\"İnstaqram\"dan yenilik
İnstaqram sosial şəbəkəsi daha bir yeniliyə imza atıb.
“Ölkə.Az” xəbər verir ki, bundan sonra istifadəçilərin paylaşdıqları foto və videoların neçə nəfər tərəfindən bəyənildiyi görünməyəcək.
Belə ki, paylaşılan foto və video altında yalnız bir ad görünəcək və yanında bəyənmə sayının əvəzinə “başqaları” ifadəsi olacaq. Paylaşımların kimlər tərəfindən bəyənildiyini görmək üçün İstifadəçilər “başqaları” sözünə baxmalı olacaqlar.
Yeniliyin məqsədi istifadəçilərin paylaşımlarının məzmununa daha çox diqqət yetirməsidir.
Hazırda bu yenilik Avstraliya, Braziliya, Kanada, İrlandiya, İtaliya, Yaponiya və Yeni Zelandiyada sınaqdan keçirilir.
Vüsalə Balayeva
Ölkə.Az
