İntuisiyanıza güvənin, necə hərəkət etmək lazım olduğunu daxili səsinizə etibar edin

İntuisiyanıza güvənin, necə hərəkət etmək lazım olduğunu daxili səsinizə etibar edin
01:13
08.04.2018
5799
Maraqlı
A
"Ölkə.Az" "Milli.Az"a istinadən sabaha olan ulduz falını təqdim edir:

Qoç - Yalnız entuziazm və qətiyyət sayəsində uğur qazana bilərsiniz. Hətta şərait imkan verməsə belə, siz məqsədinizə doğru gedir və hamının təəccübünə rəğmən, ona çatırsınız. Nüfuzlu bir şəxin dəstəyini qazana bilərsiniz.

Maraqlı tanışlıqlar mümkündür. Bu gün başlanan münasibətlər sizin üçün gözlənilməz olan bir məcrada davam edəcək. İntuisiyanıza güvənin, necə hərəkət etmək lazım olduğunu daxili səsinizə etibar edin. Axşam dəyərli hədiyyə ala bilərsiniz.

Buğa - Parlaq, yaddaqalan, maraqlı hadisələrlə dolu gündür. İşləriniz artır, gərginlik çoxalır, amma bunların heç biri sizi tamamilə qorxutmur. Cəld hərəkət etmək və ani anda vacib qərarlar qəbul etmək kimi xüsusiyyətləriniz bədxahlarınız qarşısınıda sizə böyük üstünlük qazandırır.

Həm işdə, həm şəxsi həyatınızda ciddi dəyişikliklər mümkündür. Maraqlı təklif ala bilərsiniz, onları qəbul etməyə dəyər. Günün ikinci yarısı qəfil qonağınız gələ bilər, onların gəlişinə xeyli sevinəcəksiniz.

Əkizlər - Bu gün öz işlərinizi bir kənara qoyub, başqalarının maraqlarını müdafiə edəcək, ətrafınızdakıları sevindirəcəksiniz. Kimsə sizin xeyirxahlığınızdan sui-istifadə etməyə çalışmayacaq, odur ki, insanlara yardım etmək həvəsinizi boğmayın. Peşəkar əlaqələrinizi möhkəmlətmək zamanıdır. Çoxdankı iş ortaqlarınızla görüşə bilərsiniz, güman ki, onlar sizə maraqlı təkliflər edəcəklər.

Bu gün bilik ehtiyatlarınızı genişləndirin, elmi ədəbiyyat oxuyun. Bir qədər yüngül əyləncələrə də baş vurmaq olar, dostlarınızın əhatəsində gözəl vaxt keçirə bilərsiniz.

Xərçəng - Ehtiyacınız olan dəstəyi vaxtında alacaq və onun sayəsində bir çox problemlərinizin öhdəsindən gələcəksiniz. Ağlınızı işlədərək cari məsələlərin öhdəsindən tez gəlməyin yolunu tapa bilərsiniz. Belədə, yeni ideyalarınızın gerçəkləşdirilməsinə də vaxt qalar. İşgüzar görüşlər uzansa da, istədiyinizə çata bilərsiniz.

Şəxsi münasibətlərdə təşəbbüs göstərin, arzu və gözləntiləriniz barədə açıq danışın. Başqalarının işlərinə qarışmaqdan çəkinməyin - bu yalnız hamının xeyrinə olar. Günün ikinci yarısı uğurlu alış-veriş edə bilərsiniz.

Şir - Yaradıcı iş, qeyri-standart yanaşma tələb edən məsələlərin həlli üçün əla gündür. Orijinal ideyaları gerçəkləşdirmək xoşunuza gəlir, cari işlər isə sizi yorur, darıxdırır. İşgüzar danışıqlar yaxşı keçir, yeni tanışlarınızda dərin təəssürat oyadırsınız. İşdə məhəbbət macərasının başlanması mümkündür.

Evinizi yeniləyə, təmirə başlaya, yaxud, sadəcə, mebelin yerini dəyişdirə bilərsiniz. Ev üçün əşyalar almaq olar. İmicinizdə dəyişiklik xeyrinizə olar, elə nəticəsi də sizi sevindirər.

Qız - Düzgün yanaşma sayəsində bir çox problemləri həll etmək mümkün olacaq. Başqalarının əhəmiyyət vermədikləri faktları, bütün işin gedişatına təsir edə biləcək xırda detalları vaxtında görür və düzgün qiymətləndirirsiniz. Ətrafınızdakılara kömək edin - başqaları üçün etdikləriniz özünüzə də xeyirlidir.

Birlikdə oxuduğunuz, yaxud hansısa layihə üzərində işlədiyiniz insanlarla ünsiyyət qurun. Eksperimentlər, ağıllı risk məsləhətdir. Bu gün başlanan eşq macərası başgicəlləndirici olacaq.

