"İnternetdə söyüşə blok qoyulsun" — Çingiz Abdullayevdən TƏKLİF

15:32
21.09.2019
4902
Ölkə
A
Xalq yazıçısı Çingiz Abdullayev internet resurslarda Azərbaycan dilində olan söyüş, nalayiq ifadələrinə blok qoyulmasını təklif edir.

Bunu "Ölkə. Az"a açıqlamasında  xalq yazıçısı Çingiz Abdullayev deyib.

"Onun sözlərinə görə, başqa dillərdə işlədilən söyüş və nalayiq ifadələrə "Facebook"da və digər internet resurslarında blok qoyulur. "Ola bilsin ki, internet resursları, sosial şəbəkələr Azərbaycan dilində olan söyüş və nalayiq ifadələri tanımadığından blok qoya bilmir. Təklif edirəm ki, Azərbaycan dilində olan söyüş və nalayiq ifadələrə blok qoyulması ilə bağlı işçi qrup yaradılmalıdır.  İşçi qrup internet resurslar və sosial şəbəkələrin sahibləri ilə danışıqlar aparmalıdir ki, Azərbaycan dilində olan söyüş, nalayiq ifadələrə avtomatik blok qoysun. Həmin səpkidə verilən verilişlər qadağa olunsun"- Ç.Abdullayev bildirib.

O əlavə edib ki, biz ancaq bu yolla sosial media və internet resurslarında söyüş, təhqir, böhtan xarakterli verilişlərin qarşısını ala bilərik.

Mürtəza 
Ölkə.Az

ŞƏRH YAZ
0

Bu gün yağış yağacaq

Bu gün yağış yağacaq
06:09
Bu gün
5165
Ölkə
A
Oktyabrın 20-də Azərbaycanda gözlənilən hava şəraiti açıqlanıb.

Ekologiya və Təbii Sərvətlər Nazirliyinin Milli Hidrometeorologiya Departamentindən "Ölkə.Az"a verilən məlumata görə, Bakıda və Abşeron yarımadasında sabah bəzi yerlərdə zəif duman olacağı, çiskinli yağış yağacağı gözlənilir.

Gündüz dəyişkən buludlu, əsasən yağmursuz. Gün ərzində mülayim şimal-qərb küləyi əsəcək.

Havanın temperaturu gecə 15-17° isti, gündüz 21-25° isti, Bakıda gecə 15-17° isti, gündüz 22-24° isti təşkil edəcək.

Atmosfer təzyiqi normadan yüksək 766 mm civə sütunu təşkil edəcək. Nisbi rütubət gecə 75-85 %, gündüz 55-65 % olacaq.

Azərbaycanın rayonlarında oktyabrın 20-də bəzi yerlərdə şimşək çaxacağı, arabir yağış yağacağı gözlənilir. Ayrı-ayrı yerlərdə intensiv olacağı ehtimalı var. Gecə və səhər bəzi yerlərdə duman. Şərq küləyi əsəcək. 

Havanın temperaturu gecə 12-17° isti, gündüz 21-26° isti, dağlarda gecə 6-11° isti, gündüz 13-18° isti təşkil edəcək.

ŞƏRH YAZ
0

Narkotik çəkib maşın sürən şəxs həbs edildi

Narkotik çəkib maşın sürən şəxs həbs edildi
01:45
Bu gün
2752
Ölkə
A
Narkotik vasitənin təsiri altında sükan arxasına keçən şəxsin idarə etdiyi avtomobildə qurudulmuş marixuana aşkarlanıb.

“Ölkə.Az” Daxili İşlər Nazirliyinin (DİN) mətbuat xidmətinin Lənkəran Regional qrupuna istinadən xəbər verir ki, paytaxtın Qaradağ rayonunun Sahil qəsəbəsində yaşayan Orxan Verdiyev “Rent a car”lardan birinə məxsus “Toyota Corolla” markalı avtomobili sürücülük vəsiqəsi olmadığı halda idarə edərkən Cəlilabad Rayon Polis Şöbəsinin əməkdaşları tərəfindən saxlanılıb.

Şübhəli hərəkətlər etdiyi üçün O. Verdiyev tibbi müayinəyə dəvət edilib və onun narkotik tərkibli vasitələrdən istifadə etdikdən sonra avtomobili idarə etdiyi müəyyən olunub.

Rayon Məhkəməsinin qərarı ilə O. Verdiyev 5 gün müddətinə inzibati qaydada həbs olunub. Eyni zamanda, idarə etdiyi “Toyota Corolla” markalı avtomobilə keçirilən baxış zamanı yük yerindən qurudulmuş marixuana aşkar edilərək götürülüb. Narkotik vasitənin avtomobilin sərnişini, Qaradağ rayonu Sahil qəsəbəsinin sakini Tərlan İmanova məxsus olduğu müəyyən edilib.

Bu şəxs narkotik vasitənin ona məxsus olduğunu, şəxsi istehlakı üçün saxladığını bildirib.

Faktla bağlı Cəlilabad RPŞ-nin İstintaq bölməsində araşdırma aparılır.

Ölkə.Az

ŞƏRH YAZ
1
BAĞLA