İngiltərədə pələng zoopark əməkdaşını parçaladı
İngiltərədə zooparkda faciə baş verib.
“Ölkə.Az” xəbər verir ki, Kembric qraflığında heyvanxanada pələng ona qulluq edən qadını parçalayıb. Hadisə "Hamerton Zoo" heyvanat parkında qeydə alınıb. Zooparkın əməkdaşı pələngə baxmaq üçün qəfəsə girib. Bu zaman vəhşi heyvan ona hücum edib. Səsə gələn digər əməkdaşlar qəfəsə girənə qədər pələng qadını parçalayıb.
Heyvanxananın direktoru açıqlamasında bildirib ki, bu ilk hadisədir: “Bu hadisə hamımızı sarsıtdı. İlk dəfədir ki, belə bir hadisə baş verir. Bədbəxt hadisəyə görə çox məyus olmuşuq”.
Hadisə yerinə polis çağırılıb. Faktla bağlı araşdırmalar başlanılıb. Hadisə araşdırılana qədər heyvanxana bağlı olacaq. Pələngin taleyi ilə bağlı məlumat verilməyib.
Ziya Səccad
Ölkə.Az
