İngiltərənin baş naziri: "Hücumçunun şəxsiyyəti məlumdur"
İngiltərənin baş naziri Tereza Mey bütün dünyada canlı yayımlanan mətbuat konfransında Mançesteri qana boyayan terrorçunun şəxsiyyətinin məlum olduğunu bildirib.
"Ölkə.Az" xəbər verir ki, rus mətbuatı hücuma görə İŞİD terror qruplaşmasının məsuliyyəti öz boynuna götürdüyünü yazır.
İngiltərənin baş naziri Tereza Mey dünyanın ən böyük xəbər kanalları tərəfindən canlı yayımlanan mətbuat konfransında partlayışın İngiltərənin şimalındakı ən pis hücum olduğunu bildirib.
Mey deyib: "Hücumçunun şəxsiyyəti məlumdur. Onun tək hərəkət edib-etmədiyi araşdırılır". İstintaq davam etdiyi üçün baş nazir hələ ki, terrorçunun şəxsiyyətini açıqlamayıb.
Hikmət
Ölkə.Az
