Helsinki, Finlandiya) - "Vikinqur” (Farer Adaları)

İlk oyun – 2:1

21:00. "Hapoel” (Beer-Şeva, İsrail) - "Flora” (Tallin, Estoniya)

İlk oyun – 4:1

21:00. "Malmö” (İsveç) - "Drita” (Kosovo)

Ilk oyun – 3:0

21:00. APOEL (Kipr) - "Suduva” (Litva)

İlk oyun - 1:3

22:00. TNS (Uels) - "Şkendiya” (Makedoniya)

İlk oyun – 0:5

22:15. "Videoton” (Macarıstan) - "Düdelanj” (Lüksemburq)

İlk oyun – 1:1

22:30. "Srvena Zvezda” (Serbiya) - "Spartak” (Latviya)

İlk oyun - 0:0

23:00. "Legiya” (Varşava, Polşa) - "Kork Siti” (İrlandiya)

İlk oyun – 1:0

23:00. "Kruzaders” (Şimali İrlandiya) - "Ludoqorets” (Bolqarıstan)

İlk oyun - 0:7

ŞƏRH YAZ
0

"Şumaxerin yaxşılaşma şansı çox azdır" — Belçikalı həkim

22:34
16.07.2018
1319
İdman
A
Məşhur Belçika nevroloq Steven Laureys sabiq Formula1 pilotu Mixael Şumaxerin vəziyyəti ilə bağlı verdiyi açıqlamada ulduz üçün yaxşı xəbərlər gözləməməyi tövsiyə etdi.

"Ölkə.Az" xəbər verir ki, dörd il yarım bundan əvvəl Fransadakı Alp dağlarında xizək qəzasından sonra reabilitasiya prosesini davam etdirən ulduz pilot haqqında ümidli ifadələr işlətməyən Laureys, bunları söyləyib:

"Mixael Şumaxer artıq tibbi baxımdan komada deyil. Koma bir neçə həftə davam edən bir prosesdir. Komadan çıxıb yaxşılaşmaq ancaq qısa zamanda mümkün ola bilir. Beyin bu prosesi bir il və ya daha uzun müddətdə də həyata keçirə bilir. Lakin gərgin reabilitasiya proseduruna baxmayaraq Şumaxerin inkişafı çox zəif gedir və vəziyyəti heç də yaxşı deyil. Vaxt bizə qarşı işləyir. Onun yaxşılaşma şansı çox azdır".

Ölkə.Az

ŞƏRH YAZ
0
BAĞLA