KORONAVİRUSA YOLUXANLARIN SAYI - CANLI STATİSTİKA

İnsanı kasıb edən SƏBƏBLƏR — Oxuduqca dəhşətə gələcəksiniz

İnsanı kasıb edən SƏBƏBLƏR
01:37
23.05.2020
4284
Maraqlı
A
Yoxsulluq təkcə maddi vəsaitin çatışmazlığı deyil, insanın özündə formalaşdıra bilmədiyi yüksək keyfiyyətlər, zamanla ayaqlaşa bilmə bacarığı, özünə yaxşı ətraf yaratması cəhətlərinin olmaması da mənəvi yoxsulluqdur. Əgər fiziki, mənəvi pis vərdişlərdən insan özünü xilas edə bilsə, o zaman zənginlik və firavanlıq özü onun qapısını döyəcək. Psixoloqlar kasıb insanları 12 il müşahidə etdikdən sonra onları yoxsulluq içində çabalamağa vadar edən səbəbləri tapıblar. Bunlar insanların özlərində formalaşdırdığı vərdiş və komplekslərdir.

Həmin səbəbləri diqqətinizə çatdırırıq:

1. Başqalarını günahlandırmaq – kasıblar heç vaxt günahı özlərində görmürlər. Məsuliyyətdən yaxa qurtarmaq üçün özlərindən başqa hər kəsi, hətta zəmanəni də günahlandırırlar.

2. Vaxtı uzatmaq – yüz ölçüb bir biçmək yaxşı şeydir, amma vaxtın qızıl olduğunu da unutmaq olmaz. Vaxt keçir və insan özünə sual verməlidir ki, mən nə etmişəm, bundan sonra nə edə bilərəm?

3. Aza qane olmaq – kasıb insanlar risk etməyə qorxurlar. Daha doğrusu, risk etməyə qorxan elə kaslb qalır. Əlindəki cüzi miqdardan milyonçu olan keçmiş kasıblar da az deyil. Ümumilikdə isə maaşdan maaşa dolanaraq, aza qane olmağa özlərini öyrədirlər. Əslində isə insan özünü daha yaxşı həyata layiq hesab etsə, silkinib qalxa bilər.

4. Pulsuz oxumaq – kasıblar pulsuz təhsilə, treninqə, kurslara yazılmaq istəyirlər. Amma hamı bilir ki, cibindən pul vermədiyin müəllimə heç kim qulaq asmır. Məsələn, orta məktəblərdə keçilən dərsləri repetitor da keçir. Əlavə nəsə öyrətmir ki? Sadəcə repetitora pul verildiyi üçün, boşa getməsin deyə canına əziyyət verib oxuyurlar. Amma məktəb pulsuz olur. Ona görə də xarici ölkələrdə pullu təhsil və kurslar daha uğurlu sayılır. Həm də belə yerlərdə keyfiyyət göstəricisi də yüksək olur.

5. Özünə yazığı gəlmək – kasıb insan özünə həmişə acıyıb, özünü öz gözündən salıb. Bunu ilk sadalanan səbəblə də bağlamaq olar – “öz zamanımda doğulmamışam, mən başqa ölkənin vətəndaşı olmalıydım, ailəm, arxam olmayıb” və s. Düzdür, öz ölkəsində uğursuzluğa düçar olub, başqa ölkələrdə şöhrət tapanlar da var, amma bunun üçün də gərək cəhd edəsən. Yerindəcə oturub “mən amerikalı olmalıydım” deməklə olmur. Gərək amerikalı olmağa cəhd göstərəsən. Çox vaxt isə xarici qüsurlarını günahlandırırlar: qısa boyun, çirkin üzün, yöndəmsiz bədən quruluşunun ona mane olduğunu deyirlər. Lakin tarix də göstərir ki, zirvəyə qalxmaq, dövlətli olmaq istəyən çirkin vücudundan “seks simvolu” da yarada bilər.

6. Taleyindən gileylənmək – kasıb adamın ən “sevdiyi” məşğuliyyətdir. Oturub-durub fələyi, zəmanəni, qara bəxtini söyən adamdan nəsə uğur gözləməyə gərək yoxdur. Çünki gileylənməkdən başı açılmır. Düşünən insan isə taleyin hər zərbəsini bir fürsət bilir. Onu yıxılmaq qorxutmur, əksinə hər yıxılanda daha möhtəşəm dikələ bilir.

