İntihar edən kişinin son məktubu üzə çıxdı: “Borc məni bezdirib”
Xətai rayonu, General Mehmandarov küçəsi 66 ünvanında intihar faktı qeydə alınıb.
“Ölkə.Az”ın xəbərinə görə, 1963-cü il təvəllüdlü Şahlar Ağasalah oğlu Abdulov yaşadığı 9 mərtəbəli binanın damına çıxaraq özünü aşağı atıb. Hadisə yerinə 35-ci Polis Bölməsi və rayon prokurorluğunun əməkdaşları gələrək ilkin araşdırmalara başlayıblar. İntihar edən 55 yaşlı kişinin üzərindən ölümündən qabaq yazdığı məktub çıxıb. Məktubda yazılıb ki, “borc məni bezdirib, daha yaşaya bilmirəm”.
Faktla bağlı Xətai rayon prokurorluğunda cinayət məcəlləsinin 125 (ölüm həddinə çatdırma) maddəsi ilə cinayət işi başlanıb.
