İnstaqramın yaradıcıları istefa verdilər

İnstaqramın yaradıcıları istefa verdilər
19:17
25.09.2018
2665
Dünya
A
İnstaqram sosial şəbəkəsini yaradan Kevin Sistrom və Mayk Kriqer istefa veriblər.

“Ölkə.Az” xəbər verir ki, Kevin və Mayk yaxın həftələrdə şirkəti tərk etmək niyyətindədirlər.

Sistrom bu barədə şəxsi səhifəsində məlumat verib:

“Mayk və mən İnstaqramda son 8, “Facebook” komandası ilə keçirdiyimiz son 6 ilə görə təşəkkür edirik. Hazırda biz həyatımızda yeniliklərə hazırlaşırıq”.
Sistrom qeyd edib ki, istirahətdən sonra yeni və kreativ ideyalara hazırlaşırlar.

Şirkətin rəhbərliyi istefa xəbəri ilə bağlı hələ ki, açıqlama verməyib. Bununla belə, Sistrom və Kriqerin istefası İnstaqramın gələcəyini sual altında qoyur.

Hikmət Həsənov
Ölkə.Az

ŞƏRH YAZ
1

Misir azərbaycanlı dənizçini sərbəst buraxıb

Misir azərbaycanlı dənizçini sərbəst buraxıb
19:59
26.05.2019
610
Dünya
A
Misirdə girov saxlanılan “Sea Shark” tankerinin heyət üzvləri sərbəst buraxılıb.

"Ölkə.Az" xəbər verir ki, “Ukrainskaya pravda” nəşrinin məlumatına görə, onların arasında Azərbaycan vətəndaşı da olub.

Tankerin heyəti 31 nəfərdən ibarət olub. Onların əksəriyyəti Ukrayna vətəndaşlarıdır.

Qeyd edək ki, tanker ötən ilin dekabr ayında Misir Hərbi-Dəniz Donanması tərəfindən saxlanılıb. Misirin müvafiq strukturları gəmiyə 11 milyon barel neftin qanunsuz yükləndiyini iddia edib. Misirin ərazi sularına qanunsuz daxil olduğuna görə tankerin sahibinə qarşı 56 milyon dollarlıq iddia qaldırılıb.

Ölkə.Az

ŞƏRH YAZ
0

Bolqarıstanda təyyarə qəzası baş verib — Ölənlər var

Bolqarıstanda təyyarə qəzası baş verib
18:47
26.05.2019
333
Dünya
A
Bolqarıstanda təyyarə qəzası baş verib.

"Ölkə.Az" Türkiyə mediasına istinadən xəbər verir ki, hadisə İxtiman şəhərində qeydə alınıb. Yüngül mühərrikli təyyarənin qəzaya uğraması nəticəsində 2 nəfər həlak olub. Ölənlərin sərnişin və heyət üzvü olduğu bildirilir.

Hadisə yerinə təcili xidmətlərin əməkdaşları cəlb edilib. Qəzanın başvermə səbəbi araşdırılır.

Ölkə.Az

ŞƏRH YAZ
0
BAĞLA