Tərəzi - Kölgədə qalmağa can atmayın: bu gün nə qədər çox diqqət cəlb etsəniz, bir o qədər yaxşıdır (özü də tək sizin üçün deyil). Nüfuzlu şəxslərlə danışıqlar aparmaq, investor və ya hami axtarmaq olar. Yeni başlanan işgüzar əlaqələr, sizin istəyiniz olarsa, dostluğa, yaxud sevgiyə çevrilə bilər.

Pul ala bilərsiniz, bu, mükafat, yaxud həvəsləndirmə ola bilər. Pulları sərf etməyə tələsməyin: tezliklə vacib bir layihəni gerçəkləşdirmək üçün pula ehtiyacınız olacaq.

Əqrəb - Cari işlərə diqqət yetirmək çətindir: ürəyiniz böyük layihələr və möhtəşəm qələbələr istəyir. İddialı ideyalarınızı reallaşdıra bilərsiniz. Dəfələrlə hər şeyə qadir olduğunuzu sübut etdiyiniz adamlar bu işdə sizə yardımçı ola bilərlər. Sizi bu gün xeyli tənqid edirlər, amma bunların heç biri eyninizə deyil.

Gənclərlə ünsiyyət faydalıdır - onların həyatsevərliyi və nikbinliyi sizə də sirayət edir. Özünüzdən cavan bir insanla eşq macəranız başlaya bilər. Muzey və sərgi salonlarına gedin.

Oxatan - Kütlə qarşısında çıxışlar, işgüzar danışıqların aparılması üçün münasib gündür. Əgər iş axtarırsınızsa, bu gün potensial sahibkarlarla görüş üçün çox əladır: onlarda lazımi təəssürat oyada bilərsiniz. Təşəbbüs göstərin, yeniliklərin və təkliflərin sizə çətinlik yaradacağından çəkinməyin.

Şəxsi həyatınızda situasiya birmənalı deyil: nəyin baş verdiyini ayırd etmək üçün intuisiyanızı dinləyin. Bütün problemlərin səbəbini tapıb aradan qaldırmaq asan deyil, amma mümkündür. Axşam özünüzü kiçik bir hədiyyə ilə sevindirin - buna tamamilə haqqınız çatır.

Oğlaq - Məqsəd və prioritetlərinizi dəqiqləşdirmədən heç bir addım atmayın. Xırdalıqlara çox vaxt sərf edir, vacib olanları isə diqqətdən qaçırırsınız. Yeni, sizin üçün tanış olmayan sahəyə can atırsınız, ancaq öncə başladığınız işləri bitirsəniz, daha yaxşı olar.

Əməkdaşlıqla bağlı işgüzar danışıqların aparılması üçün münasib gündür. Ancaq müqavilə imzalamağa tələsməyin, daha yaxşı şərtlərə nail ola bilərsiniz. Şəxsi münasibətlərdə ciddi dəyişikliklər gözlənilmir.

Dolça - Peşəkar məsələlər xeyli güc tələb edir. Ancaq nə vaxtsa yardım etdiyiniz insanlar köməyinizə gələcəklər. İşləriniz çox olsa da, qeyri-formal ünsiyyət üçün də vaxtınız qalacaq. Bunu əhəmiyyətsiz qoymayın: məhz belə görüşlərdə sizin üçün aktual olan bir neçə problemi həll edə bilərsiniz.

Qohumlar arasındakı söz-söhbətə son qoya, ədaləti bərpa edə, sizin üçün dəyərli olan insanların arasını düzəldə bilərsiniz. Maliyyə perspektivləri pis deyil.

Balıqlar - Mürəkkəb məsələlər həllini gözləyir, siz də tərəddüdsüz bunları bir-bir aradan qaldırmağa girişirsiniz. Özünüzə inamınızın əsası var - doğrudan da, indi hər şeyə qadirsiniz. Kənardan köməyə ehtiyacınız yoxdur, amma bu gün sizə müstəqillik versələr, özünüzü xoşbəxt sayarsınız. Kommersiya fəaliyyətində bəxtiniz gətirəcək.

Yaxınlarınızla münasibətlərdə bəzən sərtlik göstərirsiniz. Bəzən bu, incikliyə səbəb olsa da, ciddi münaqişə yaranmır. Bəzi hallarda yumor hissi köməyinizə gəlir. Amma hərdən zarafatın heç yeri olmur.

Ölkə.Az

ŞƏRH YAZ
0

Nevada səhrasında müəmmalı ağ piramida — Yadplanetlilərin sirli bazası (FOTOLAR)

Nevada səhrasında müəmmalı ağ piramida
19:02
Bu gün
306
Maraqlı
A
“Google Earth” də “40°20'41"N 117°20'48"W” koordinatlarını daxil etsək, Nevada ştatındakı səhrada müəmmalı binanı göstərəcək.

“Ölkə.Az” xəbər verir ki, bu bina səhranın tam ortasında yerləşir. Əgər kameranı binadan bir az kənara fırlatsaq və uzaqlaşdırsaq, uzunluğu bir kilometrdən çox olan ağ üçbucaq görəcəyik. Bu struktur sünidir və onun sərhədləri dəqiq çəkilib. Bununla yanaşı, onun nəydən ibarət olduğu məlum deyil. Elə bil ki, yuxarıdan nəhəng nəsə buraxıblar və bu nəhəng aparat güclü isti ilə daş və qumu ağardıb.

