KORONAVİRUSA YOLUXANLARIN SAYI - CANLI STATİSTİKA

“iPhone”da yeni təhlükəli boşluq aşkar edilib

“iPhone”da yeni təhlükəli boşluq aşkar edilib
21:30
17.08.2019
8934
Maraqlı
A
Hakerlər "Kontaktlar" proqramının köməyi ilə “iPhone” qurğusuna müdaxilə etməyə nail olublar.

“Ölkə.Az” “ICTnews”a istinadən xəbər verir ki, SQLite məlumat bazasında aşkar edilmiş boşluqlar “iOS” sisteminin idarəetməsi altında işləyən qurğuya müdaxilə etməyə imkan verir.

Hakerlər tərəfindən məlumat bazasına tətbiq edilən zərərverici kod, məsələn, istifadəçi ona lazım olan nömrəni axtardıqda işə düşür. Beləliklə, cinayətkarlar yalnız istifadəçilərin şifrə və kontaktlarını oğurlamır, həm də qurğu üzərində tam idarəetməni ələ keçirə bilərlər.

Mütəxəssislər qeyd edirlər ki, SQLite istənilən əməliyyat sistemi, fərdi kompüter və mobil telefonda əlçatan olan dünyada ən geniş yayılmış məlumat bazasıdır. “Chrome”, “Firefox”, “Safari” kimi brauzerlərdə, həmçinin “Dropbox” proqramında sözügedən məlumat bazasından istifadə edilir.

“Check Point” şirkəti öz işinin nəticələri haqqında “Apple” şirkətini xəbərdar edib və ümid edir ki, bu tədqiqat kibertəhlükəsizlik üzrə dünya cəmiyyətini SQLite məlumat bazasında aşkar edilmiş boşluqları aradan qaldırmağa sövq edəcək.

Ölkə.Az

ŞƏRH YAZ
0

Pəhrizsiz düşünərək arıqlayın

Pəhrizsiz düşünərək arıqlayın
19:31
02.07.2020
2759
Maraqlı
A
Xüsusi pəhrizə əməl etmədən də arıqlamaq mümkündür. Amerikada Diana İronz imzası ilə çıxan "Asan gözəllik sirləri" adlı kitabda qadınlara pəhrizsiz arıqlamağın üsulları açıqlanır.

"Ölkə.Az" axşam.az-a istinadən xəbər verir ki, kitabda psixoloji düşüncələrin bu yolda sizə yardım edəcəyi vurğulanıb.

Beləliklə pəhrizsiz arıqlamaq üçün…

· İlk əvvəl özünüzə çox bəyəndiyiniz, əyninizə balaca olan bir libas alın. Bu sizdə arıqlamağa olan həvəsi gücləndirəcək.

· Hər gün yeməkdən əvvəl 1 stəkan soyuq su için. Bu sizin aclığınızın qarşısını alacaq.

 · Yemək zamanı çoxlu bibər yeyin. Bibər bədəninizdəki yağları 25 faiz əridir.

· Qaranlıqda yeməyin.

· Aclıq hiss etdikdə musiqiyə qulaq asın.

· Gün ərzində ən az 20 dəqiqə küçədə gəzin.

· Yeməkdən sonra pilləkənləri çıxıb-düşün.

· Şokaladı yedikdən sonra çay yox, qazlı su için. 

· Rəflərinizdə olan libaslarınızı yerə töküb, onları yenidən yerləşdirməyə başlayın.

· Yeməkdən sonra limon yeyin.

· Daha çox tərəvəzlərə üstünlük verin.

· Televizora baxarkən, qəzet və ya kitab oxuyarkən heç nə yeməyin.

Ən əsası bütün günü güzgüyə baxıb, kökəldiyinizi deməkdən əl çəkin. Yediyiniz hər şeydən sonra, "kökəldim" düşüncəsindən uzaq olun.

ŞƏRH YAZ
0

"Kəskin istidən soyuq otağa daxil olsanız..." — Kardioloqdan XƏBƏRDARLIQ

10:08
02.07.2020
6312
Maraqlı
A
Seçenov Universitetinin xəstəxana terapiyası klinikasının direktoru, Rusiya Elmlər Akademiyasının akademiki, kardioloq Yuri Belenkov rütubətin, təzyiqin, maqnetik aktivliyin və temperaturun sürətlə dəyişməsinin sağlamlığa mənfi təsir etdiyini açıqlayıb.

"Ölkə.Az" publika.az-a istinadən xəbər verir ki, akademikin sözlərinə görə, belə hava şəraitində dərman qəbul edən xəstələr həkim tövsiyələrini ciddi şəkildə yerinə yetirməlidir. Belenkov həmçinin adaptogen preparatların meteohəssas insanlara kömək edəcəyini söyləyib.

"Bunlara Çin limonunu, leuzea kimi bitkiləri və ya melatonini misal göstərmək olar. Melatonin bioloji, sirkadiya ritmlərimizi idarə edən hormondur və bu dəyişikliklərə dözməyə kömək edir".

Mütəxəssis həmçinin "nəfəs ala bilən" paltar və ayaqqabı geyinməyi məsləhət görüb. O bildirib ki, belə geyimlər orqanizmi istiyə dözümlü edir. Həkim xatırladıb ki, qan laxtalanmasının qarşısını almaq üçün çox miqdarda su içmək lazımdır. Mikronutrient ehtiyatları doldurmaq üçünsə suya həll olunan natrium və maqnezium duzları əlavə edilməlidir.

Daxili və açıq hava temperaturu beş dərəcədən çox fərqlənməməlidir. Kəskin istidən soyuq otağa girmək öskürək və radikulit meydana gətirə bilər.

ŞƏRH YAZ
0
BAĞLA