7. Başqaları nə deyər – düşüncəsi kasıbın “belini qıran” ən əsas yanlışlardandır. Uğurlu insanlar başqalarının nə dediyinə baxmadan öz ağlı ilə hərəkət edən, öz istəyinə çatanlardır. Kasıb isə ətrafından, cəmiyyətdən çox asılıdır. Üstəlik bu “başqaları” da qətiyyən uğurlu insan deyillər. Elə özü kimi addım atmağa qorxanlardır.

8. Pulu boşa xərcləmək – burda deyə bilərsiniz ki, kasıbın xərcləməyə pulu varmı? Elə məsələ də bundadır: əlində olan-qalanı da xərcləyir. “Onsuz da qəpik-quruşdan nə olacaq ki?”, deyərək hər xırda şeyi alıb evi doldurur. Ağlına da gəlmir ki, o xırda pullar illərlə də olsa yığılıb xeyli pul ola bilər. Dama-dama göl olmaq məsələsi…

9. Sevmədiyi işlə məşğul olmaq – maaşı bəhanə edib sevmədiyi işlə məşğul olmaq da geniş yayılmış səbəblərdəndir. Sevdiyi və bacardığı işin qulpundan yapışmaq yerinə qohum-əqrəbaya görk olmaq üçün hər gün ayaqlarını sürüyə-sürüyə işə yollanmağa hazırdır. Yalnız həftəsonlarının xəyalı ilə yaşayır, rəhbərliyi söyür, bacardığı işin dalınca isə getməyə cəsarəti çatmır. Bunun üçün onun daim əl altında olan bəhanələri var.

10. Başqasının həyatı ilə yaşamaq – varlı ədəbiyyat oxuyub özünü maarifləndirir, kasıb isə oxuyub özünü qəhrəmanların yerinə qoyur. Ya da oturub seriala baxır, sonra sanki öz qonşusu, qohumu imiş kimi onu müzakirə edir. Serial bitdikdən sonra isə şou-proqramlara baxıb müğənni və aktrisaların taleyi ilə maraqlanır. Kasıb xəyallarla yaşayır, öz kumirlərinin uğurlarından zövq alır, özü isə ömrünün kərpic-kərpic sökülməsinə əhəmiyyət vermir. publika.az

ŞƏRH YAZ
0

Qaraciyərin ''dostu'' sayılan QİDALAR BUNLARDIR

Qaraciyərin ''dostu'' sayılan QİDALAR BUNLARDIR
14:19
13.07.2020
2843
Maraqlı
A
Qaraciyərin yağlanmasının qarşısının alınmaması serroz və ya xərçəng xəstəliyinə gətirib çıxarır.

''Ölkə.Az'' xəbər verir ki, türkiyəli həkim Onur Yaprak qaraciyəri qorumazsaq ağır xəstəliklərlə üz-üzə qalacağımız barədə xəbərdarlıq edib. Qaraciyəri qorumaq üçün ona dost sayıla biləcək faydalı qidalar qəbul etməli və zərərli olanlardan da uzaq durmalıyıq. Karbohidratla zəngin hazır yeməkləri və doymuş yağ tərkibli qidaları azaltmalıyıq. Araşdırmalar göstərir ki, zərərli qidalar sayəsində hər üç nəfərdən birində qaraciyər yağlanmasına rast gəlinir. Belə ki, qaraciyəri yağlanan və iltihablanan insanın 10 il ərzində serroza və ya xərçəngə tutulma riski yüksəkdir. Spirtli içkilərdən başqa oturaq həyat tərzi və yüksək xolestrol qaraciyərə pis təsir etməkdədir. Omega-3, vitamin A, vitamin E tərkibli və zeytun yağı ilə hazırlanmış qidalar qaraciyərin dostu hesab edilir. 

Qaraciyərin sağlamlığı üçün faydalı olan 3 məhsul - AgroExpert

Ölkə.Az

ŞƏRH YAZ
0

"Porshe"nin elektromobil modeli istehsal edildi

09:15
13.07.2020
3034
Maraqlı
A
Volkswagen ən ucuz elektromobil olan Porshe Taycanın yeni versiyasını Çində təqdim edib.

"Ölkə.Az" ted.az-a istinadən bildirir ki, yeni elektromobil iki fərqli batareya və güc seçiminə sahibdir.

Performance Battery adlı 79.2 kWh-lıq batareya 408 at gücündədir. Standart batareya isə 414 kilometr məsafə qət etməyə imkan veririr.

Performance Battery Plus adlı ikinci batareya ilə 489 kilometr məsafə qət etmək mümkün olacaq.

Yeni modelin ilkin qiyməti 125 min dollardır. Daha böyük batareyalı versiya isə 135 min dollara satılacaq.

Ölkə.Az

ŞƏRH YAZ
0
BAĞLA