İnterpol xətti ilə axtarışda olan iki azərbaycanlı Qazaxıstanda saxlanıldı

İnterpol xətti ilə axtarışda olan iki azərbaycanlı Qazaxıstanda saxlanıldı
16:38
18.10.2017
489
Ölkə
A
Azərbaycanın daxili işlər orqanları ilə "İnterpol"a üzv olan ölkələrin hüquq-mühafizə orqanları arasında cinayətkarlıqla mübarizə sahəsində informasiya mübadiləsinin həyata keçirilməsi, həmçinin beynəlxalq axtarışa verilən şəxslərin saxlanılması və ölkəyə ekstradisiya olunması istiqamətində məqsədyönlü fəaliyyət davam etdirilir.

Daxili İşlər Nazirliyinin Mətbuat xidmətindən "Ölkə.Az"a verilən məlumata görə, həyata keçirilən uğurlu əməliyyat-axtarış tədbirləri nəticəsində Cinayət Məcəlləsinin 178.3.2 (dələduzluq, külli miqdarda ziyan vurmaqla törədildikdə) maddəsi ilə təqsirli bilinərək "İnterpol"un Daxili İşlər Nazirliyi Milli Mərkəzi Bürosu (MMB) tərəfindən beynəlxalq axtarışa verilən Azərbaycan vətəndaşları Səyyaf Tağıyev və Kamilə İbrahimova Qazaxıstanda saxlanılıb.

Bununla əlaqədar Azərbaycan və Qazaxıstanın tərəfdaş çıxdığı Müstəqil Dövlətlər Birliyinin “Mülki, ailə və cinayət işləri üzrə hüquqi yardım və hüquqi münasibətlər haqqında” 22 yanvar 1993-cü il tarixli Minsk Konvensiyasının tələblərinə uyğun olaraq S.Tağıyev və K.İbrahimovanın Azərbaycana ekstradisiyası təmin edilib.

Bildirilib ki, DİN tərəfindən cinayətlərin açılması, insan hüquq və azadlıqlarının müdafiəsi sahəsində beynəlxalq əməkdaşlığın inkişafı məqsədi ilə ölkəmizin tərəfdaş çıxdığı beynəlxalq konvensiyaların tələbləri çərçivəsində digər dövlətlərin İnterpol MMB-ləri və hüquq-mühafizə orqanları ilə qarşılıqlı işgüzar əlaqələrinin təmin edilməsi daim diqqət mərkəzində saxlanılır.

ŞƏRH YAZ
0

Polis “ağdamlı Faiq”i tapdı

Polis “ağdamlı Faiq”i tapdı
23:14
22.07.2018
1113
Ölkə
A
Sosial şəbəkələrdə avtoxuliqanlıq edərək canlı yayıma çıxan “ağdamlı Faiq” tapılıb.

“Ölkə.Az”ın xəbərinə görə, hadisə ilə bağlı Ağdam rayon Yol Polisi Şöbəsindən Avtosfer.az-a bildiriblər ki, sözügedən şəxslə bağlı məlumat efirə gedəndən 10 dəqiqə sonra həmin şəxs aşkarlanıb. Onun barəsində toplanmış materiallar Ağdam rayon məhkəməsinə göndərilib. 

Sabah (həftənin bazar ertəsi) sürücü barədə məhkəmə qərar qəbul edəcək.

Qeyd edək ki, sürücü və atası Ağdamda kondisioner ustasıdır. O, bu hərəkətlərini çılğınlıq adlandırıb və “cavanlıq” etdiyini deyib.

Ölkə.Az

ŞƏRH YAZ
0

Bu gün 8 nəfər ölümün əlindən alındı

Bu gün 8 nəfər ölümün əlindən alındı
22:55
22.07.2018
885
Ölkə
A
Dənizdə batma təhlükəsi ilə üzləşən 8 nəfər xilas edilib.

"Ölkə.Az" FHN-in saytına istinadən xəbər verir ki, bu gün Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti tərəfindən Hövsan, Bilgəh, Mingəçevir, Mərdəkan sularda xilasetmə məntəqələrinin ərazisində və qeyri-çimərlik (nəzarətsiz) ərazidə çimərkən batma təhlükəsi ilə üzləşmiş 8 nəfər xilas olunub​.

Ölkə.Az

ŞƏRH YAZ
0
BAĞLA