\"İnsanları küçələrə çıxaran Əli Kərimli meydanda yox idi\"
Bunu “Ölkə.Az”a açıqlamasında deputat İlham Məmmədov deyib.
Onun sözlərinə görə, Azərbaycanda vətəndaşların sərbəst toplaşmaq hüququ təmin olunur və bu məqsədlə təkcə paytaxt Bakıda deyil, respublikanın bütün rayon və şəhərlərində vətəndaşlara öz düşüncələrini ifadə etmək üçün yerlər ayrılıb. “Hakimiyət fərq qoymadan istənilən qüvvəyə dinc, qaydalara riayət etməklə, ictimai asayişi pozmadan aksiyaların keçirilməsinə icazə verir. Bakı Şəhər İcra Hakimiyyəti qanunvericiliyin tələblərinə uyğun olaraq, AXCP və Milli Şuranın keçirmək istədiyi piketə icazə verdi. Lakin hər zaman ölkədə ictimai asayişi pozub, xaos yaratmaq istiqamətində təxribatçı fəaliyyəti ilə seçilən AXCP və Milli Şura bu dəfə də ənənəsinə sadiq qalaraq. xaricdəki anti-Azərbaycan qüvvələrin sifarişlərini yerinə yetirmək, sədaqətini sübut etmək üçün növbəti cəhdini etdi. Aksiyanın keçirilməsi üçün yerin ayrılmasına baxmayaraq, dağıdıcı müxalifət qanunların tələblərinə əməl etmədən və onu kobud surətdə pozaraq yenə də təxribata əl atıb, ictimai asayişi pozmağa çalışdı. Aksiya iştirakçıları qəsdən qaydaları pozmaqla polisi hansısa məcburi hərəkət etməyə çalışırdılar. Lakin onların bu təxribatçı hərəkətlərinə baxmayaraq, polis təmkinini pozmadan öz vəzifə borcunu yerinə yetirirdi, qanunu pozan insanlarla normal rəftar edirdi. Onları qanunun tələblərin riyaət etməyə dəvət edirdilər”- deputat qeyd edib.
O əlavə edib ki, insanları küçələrə çıxaran Əli Kərimli isə meydanda yox idi.
“O tərəfdarlarını dinc aksiya keçirib, qaydalara riyaət etmək əvəzində tərəfdarlarına ictimai asayişi pozmaq, təxribata əl atıb ətrafdakıların diqqətini özünə cəlb edib, həmçinin videoçəkilişlər edib paylaşmalar yolu ilə ajiotaj yaratmaq təlimatı verib insanları küçələrə saldı, özü isə gizləndi. Ortalıqda görünmədi. Azərbaycan cəmiyyəti onların bu hərəkətini pislədi və ictimai asayişi pozmaqda ittiham etdi. Görüşdüyümüz insanlar müvafiq dövlət qurumları aksiya təşkilatçılarını təxribatçı fəaliyyətinə görə məsuliyyətə cəlb olunmasını biz deputatlardan tələb edirlər. Onlar dünənki hərəkətləri ilə bir daha özlərini ifşa etdi. Özlərini bu dövlətin, xalqın deyil, Azərbaycan düşmən qüvvələrin sadiq nökər olduqlarını sübut etdilər”, - deyə İ.Məmmədov deyib.
Mürtəza
Ölkə.Az