Üçbucağın yanındakı tikililər nə fermaya, nə də heyvan axuruna bənzəyir. Sonuncu dəfə fotolar 2014-cü ilin may ayında lentə alınıb. Amma ağ üçbucaq bu ərazidə 1994-cü ildən mövcuddur. 1994-cü ildə isə ətrafda heç bir bina yoxdur!

Müəmmalı üçbucağı yerli sakin üzə çıxarıb. O, məşhur 51-ci Zonanı tapmaq istədiyi zaman bu tapıntı ilə üzləşib.  Batl Mauntin sakini Nevada ştatındakı 51-ci zonanı və UNO qəzasının izlərini araşdırırmış. O, bu barədə MUFON saytına məlumat verib.

Ufoloqların fikrinə əsasən, bu ərazidə uzun illər əvvəl UNO və ya məxfi hərbi təyyarə qəzaya düşüb. Bu səbəbdən də qəzanı və nəticələrini öyrənmək üçün tədqiqat işləri aparılıb.

Hikmət Həsənov
Ölkə.Az

ŞƏRH YAZ
0

Həkimlərdən xəbərdarlıq: “Pirsinq çox təhlükəlidir, risk etməyin”

Həkimlərdən xəbərdarlıq: “Pirsinq çox təhlükəlidir, risk etməyin”
14:10
Bu gün
2091
Maraqlı
A
Bir çox hallarda pirsinq infeksiya, allergiya və zədələrə səbəb olur.

“Ölkə.Az” xəbər verir ki, bir sıra dünya həkimləri  pirsinqin təhlükəli olduğunu qeyd edirlər. Çünki bəzən pirsinq güclü qanaxma, herpes, iltihaba səbəb olur.
Dərini gözəllik üçün deşmək min illərdir təcrübə edilir. Misir fironları, romalı legionerlər, orta əsr dənizçiləri, mayalılar, kral ailəsinin üzvləri də bunu ediblər. Sivil dünyada isə pirsinq üçün sadəcə qulağı deşir və sırğa asırdılar. 1980-ci illərdə ABŞ-ın marjinal cəmiyyətlərində bədənin digər üzvlərinə də pirsinq taxmaq populyarlıq qazandı. Son on ildə isə bu dəb bütün dünyada yayılmağa başladı. 

Pirsinqi əsasən gözəllik salonlarında edirlər və bir çox hallarda bu salonlar tibbə aidiyyatı olmayan salonlardır. Əgər gigiyena və aseptik qaydalara rayət edilsə, adi üsuldur. Amma tez-tez fəsadlar barədə xəbərlər yayılır. Bir qayda olaraq deşilən yerin iltihabı ilə həkimə müraciət edilir.
Rusiyalı professor, tibb elmləri üzrə doktor İrina Korsunskaya məsələ ilə bağlı deyib:

“Bu, adi bakteriya infeksiyasıdır. Salonlarda steril edilməmiş alətlərlə işləyəndə üzə çıxır. Bunu müalicə etmək olur və xüsusi problem yaranmır. Amma bəzək əşyasının hansı metaldan hazırlandığını bilməyəndə ciddi fəsadlar yaranır. Pirsinq etmədən əvvəl allergiyaya səbəb olub-olmayacağını öyrənmək lazımdır. Bəzən metal əşyaların bədənə yeridilməsi toksik reaksiyaya səbəb olur və dəridə dəyişikliklər üzə çıxır.

Bir çoxları düşünür ki, qızıl və gümüş infeksiyaya qarşı qoruyur. Amma mütəxəssislər bunun belə olmadığını deyir. Bahalı metaldan olan bəzək əşyalarını dezinfeksiya etmək lazımdır. Əgər bu metalları dezinfeksiya etməsək, zağlanır. İnsanlar düşünürlər ki, pirsinqi gümüşdəndir. Amma adi metaldır və reaksiya başlayır, zərərli maddələr orqanizmə düşür”.

Dodaq, dil pirsinqi bəzən bir və ya bir neçə dişin itirilməsinə, damaq iltihabına səbəb olur. Stomatoloqlar bunu çoxdan bəyan ediblər. Müntəzəm olaraq metal bəzək gəzdirmək dişi və damağı qıcıqlandırır.

Həkimlər dilin deşilməsinin əleyhinədirlər. Çünki bu, angina və nəfəsalma probleminə səbəb ola bilər. Bundan başqa güclü qanaxma da baş verə bilər.
Alimlər bildirirlər ki, pirsinq eyni zamanda B, C hepatit və hətta QİÇS viruslarının yayılmasına səbəb ola bilər. Bu, əsasən də cinsiyyət orqanlarına taxılan pirsinqlərdə baş verə bilər.

Hikmət Həsənov
Ölkə.Az

ŞƏRH YAZ
0
BAĞLA