\"iPhone 8\" bu gecə təqdim edilir
"Ölkə.Az" xəbər verir ki, yeni məhsulların xüsusiyyətləri haqqında sürpriz iddialar var. Bunlardan biri yeni smartfonun göz bəbəyi ilə kilidi açma funksiyası var. Bundan başqa "Apple" analitiklərindən sayılan Minq-Çi Kounun iddialarına əsasən yeni "iPhone8" naqilsiz enerji dolduracaq.
Yeni "iPhone"nun qiyməti 1000-1200 dollar arasında olacaq. Ötən ilin sentyabr ayında təqdim edilən "iPhone7" və "iPhone7Plus" modelində qulaqlıq girişini ləğv edən "Apple" yeni kabeli təqdim edəcək.
Yeni kabel sisteminin adı "Ultra Accessory Connector"dur. Bu kabel qulaqlıqlarda istifadə edilmək üçün isehsal edilib. Yeni kabelin həm "USB-C" həm də "Lightning"dən daha kiçik ölçüdə olduğu bildirilir. Əgər bu reallaşsa, köhnə enerji dolduran kabelləri heç bir işə yaramayacaq.
"iPhone8" modelində isə ilk dəfə olaraq barmaq izi sensoru ləğv edilib. Ekran sahəsi genişləndirilib. İstifadəçilər telefonu açmaq üçün göz bəbəyindən istifadə edəcəklər. Yəni, ekran kilidini açmaq üçün barmaq izi və ya parol daxil etmək əvəzinə telefonun ön hissəsinə baxmaq kifayət edəcək.
Kabelsiz enerji doldurma aparatı isə ayrı satılacaq. Bu qurğu sayəsində telefonumuz əlimizdə olduğu halda da enerji dolduracaq.
"iPhone8"in daxili strukturu yenidən hazırlanıb. OLED ekranla gözlənilən modeldə dövrə hissəsi kiçildilib batereyaya daha çox yer ayrılıb.
4.7 düymlük ölçüdə olacağı söylənilən yeni modelin batereyası 2.700maH gücündə olacaq.
Yeni iddialara əsasən "Apple" "iPhone7" və "iPhone7Plus" modellərinin arasına yeni model əlavə edəcək. Çox güman ki, söhbət "iPhone7S"dən gedir.
Hikmət Həsənov
Ölkə.Az