"iPhone X" təqdim edilərkən biabırçılıq — Əsas funksiyası işləmədi

01:32
13.09.2017
411
Dünya
A
"Apple" şirkəti yeni "iPhone 8" və "iPhone X" smartfonlarını təqdimetmə mərasimində biabırçı anlar yaşanıb.

“Ölkə.Az” xəbər verir ki, “iPhone X” telefonunun təqdimetmə zamanı əsas funksiyalardan biri işləməyib. Mərasim zamanı telefonun əsas funksiyalarından biri olan “Face ID”, yəni telefon sahibinin üzünün tanınması funksiyası işləməyib.

Telefonların təqdimatını şirkətin vitse-prezidenti Kreyq Federini keçirib. Federini telefonu açara qoyub və onu açmaq üçün aparatın sahibinin ekrana baxmasının kifayət olduğunu deyib. Lakin bu funksiya işləməyib. Canlı efirdə yayımlanan təqdimatda Federini pərt olub. Telefon onun üzünü tanımayıb və işə düşməyib. Canlı efirdən də, aydın görünüb ki, telefonun ekranının açılması üçün kod tələb edilib.

Qeyd edək ki, "Apple" şirkəti yeni "iPhone 8" və "iPhone X" smartfonlarını təqdim edib. iPhone X" gözləndiyi kimi bir çox yeniliklərlə gəlib. 

“iPhone X” ilk dəfə metal korpusla istifadəyə verilib. 2 rəngdə istehsal edilən bu smartfonlar qara və boz rənglərində olacaq. 

Smartfonların arxa hissəsi şüşədən hazırlıb. "iPhone X"-də 6 nüvəli A11 Bionic prosessoru yer alıb ki, bu da əvvəlkindən 70% sürətlidir.

Qeyd edək ki, telefonun qiyməti Azərbaycanda təqribən 1800 manat olacağı gözlənilir.

Ziya Səccad
Ölkə.Az

ŞƏRH YAZ
0

ABŞ-dan Rusiyaya qarşı ittiham: "Türkiyə ilə aramızı vurur"

ABŞ-dan Rusiyaya qarşı ittiham:
12:34
Bu gün
46
Dünya
A
ABŞ-ın xarici işlər nazirliyinin mətbuat katibi Hizer Noyert Rusiyanın Türkiyə ilə Birləşmiş Ştatların arasını vurmağa çalışdığını iddia edib.

"Ölkə.Az" xəbər verir ki, Hizer Vaşinqtonda keçirdiyi mətbuat konfransında sözügedən fikri səsləndirib.

Hizer ona ünvanlanan "Ruslar YPG qruplaşmasına silah verir. Türkiyənin Afrin əməliyyatına görə ABŞ-ı günahlandırır. Bu açıqlamaları necə dəyərləndirirsizniz?"-sualına "Rusiyanın açıqlamaları vəziyyətə kömək etmək əvəzinə, təxribat xarakteri daşıyır. iki NATO müttəfiqinin arasını vurmağa çalışırlar. Ancaq bunu edə bilməyəcəklər"-cavabını verib.

Noyert ABŞ-ın XİN rəhbərinin türkiyəli həmkarı Mevlud Çavuşoğlu ilə də görüşdüyünü bildirib: "İki nazir çox ciddi və açıq görüş keçirdilər. Regionda baş verənlərə görə narahatıq. Bu prosesə görə baş tutan üç telefon danışığı da bunu sübut edir".

Hikmət Həsənov
Ölkə.Az

ŞƏRH YAZ
0

Türkiyə ordusu: "Afrində 300 terrorçu məhv edilib"

Türkiyə ordusu:
11:38
Bu gün
382
Dünya
A
Türkiyə ordu baş qərargahı "Zeytin Dalı" əməliyyatı ilə bağlı yeni açıqlama verib.

"Ölkə.Az" xəbər verir ki, açıqlamaya əsasən, 20 yanvar tarixindən başlayan əməliyyat çərçivəsində ən azı 260 terrorçu məhv edilib. Bununla yanaşı türk ordusu da şəhid verib.

Ordu qərargahının açıqlamasında deyilir: "Əməliyyat çərçivəsində 23 yanvar tarixində terrorçularla toqquşma zamanı bir əskərimiz şəhid olub, digəri isə yaralanıb. Bu günə qədər ən azı 260 terrorçu məhv edilib. Əməliyyat davam edir".

Hikmət Həsənov
Ölkə.Az

ŞƏRH YAZ
0
BAĞLA